LAKSASIKE 23:9 - Ala Ane Wene Ket Mene Warogo Wo'ninapike Wene

⁹ Inane atì'nogo hilkoat sagalhì logolìk he, it ap Parisi mene Ala ane halal waganek inelu mene amanogo o'moko melarìk inane pùk weak, it Saluki mene amanogo wenagisìkì logolìk he, mel yogoisasukwa: “Nit nina'la nen he, ap yì wene oba le'maat akìkì lago. At amokareke nen yogotomo ìlì'logo he a? At he, malaikat Ala nen yoko pelaksa wagarek mene amanogo aike nen yogotomo ìlì'logo he a. Atì'nogo eberogoat yogotenem ìlì'logo meneat logousak,” ìlùk,

LAKSASIKE 23:9 ပူးပေါင်းရင်းမြစ်များ

LAKSASIKE 22:7

Yasi pi waganem he, an nebe kweangma tukwak hogo po isigi. Po isigimo, at aike nen ane yogonetì logolìk he, Saùlùt. Saùlùt. Anat yì aik tì aik haga'nabigìlùk mu'narek nìkì lagen atì nenahalok, ìlùk yogonesike.

YOHANET 12:29

it apùnì inebe apigat atoma metek welagaukwa mene nen, inasuk holhukwasik, it aike nen he, “Okuku ane ike,” ìgìk, nen it aike nen he, “Lek o. It malaikat pogot oba yoko negarek mene aike nen ane hakhike o,” ìgìk, isukwa.

LAKSASIKE 26:31

olilu wùlùpukwa. Wùlìbìk he, it-it ìkì logolìk, “Ap atì re, eki hele watìk, ebe watìk, usak hake weak aike hagatì'le'maat o,” ìlùk isukwa.

LAKSASIKE 25:25

It en atì'nogo ìlì'lùgì meneat he, an nen wene atì ero heratì mene re, at en weak aike eberogoat hagatenem, ùkùm inoba hìlìk inebe inoatarek higit hogo aike hagate le'ma hìgì. Meneat he, at okawerek en he, Ùkùm yì ap Kaisat en ero heragasogo elùgùn wasuak, ìlùk ikomo, Kaisat oba lakheigìlùk ìgì atì.

LAKSASIKE 23:29

Wolok lagarìk, ero herato mene re, at ebe wasusak hake hagatì'legat. Nen, eki hele wasusak hake, hagatì'legat hìgì. We, ùkùm it en oba haga atì re, it Yahuri mene hagatarek mene hesigat oba hagama o.

MAREKÙT 2:16

Atì'nogo niko were'ma, it ap Parisi Ala ane helal waganek inelu mene aike nen ineileken kelagisasukwa. It aike weak hagatì lagaukwa mene mel, it ap uang pemerintah hesik kìno ìlìk wanhì lagaukwa mene mel, Yesùt inom sùpùrùk nikenem ineileken kelagisìlìk, it ap Yesùt agoromì ane wanhì lagaukwa mene amanogo mel yogoisasukwa: “At Yesùt ap uang pemerintah hesik kìno ìlìk wanharek mene mel, it aike weak hagatarek mene mel, inom omakima sùpùrùk nìlì'lùgì aroma nahalok,” ìlùk yogoisasukwa.

1 KORÌTÙT 10:22

Ninoe Etagepogot a'mage lagauagalùk hagatì lago atì nayùk. At ninom walhamo re, nit ninomame werek nogo? Mea o.

LAKSASIKE 11:17

Ninetaùken ninoe Etagepogot Yesùt Karìsùt oba hìpìrethikenem, Areagùn it lek, nit lek, ninom higit hogoat wo'nisikerek atì. Halok he, Ala nenat atì'nogo wo'nisikenem, an nen he, It wogisike hùk, ìlùk wene palusak nogo? Mea o,” ìlùk yogoisasike.

LAKSASIKE 9:4

Yasi pi waganem he, at Saùlùt a'nogo kweangma tukwak hogo lagaike. Laganem he, at aike nen yogotì logolìk he, “Saùlùt. Saùlùt. Anat yì aik tì aik haga'nabigìlùk mù'narek nìkì lagen atì nahalok,” ìlùk yogosike.

LUKAT 23:22

at Pilatùt eki pìre ba yogoisasikesik en hobuk aike inom yogoisìkì logolìk he, “At yì nena mene weak hagatomo nen. Weak hagatenem inoatarek atì hake, an wene ero penetì mene, at yì nen weak aike hagatomo hìgì lek o. Halok, tùgì nek warìk, eki hele hikalogo hebegein o,” ìlùk yogoisasike meneat he,

LUKAT 23:4

at Pilatùt en he, ap Ala esewerek mene inogogì kaintek mel, apùnì apik atogorek welagaukwa mene amanogo mel, yogoisìkì logolìk he, “An nen, at yì anema wanhì mene, at weak aike hagatomo hìgì motok lek o,” ìlùk yogoisasikomo,

LUKAT 5:30

Atì'nogo niko were'ma, it ap Parisi mene mel, it ap Ala ane helal waganek esewerek mene mel en, at Yesùt agoromì ane wanhì lagaukwa mene amanogo mel yogoisasukwa: “Hit he, ap uang pemerintah hesik kìno ìlìk wanharek mene mel, it aike weak hagarì'lùgì mene mel, hinom sùpùrùk omakìma nìkì lagep aroma nenahalok,” ìlùk yogoisasukwa.

LAKSASIKE 22:6

An o kota Tamìsìk horogat legein ha'ma re, likene omake hesigat pogot oba nen apipin motok apik mene an nera'lukwe yasi pi wagaike.