LAKSASIKE 26:23 - Ala Ane Wene Ket Mene Warogo Wo'ninapike Wene

²³ It en he, Karìsùt ebe wa'larìk he, at tak eluk arìk, wene lìarinabigin wene atì, apùnì Yahuri mene yogoisìgìk, etakwe mene yogoisìgìk, igin o, ìlùk isukwasik helal waganogo hesukwa atì hagat an nen ìkì lagì o,” ìlùk yogosike.

LAKSASIKE 26:23 ပူးပေါင်းရင်းမြစ်များ

LUKAT 24:26

At Karìsùt Ala nen ayoko hesike a'nogo, yì aik tì aik hìgì'le'ma hogorasusak nogo? Lek o. Hikenem en hogorasusak o. Hit en egep atì hagasusak higit hogoat hagata o,” ìlùk yogoisasike.

KOLOSE 1:18

Nit Ala againapùrì ninoe kain at Karìsùt logolìk, ninebe ninelugu'ninaperek atì nen, at ebe eki esok negen welagorek. Yì mene tì mene abel negen werek kolek, at Ala nen, “Esin he, an naput makusa meneat logouak,” ìlùk, at ebe wa'lagaikesi'mo nen, eluguthesike atì.

IBERANI 2:10

At Ala atì re, yì mene tì mene at okawerek hesik, okawerek enat elalhike mene nen, apùnì at againapùrì logolegat hogorinapì logogunmo wogisek loagalùk, kwe wanhùkwe Yesùt at o. At enat apùnì elok telinabìk wogisek laga logouagalùk yì aik tì aik hìlìk hìlìk wa'lasuagalùk akasike atì re, elok akasak meneat higit hogo akasike.

1 KORÌTÙT 15:3

Wene emakum an yakùlnesukwama, wanhigi meneat hit hobuk yakùlhisasigi atì re, ebe mel akìgì. Nit weak hagatì lagagu mene hesik, at Karìsùt nineki elùgùn oba wasugun ìlùk helal waganogo hesukwa higit hogoat ebe wasukwa atì.

YOHANET 10:18

An nen wa'lasigin akìgì'le'maat, it apùnì aike nen oake ba noasusak mea o. We, an nokawerek na'la nenat, nebe wa'lasigin akegein obaat wa'lasigin o. Wa'larìk, hobuk napotkwe neluk asigin atì nokawerek na'la nen akegein obaat o. Atì'nogo hagasuagalùk nopase nen lakhani wagaike meneat hagasigin o, ìlùk eberogoat yogohisìgì,” ìlùk yogoisasike.

LAKSASIKE 26:8

hobuk it ap Yahuri mene yogoisìkì logolìk he, “Nagaiya'lak. Hit en he, Ala nen apùnì wa'lagaikarek mene eberogoat inelugurinabigin, ìlùk, hùthahùk atì nahalok,” ìlùk yogoisasikesik, Agarìpa mel yogosike:

LAKSASIKE 13:34

Yesùt ebe wa'lagaikesik were'ma, Ala nen eluguthesikomo re, hobuk wa'larìk hili asigin lek o, ìlùk wene aike mel isike: Tì'nogo hagathabigin, ìlùk, wene an nokawerek en ìlìk en, hobuk munenigin lek mene eberogoat Taùt waresigi mene atì harat wokhesigin o, ìlùk yogosike atì.

LAKSASIKE 3:18

Hageat Ala nen he, An nen telhinabigin mene Karìsùt hinoba lakhei wesigin atì, ebe yì aik tì aik oba hìlìk wasugunat o, ìlùk wene wa'nisasike mene atì, ebe it ap at ane yogoisìkì lagaukwa mene amanogo inebe obogat en ìkì lagaukwa atì hagat haga'lasuagalùk haga'laga atì.

YOHANET 11:25

at Yesùt en he, mel yogosike: “Apùnì ineluk motok logouagalùk, an nenat inelugurinapìrek o. At sa nen etaùken an noba hìpìrethìlì'mo nen wa'lasigin halok he, at ebe wa'lasigin meneat he, hobuk eluk arìk eluk motok logogin o.

LUKAT 24:46

Atì'nogo inetaùken healogo yogoisìkì logolìk, “Ala nen Karìsùt ayoko hìlìk lakhei wesigin isike mene helal mel ìlùk waganek werek: Yì aik tì aik hìlìk hìlìk wa'larìk en, eki pìre warek logopik he, aike yì nen he, wa'la'lùk lagaikare'ma nen eluk asigin o, ìlùk helal waganek werek.

MATÌÙT 27:53

At Yesùt ebe eluk agaikomo re, it ineluk agaukwa mene atì, o kota Yerusalem Ala okawerek awì egarek a'nogo kisukwama re, apùnì inebe apik enat ineileken isasukwa.

MATÌÙT 26:24

An abat ta'lasi wagagi a'nogo, hagasigin mene helal waganek werek higit hogoat hagasigin meneat he, at ap nebe noasuagalùk yoko legein mene atì nek he, eigo. Motok weagat asigin o. At ap atì ta'la'lep le'ma re, hanoat logoilep mene,” ìlùk yogoisasikomo,

LAKSASIKE 3:24

It ap alep Ala ane yogoisìkì lagaukwa mene amanogo, hùlì at Samuel atì hùlì nen he, it hobuk Ala me yogoisìkì lagaukwa mene inomat, inebe obogat en he, wane nit o yogotak ya logolìk hagatì lago mene hesik ìkì lagaukwa.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.