LAKSASIKE 24:1 - Ala Ane Wene Ket Mene Warogo Wo'ninapike Wene

¹ Atì'nogo yogoisasikesik, ineki 4 nen welagaukwasik aike were'ma, it ap Ala esewerek mene inoe kain Ananiat mel, inalùgetek amanogo aike mel, ap aike wene hano nek ìkì lagaike mene etage Teretùlùt mel, inom o Kaisarea wagaukwa. Wagaukwasik he, ap kain gubernur Pelìkìt a'nogo ba kisukwasik, ùkùm Paùlùt oba houogolùk yogosukwa.

LAKSASIKE 24:1 ပူးပေါင်းရင်းမြစ်များ

LAKSASIKE 24:11

An Ala hogorasigìlùk o Yerusalem kerat lagarìk oba nen, nineki 12 enek welago, ma re, hat en, Eberogoat a? lek a, ìlùk it hinok wogisamo helu asiginat o.

LAKSASIKE 23:2

ap Ala esewerek inoe kain mene etage Ananiat en he, it ap aike Paùlùt era'lu welagaukwa mene nen ape lapuk hogo wasuagalùk yogoisasike.

LAKSASIKE 25:2

Lagaikesik were'ma, it ap Ala esewerek mene inogogì kaintek amanogo mel, ap Yahuri mene inogogì kaintek inetagewerek aike mel, inom oba kisukwasik he, ùkùm Paùlùt oba hìkì lagaukwa mene a'nogo yogosukwa. Yogotì logolìk, a'la kageik-kagauk hogo hagasukwa.

LAKSASIKE 23:35

Atì'nogo yogosikomo, at en he, “Halok he, ap ùkùm hoba hìlì'lùgì werek atì inebe hobuk wagaika halok en hanema wanigin o,” ìlùk yogosikesik, at agoromì nen, Paùlùt ebe o hùko at Herotet wusike ba atì kelakhìlìk serogo logouagalùk yogoisasike.

LAKSASIKE 23:30

Mene re, apùnì nen, Ap Yahuri mene nen Paùlùt ebe wasuogolùk weim abok egama o, ìlùk hùsipi yogonesi wagaikama nen, ebe hat hoba lakhei wagì atì. Lakhei wagarìk he, hobuk it ap ùkùm oba hìlì'lùgì werek, hat heilhanem i wesuagalùk inasuk warogo laksa wagìat atì o,” ìlùk at Pelìkìt en surat palhike.

LAKSASIKE 23:24

Weteberogo hisìlìk, at Paùlùt ebe telogo wam kuda oba hùthìlìk, ap kain Pelìkìt gubemur a'nogo oba wolok loageip en he, wam kuda at hesik aike hisanoat,” ìlùk yogoisasike.

LAKSASIKE 21:27

Eki wenagasogo yogoisasike a'nogo 6 en arat welagaukwasik, aike logopik ineki 7 wenasusak arat aga kolek, it ap Yahuri mene aike o propinsi Asia nen wagaukwasik, Paùlùt ebe Ala awì wùrì'mo were'ma ineileken hasukwa. Ineileken hìlìk he, Paùlùt hakhouagalùk apùnì logolegat ina'la menhesukwasik, inom en ebe hakhesukwa.

1 KORÌTÙT 2:4

Atì'nogo logolìk he, apùnì inawene an na'la kagalek en, nane hano nen, ning hogo yogohisasigi lek o. We, at Ala Areagùn omame ba, yogohisasigimo, ebe agaikomo re, hineileken hasigip.

1 KORÌTÙT 2:1

Nerùgì nagaiya'lak. Ala ane atì a'la hinago were'ma, apùnì kweangma mene nen inokot mene atì, an nen hukalogo yogohisa wagagi atì re, an nane higit hogo ìgìrek en, na'la kagalek en, yogohisa wagagi lek.

LAKSASIKE 25:15

Werek kolek, an o Yerusalem lagìma, it ap Yahuri mene Ala esewerek inogogì kaintek mel, inalùgetek mel, inom noba wagaikasik he, an nen ap atì ùkùm oba hìlìk ebe wasuagalùk yogoneta.

LAKSASIKE 12:21

Yogosukwama re, at Herotet en he, “Nineki tì ba nen lapulugun,” ìlùk wene warisasike. Wene warisasike ba higit agaikomo, at en su ap kaintek labetarek mene labesikesik, wene elùgùn watì logolìk alakwe e talek oba hùrek welagaike ba hù'lagaikesik, inasuk wasigìlùk wene ero wulakhesike.

LAKSASIKE 23:33

Lagaukwama, it wolok wagaukwa mene amanogo o Kaisarea wìrìk he, surat palek a'nogo ap kain gubernur wogorìk he, Pùlùt ebe inom wogosukwa.

LAKSASIKE 24:2

Atì'nogo yogosukwasik, Paùlùt ebe waerìk he, Teretùlùt en ùkùm oba houagalùk, yogosukwama, at en Pelìkìt mel yogosike: “Gubernur Pelìkìt noe. Hat en ha'nisek werek kolek he, nit yoma hageat en weim lek lìoksek welago. Apùnì nit mene hesik he, ha'la kagauk hogo, higit hogo hagatì lagen atì ba yì mene tì mene hano arì'logo.