LAKSASIKE 22:5 - Ala Ane Wene Ket Mene Warogo Wo'ninapike Wene

⁵ Atì'nogo hagatì lagagi atì, ap Ala esewerek mene inoe kain ebe mel, inalùgetek mel, inom obogat en surat hagarogo ninagaiya'lak Yahuri mene o Tamìsìk mene inoba wolok loagalùk wo'nesukwa. Wo'nesukwama, it apùnì Yesùt ane wanìk opolik laga lagaukwa mene o atoma were'ma ineki hele warogo wogisek, o Yerusalem yoma hisa waganem, ùkùm inoba hìgìk, inebe inoatìk, uagalùk lakhanhukwasi'mo nogo nen he, it inelu. Halok, it enat, Eberogoat ike, ìlùk yogohisasak werek o,” ìlùk yogoisasike.

LAKSASIKE 22:5 ပူးပေါင်းရင်းမြစ်များ

LUKAT 22:66

Atì'nogo yogoto were'ma, o we isikomo re, ap Yahuri inalùgetek amanogo mel, Ala esewerek mene inogogì kaintek mene mel, Ala ane helal waganek esewerek mene mel, atogosukwasik, wene Ala ane hesik ero pìlìngìtare'ma atoma were'ma, Yesùt wolok inoba kisukwama re,

LAKSASIKE 5:21

Atì'nogo yogoisasikomo re, inasuk holìlùk, o we iko kolek, Ala awì wùrì'mo kìlìk wene yakùlisìkì lagaukwa. Atì'nogo yakùlisiko kolek he, it ap Ala esewerek mene inoe kain a'nogo agoromì inom en ap inalùgetek Isirael mene wene ero pìlìngìtì lagaukwa mene obogat, inayoko hesukwasik inebe atogothìlìk, inagoromì aike nen he, it Yesùt en inayoko hìlìk laksasike mene ineki hele warek hisasukwa mene a'nogo wogisek wesuagalùk, o hisasukwa ba a'nogo laksasukwa.

1 TIMOTÌÙT 4:14

Hat hesik hageat it ap Ala againapùrì serisek welagaikarek mene nen ineki hùkùloak sebelho kolek, it ap Ala ane yogoisagarek mene nen mel isukwa atì: “Hat hobuk tì'nogo hagatì logoino,” ìlùk, yogohesukwa higit hogo, Ala oabùt hano nen ninoabùt lopok wo'nisikerek a'nogo hat wokhesike mene atì ba hagatì'lek hobaken nen hìgìk heraksagun o.

LAKSASIKE 28:21

Atì'nogo yogoisasikomo, it en he, “Apùnì o Yurea atoma nen surat hat hesik ninoba lakhei wagì'lek. Nen, nit ninagaiya'lak aike o atoma nen wagaikasik, wene hat hesik yogonisìgìk, habok weak ìgìk, i wagì'legat o.

LAKSASIKE 26:12

“Atì'nogo inoasigìlùk isigimo re, it ap Ala esewerek inogogì kaintek en, Hano, ìlùk surat palogo wo'nesukwama, o kota Tamìsìk lagagi atì.

LAKSASIKE 26:10

Atì'nogo hagatì logolìk, alep o Yerusalem logolìk, Ala againapùrì ineki hele wasigìlùk isigimo re, it ap Ala esewerek inogogì kaintek en, Ì o. Hano, ìlùk surat wo'nesukwama, Ala againapùrì inebe logolegat ineki hele warogo hisìgìk, inebe inoasuogolùk ikenem, Ì o. Inoasuogat, ìlùk ìgìk, ìkì lagagi.

LAKSASIKE 22:1

“Nogogì nagoromì. Wene yì an noba le'ma o, ìlùk nokawerek nebe elelerogo yogohisegein yì re, hinasuk hanorogo holino,” ìlùk ikenem,

LAKSASIKE 13:26

“Halok he, hit apùnì Aberaham en tagokwe mane mel, etakwe mene Ala ane hologo hagatì lagep mene yoma hinom welagep mene mel, nerùgì nagaiya'lak. Wene telninabusak wene atì Ala nen nirat ninoba lakhei wagama yì.

LAKSASIKE 9:14

yogotak he, o yoma wìrìk, apùnì hat hetage palogo hayoko hìlì'lùgì mene hùgì obogat, ineki hele wasuagalùk he, it ap Ala esewerek inogogì kaintek amanogo nen yogotama wagasik werek atì,” ìlùk yogosike.

LAKSASIKE 4:5

Atì'nogo hagasukwasik, ohealek it ap kaintek amanogo mel, inalùgetek amanogo mel, Ala ane helal waganek esewerek mene amanogo mel, atogorogo re, it Ala esewerek mene inoe kain Hanat ho, Kayapat ho, Yohanet ho, Aleksatat ho, Ala esewerek inoe kain mene againapùrì aike ho inom, o Yerusalem atogosukwa.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

LAKSASIKE 2:29

“Mene re, nerùgì nagaiya'lak. At ninopa Taùt abok pak hogo yogohisak. At ebe wa'lagaikomo, nit welago ba yoma kweang palogo salhukwa mene, obùlùk alep welagaikesik yogotak werek atì.

LAKSASIKE 3:17

Mene re, nerùgì nagaiya'lak. Hit hinogogì kaintek hinom Yesùt hesik hagatep atì, hinokot logolìk hagatep atì, an nelu o.

LAKSASIKE 23:1

Atì'nogo menhesikomo, at Paùlùt it ap Yahuri Ala hesik wene ero pìlìngìtì lagaukwa mene inebe atogosukwa amanogo, eileken lùrogo inoba isìkì logolìk he, “Nogogì nagoromì. An Ala eilhanem, hageat en hùlì yogotak hùlì hagatì lagì atì re, Weak hagatì lagì, ìlùk na'la wenesùgì ebetì lagì lek. We, wene na'la selek, hano hagatì lagì, ìlùk akìkì lagì,” ìlùk yogoisasikesik he, aike igin ha'ma re,

LAKSASIKE 23:6

Hobuk at Paùlùt en, it ap wene ero pìlìngìtì lagaukwa mono amanogo inebe o'moko re, Saluki mene inane wanhi lagaukwa mene, nen, o'moko re, Parisi mene inane wanhì lagaukwa mene, were'ma eileken enagat hùrisìlìk he, ane hùkorogoat mel yogoisasike: “Ap sanì. Nogogì nagoromì. An nebe Parisi mene. Ap Parisi mene nenat tagomakwe mene welagì. Logolìk, apùnì wa'lagaikarek mene hobuk Ala nen eberogoat inelugurinabigin ìlùk hùthìkì lagì atì nen ùkùm noba hagama yì,” ìlùk yogoisasike.

LAKSASIKE 26:11

Atì'nogo ìkì logolìk he, an o apùnì Yahuri mene sapan egarek obakwe lopok kìlìk, it inetaùken Yesùt oba hìpìrìk welagaukwa mene hebisoagalùk nane keirogo yogoisìgìk, yì aik tì aik hagarinapìk, ìkì logolìk, na'mage apik lagakì logolìk he, it aike o walegat esako-esako atoma mene mùgisek laga lagagiat,” ìlùk yogosike.

LAKSASIKE 28:17

Atì'nogo isukwama, nineki hìnagan welagagusik en he, at Paùlùt en, it apùnì Yahuri mene inogogì kaintek atogosi wesuagalùk inayoko hesike. Inayoko hesikomo, inebe arat atogosi wagaukwama, at en he, mel yogoisasike: “Nagaiya'lak. An nen, apùnì nit mene weak aike hagarinapì'lek. Nen, nit en ninopalak hagatì lagaukwa atì hak hagatorek atì mene heraksìlìk weak hagatì'legat. Atì'nogo meneat he, o Yerusalem atoma nen nebe hakhanhukwasik, neki hele warogo, apùnì Ùrùm mene ineki ba hanhukwa.

KALATIA 1:13

An alep nit Yahuri mene ninawene ning hogo hesogo logolìk, apùnì Ala againapùrì mene yì aik tì aik hagarinapìk, inebe motok legetsagalùk ning hogoat hagatìk, ìkì lagagi mene atì, nabok hit hinasuk holhì lagagibat o.

PILIPI 3:6

Ala hesik akiluk hogo hagatarek mene atì, an atì'nogoat hano hagatì lagì salek, Ala againapùrì inetaùken Yesùt oba hìpìrethesukwa mene yì aik tì aik hagarinabìk nìkì lagagi atì. Atì'nogo hagatì logolìk, wene Ala nen ninasuk wasike wene a'nogo higit hogo hagatarek atì, an motok higit hogo hagatenem, apùnì aike nen ùkùm noba housak legat tegelek motok welagagi