LAKSASIKE 24:5 - Ala Ane Wene Ket Mene Warogo Wo'ninapike Wene

⁵ Ap yì nen he, apùnì weagarinabìk nikenem, oabùt palho. It apùnì ap Nasaret mene a'nogo opolik lìlì'lùgì mene inoe kain logolìk he, apùnì Yahuri mene o yì awì tì awì welagaikarek mene obogat ina'la menerìk niko.

LAKSASIKE 24:5 ပူးပေါင်းရင်းမြစ်များ

LAKSASIKE 28:22

Mene re, wene hat wanhetik hagatì lagen atì hesik, apùnì o yì awì tì awì mene nen, Wene atì weak, ikenem enek he, ninasuk holhì lago atì nen, wene hat en eberogoat akìkì lagen mene atì hokawerek en nit yogonisikenem ninasuk holusak walok o,” ìlùk yogosukwa.

LAKSASIKE 24:14

Mene re, wene eberogoat hagatì lagì mene ebe yì pak hogo yogohesik. It en he, Apùnì Yesùt opolik lìlì'lùgì atì weak, ìlùk egarek. Meneat he, an enek he, it en, weak egarek mene atì ane hologo, Ala nit ninopalak awe a'ma kìlìk welagaukwa mene atìat hogoratì lagì atì nek he, eberogoat hagatì lagìat o. Hogoratì logolìk, wene Ala nen ninasuk wasike wene atì mel, ap at ane yogoisìkì lagaukwa mene inane mel, obogat helal waganogo hesukwa mene werek atì, eberogoat ìlùk hesogo welagì.

LAKSASIKE 26:5

Nit Ala awe a'ma kìlìk logolìk hagatì lago wene atì, it ap aike Parisi mene inawene hesogo logolìk, yùgùnat hake hagato kolek, an enek he, motok ning hogo hesogo logolìk hagatì lagagi atì, it ap yoma hageat en inelu motok o. Halok it en he, Atì eberogoat hagatì lagaike meneat ike, ìlùk yogohesusak he a? Inabìt he a.

LAKSASIKE 15:5

Yogoisikenem, it ap Parisi mene Yesùt ane eberogoat ìlùk wanhukwa mene aike melarìk he, mel yogoisasukwa: “Apùnì etakwe mene Yesùt ane wanha mene atì re, inogat inekalìma mene palinapìk, wene Ala nen Musa ayoko hìlìk ninasuk wasike wene a'nogo hesogo welagìk, ìkì logousak o,” ìlùk yogoisasukwa.

1 KORÌTÙT 4:13

ninabok weak palhenem, ninane lìok hogo yogoisìgìk, ogorek. Atì'nogo iko kolek, o hageat en yogotak hùlì apùnì yoma obogat en he, apùpùleke horogo wulaksagarek hak, nit atì'nogoat haga'ninapoat werek.

LAKSASIKE 21:28

Hakhesukwasik he, “Ap Isirael mene a! Nit werekwe a'ni a! Ap yì nen apùnì o yì awì tì awì yakùlisìlìk nìkì logolìk he, nit apùnì Isirael mene nen hagatorek mene atì weak ìlùk, hunik mene yakùlisìgìk, wene Ala nen ninasuk wasike wene a'nogo weak ìlùk, hunik mene yakùlisìgìk, o Ala awì wùrìk yì abok weak ìgìk, ìlìk niko mene a'nogo ebe yìat a! Yogotak ap Yunani mene wogisek Ala awì wùrì'mo ki wagasik, o Ala okawerek awì wùrìk weagathikomo yì a!” ìlùk inane hùkorogo kwe isukwa.

LAKSASIKE 5:17

Atì'nogo hagarinapenem, elùgùn oba re, it ap Ala esewerek mene inoe kain mene agoromì inebe obogat inom, it atì re, apùnì Saluki mene inane wanhì lagaukwa mene nen, it Yesùt en inebe weteberogo laksasike mene amanogo atì'nogo hagatenem inoba ua palhì lagaukwa. Atì'nogo ua palhì lagaukwasik, inebe haksìlìk he, o apùnì ineki hele warogo hisagarek oba hisasukwa.

LUKAT 23:2

Wagaukwasik ùkùm oba hìkì logolìk he, mel yogosukwa: “Ap yì nen apùnì nit mene lalinapìk, uang pemerintah mene hesik ap kain Kaisat a'nogo wogosusak lek o, ìgìk, Hinoe Netagepogot Karìsùt a'nogo anat o, ìgìk, ìlùk nit nineilhanem ìkì laga atì nen wolok wago,” ìlùk yogosukwa.

1 PETERÙT 2:19

Hit en weak aike hagatì'le'maat he, hinogogì nen yì aik tì aik hagathinapo kolek, hina'la nen he, “Ala a'la walok mene hagasusak,” ìlùk hùthìlìk, hinepe morogo logogun halok he, at en hanothinabigin o.

1 KORÌTÙT 11:19

Atì'nogo hagatì lagep atì re, at Ala nen, “It atì an nagainapùrì,” ìlùk akìlì'logo mene, enagat asuak en, hinebe hùlì wasusagat o.

LAKSASIKE 22:22

Paùlùt en atì'nogo yogoisìlìk waganem, it amanogo inasuk hano holek welagaukwasigat he, hùlì atem oba ikenem inane hùkorogoat mel isukwa: “Ap oabùt yìgìnìk he, kweangma eluk logousak lek. Wasuok o!” ìlùk

LAKSASIKE 6:13

Wolok lagaukwasik he, ap aike nen inapeliagat ùkùm Sitepanùt oba houagalùk menhisasukwa. Menhisasukwama, it en ìkì logolìk he, “Ap yì nen Ala okawerek awì wùrìk yì abok weak palhìk, wene Ala nen ninasuk wasike wene a'nogo abok weak palhìk, kamo ìgì'lek iko motok welagarek o.

LUKAT 23:25

at Parapat en holim hìbìrogo weim yapì logolìk apùnì inoatì lagaikomo eki hele warogo hesukwa mene a'nogo, “Hele hikalogo wo'nisasak,” isukwa a'nogo wogisìgìk, nen, at Yesùt a'nogo nek he, it ina'la akasukwa mene higit hogo hagasuagalùk agoromì ineki ba hìgìk, isike.

LUKAT 23:19

At Parapat atì alebat he, ap aike inomat en, apùnì o kota hùko a'nogo mene holim hìbìrogo, “Ninogogì kaintek pemerintah mene, ninabìt,” ìlùk weim yapì logolìk apùnì aike inoatì lagaikomo eki hele homagasogo hesukwa mene were'ma atì'nogo yogosukwa.

LUKAT 23:5

it amanogo hobuk inane motok kei-karogo mel yogosukwa: “Lek o. Ap yì wene yakùlisìlìk nìkì logolìk he, apùnì o Yurea mene ya ta obogat ina'la kagalìk niko. Emakum o Kalilea atoma nen ina'la kagalìk kagalìk he, o yoma waga yì,” ìlùk yogosukwa.

MATÌÙT 10:25

Mene re, it yekerùgì atì inopase guru atì inom higit haga'lagìk, nen, it inatitigeke mene atì inopaselak inom higit haga'lagìk, umo re, higirat o. It apùnì inoe o esewerek mene atì weak ìlùk etage Peelsepùl iko halok, it at agoromì inom omakìma mene atì, atì'nogoat inetage weak hùkoat ìkì logogun o,” ìlùk yogoisasike.

MATÌÙT 2:23

Wagaikesik he, o kota etage Nasaret atì ki wagaikesik, atomaat kamo isike. Atì'nogo hagasike atì re, it ap Ala ane yogoisìkì lagaukwa mene nen ìkì logolìk, “At ap a'nogo awì Nasaret mene ugun o,” ìlùk isukwa higit hogoat haga'lagaike atì.

MAREKÙT 1:24

“Yesùt aua Nasaret mene yì! Hat en nìkì'nogo haga'ninabigìlùk wagen. Nit weaga'ninabigìlùk wagen a? Hat hebe re, Ala okawerek hesik menhagaikesik lakhagei wagama wagen atì, an nen hùthagagì o,” ìlùk ane hùkorogoat yogosike.

LAKSASIKE 24:4

Atì'nogo mene re, an nen wene uan yogohetenem habìt asinogo ìlùk, wene horoat yogohesigin yì, hoabùt hano a'nogo re, hasuk holinok en, wene ebe yogohesik.

LAKSASIKE 25:7

Yogoisasikomo lagaukwasik ebe wolok wagaukwama re, it ap Yahuri mene o Yerusalem en wagaukwa mene amanogo Paùlùt ebe ìlìng-walìng hogo hebìlìk, yì ùkùm tì ùkùm ekin mene apigat oba hesukwa. Atì'nogo meneat he, at weak aike hagatì'lek nogo nen he, “Eberogoat weak yì'nogo hagatenem nineileken hogo,” ìlùk yogosusak lek agaike.