LAKSASIKE 26:20 - Ala Ane Wene Ket Mene Warogo Wo'ninapike Wene

²⁰ Wene atì, emakum it apùnì Yahuri mene o Tamìsìk atoma welagaukwa mene yogoisasigi. Hobuk o Yerusalem lìlìk logolìk, it atoma mene yogoisìgìk, o propinsi Yurea mene obogat yogoisìgìk, isigisik, it etakwe mene yogoisìlìk nìkì lagì. Atì'nogo yogoisìlìk nìkì logolìk he, Weak hagatì lagep mene heraksìlìk hinoabùt hebelarìk hinelokwe Ala wogo'no o. Hinelokwe Ala wogorìk he, hinoabùt apùnì inoabat hebelarìk hagatarek hagat hagatì logoino o, ìlùk yogoisìkì lagì.

LAKSASIKE 26:20 ပူးပေါင်းရင်းမြစ်များ

LAKSASIKE 3:19

Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.

MATÌÙT 3:8

Halok he, hina'la ebethìlìk, weak hagatì lagep mene heraksìlìk, hinepe hebelarìk hagasusak meneat higit hogo hagatì logoino o.

LAKSASIKE 2:38

Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.

ABÌKAKAN 2:5

Atì halok he, hit kopok hogo motogat pegesip welagep atì, hina'la ebethìlìk, hinoabùt hebelarìk he, alep hagatì lagagip atì hagat hagatì logoino o. Atì'nogo hagatì'lek halok he, an nebe wìrìk he, hit mene esage kìalhùkwe atì obùlù'mo nen kìgìlogo wokhegein o.

MATÌÙT 9:13

Ala ane aike mel isike: An Ala na'la re, apùnì nen inako wa'netarek atì nabìt o. We, it apùnì aike inetawìrinapì logousak atìat walok o, ìlùk isike wene atì tùkùmethei lani o. An wagagi atì re, apùnì inoabùt hano hagatarek mene inayoko heigìlùk wagagi hùk. Lek o. We, inoabùt weak hagatarek mene atì inayoko heigìlùk wagagi o,” ìlùk yogoisasike.

ABÌKAKAN 3:3

Hit atì'nogo siak hogo melarìk hinomamo agì'lek halok he, apùnì yogot wanuogolùk hinagasogo wagaikarek atì hak, an atì'nogoat, hit en, At tì sat wesigin, ìlùk hinokotma wesinogo nen he, wene emakum yakùlhisasukwama hinasuk holhigip mane hina'la ebethìlìk he, weak hagatì lagep mene hukalogo heraksìlìk hinoabùt hebelarìk, wene atìat hineki ning hogo hesogo logoino o.

EPESÙT 4:17

An ninoe Etagepogot neperak hutik logolìk, at en yogohisa hak wene yì hinasuk warogo yogohisak. It apùnì etakwe mene inoabùt hagarì'lùgì atì hak, hit hinoabùt atì'nogo hagatì logogùp o. It atì, we tùlemat mene oba ebetì logolìk he,

2 KORÌTÙT 7:10

Apùnì kweangma mene nen ina'la kagalhenem, ina'la weagarìk he, inebe wa'lagaikarek meneat he, at Ala a'la walok akikerek oba ina'la weak agaresik, weak hagatarek mene heraksìlìk inoabùt hebelaganem he, Ala nen hanorinaperek atì. Hanorinapenem he, “An na'la weak aga ba, napik en noabùt hebelhì” ìlùk hobuk wenesùgì ebetarek lek.

1 TESALONIKA 1:9

It en wene mel ìlì'lùgìat: “It apùnì o Tesalonika mene nen, Paùlùt lak inebe woginabìk he, Eberogoat he, Ala eluk motok welagarek mene atìat o, ìlùk awe a'ma logolìk, at hesik hagatìk, at aput pogot oba nen pi wesigin atì ebe serogo welagìk, uogolùk he, tùgì hareken heraksìlìk, inelokwe hebelogo Ala wogosukwasik werek Ala nen aput wa'lagaikesi'mo eluguthesike mene, ebe Yesùt atìat o. Nen, Ala a'mage lagalìk ùkùm apùnì inoba hìkì logolìk, nit Yesùt atì nenat telninabìgìn o,” ìlùk, hinabok hano ìlì'lùgìat o.

2 KORÌTÙT 3:16

Atì'nogo meneat he, apùnì it mene aike inepe hebelogo inelokwe ninoe Etagepogot wogotenem he, inetaùken apumeke laberek mene atì wokhikerek.

ÙRÙM 2:4

“At Ala oabùt hano motok, enago lìoksek,” ìlùk, hina'la meathìkì lagep a? Hit hina'la nen he, “Ala oabùt hano nen nit weak hagatì lago mene heraksìlìk ninoabùt hebelasuagalùk, nina'la kagalherek,” ìlùk hinokot nogo? Hineluat o.

LAKSASIKE 26:17

Apùnì Yahuri mene mel, it etakwe mene mel, hoasuogolùk ikenem, an nen telhapì logogin o. It etakwe mene ineileken mùm werek atì hekenogo hagarinapìk, inebe o mùmmo werek atì inelokwe hebelogo lìa ba hisa wagìk, Ibilit eki ba werek atì, Ala eki ba hisa wagìk, inok en ìlùk inoba lakhagagin o. Lakhagoumo, it inetaùken an noba hìpìrethoumo re, it weak hagarì'lùgì mene atì, at Ala nen sagalogo legetsìgìk, An nagainapùrì ìlùk, inebe woginapìk, igin o, ìlùk yogonesike,” ìlùk yogosike.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

LAKSASIKE 17:30

It alep Ala ebe inokot logolìk, inoabùt weak hagato kolegat he, at en epe morogo heraksìkì lagaike. Atì'nogo meneat he, yogotak ya, at en he, Yì apùnì tì apùnì obogat tì sat inanema waganogo ùkùm inoba hìgìk, kotìk, higit hogoat uak, ìlùk ap aike wenagasogo hìlìk ayoko hikomo werek atì nen, nit apùnì weak hagatì lago mene heraksìlìk ninoabùt hebelasuagalùk yogonisìlì'logo atì. Halok, nit en he, Wene atì'nogo hagasigin atì, eberogoat, ìlùk, nit obogat hùthoagalùk, ap atì ebe wa'lagaikesi'mo nen, opase nen apotkwe eluguthesikomo werek o,” ìlùk yogoisasike.

LAKSASIKE 15:19

Atì nen he, an na'la re, it apùnì etakwe mene inoabùt hebelarìk, inelokwe Ala wogorì'lùgì mene atì re, ina'la weagathousak lek akìkì lagì.

LAKSASIKE 11:18

At Peterùt en atì'nogo yogoisasikomo, it en wenagatì lagaukwa a'nogo re, hobuk kamo ìlìk mel isukwa: “Halok he, Ala oabùt hano nen, nit haga'ninaperek hagat, it apùnì etakwe mene inoabùt hebelaganem ineluk motok logouagalùk elok hagarinabusagat hìgì,” ìlùk Ala hogorasukwa.

LAKSASIKE 9:35

Melagaikomo re, it apùnì o Lìra mel, Saron mel, welagaukwa mene obogat en ineileken hìlìk he, “Eberogoat,” ìlùk inoabùt hebelarìk inelokwe ninoe Etagepogot wogosukwa.

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

LUKAT 15:10

Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

LUKAT 15:7

Atì hak, apùnì inebe 99 mene atì nen he, An weak aike hagatìrìk nogo nen he, noabùt hebelasigin nogo? Lek o, ìlùk, inoabùt hebelasusak lek en he, it pogot oba welagaikarek mene atì ina'la hai hakogoin lek o. Meneat he, it apùnì weak hagatarek mene omakeat aike nen oabùt hebelhe halok, it pogot oba welagaikarek mene atì ina'la hai apik hakogoin o, ìlùk yogohisìgì,” ìlùk yogoisasike.

LUKAT 13:5

Lek o. An nen hit yogohisak. Hit weak hagatì lagep mene atì, heraksìlìk hinoabùt hebelagì'lek halok he, it wa'lagaika hagat, hit atì'nogoat wa'larìk nong asugun o,” ìlùk yogoisasike.

LUKAT 13:3

Lek o. An nen hit yogohisak. Hit weak hagatì lagep mene atì heraksìlìk hinoabùt hebelagì'lek halok he, it wa'lagaika hagat, hit atì'nogoat wa'larìk nong asugun o.

MAREKÙT 6:12

It amanogo atì'nogo laksasikomo laga logolìk he, apùnì mel yogoisìlìk lagaukwa: “Hit weak hagatì lagep mene atì heraksìlìk hinoabùt hebela'ni o,” ìlùk yogoisìlìk nìkì logolìk,

MATÌÙT 4:17

Lagai wagaikesik logolìk, hùlì atì hùlì nen, apùnì atoma yogoisìkì logolìk he, “Kain pogot oba mene nen awe a'ma hikegein a'nogo yogotak arat awe a'ma hikegein o. Halok he, weak hagatì lagep mene heraksìlìk hinoabùt hebela'ni o,” ìlùk yogoisìlìk nìkì lagaike.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

ABÌKAKAN 16:11

inoabùt inesogat logolìk weak hagatì lagaika mene heraksìlìk, inoabùt hebelagì'lek logolìk, it en he, “Ala ebe nìkìna'lep he,” ìlùk Ala pogot oba mene etage weagatoat welagaika isìgì.

ABÌKAKAN 2:21

At he atì, pailak hakhouagalùk hagarì'logo mene atì heraksìlìk oabùt hebelasuagalùk serogo welagì mene re, at hagarì'logo mene atì, heraksìlìk oabùt hebelasusak he, abìt o.

LAKSASIKE 26:19

Atì'nogo yogosikesik, aike mel yogosike: “Atì nen, Agarìpa noe. Ala nen Yesùt nelokoma melasuagalùk lakhei wagaike mene atì, ane hologo hagatì logoigìlùk nomamerogo hagato motok welagì.