LAKSASIKE 22:4 - Ala Ane Wene Ket Mene Warogo Wo'ninapike Wene4 Hagatì logolìk he, apùnì Yesùt ane wanhukwasik opolik yì'nogo laga lagaukwa mene hùgì inoasigìlùk mùgisek laga logolìk aike inoasigiat. It aike hìmì lek, ap lek, ineki hele warogo wogisek, o ineki hele warek hisagarek oba hìikì lagagiat. အခန်းကိုကြည့်ပါ။ |
LAKSASIKE 22:4
17 ပူးပေါင်းရင်းမြစ်များ
Ala hesik akiluk hogo hagatarek mene atì, an atì'nogoat hano hagatì lagì salek, Ala againapùrì inetaùken Yesùt oba hìpìrethesukwa mene yì aik tì aik hagarinabìk nìkì lagagi atì. Atì'nogo hagatì logolìk, wene Ala nen ninasuk wasike wene a'nogo higit hogo hagatarek atì, an motok higit hogo hagatenem, apùnì aike nen ùkùm noba housak legat tegelek motok welagagi
Mene re, wene eberogoat hagatì lagì mene ebe yì pak hogo yogohesik. It en he, Apùnì Yesùt opolik lìlì'lùgì atì weak, ìlùk egarek. Meneat he, an enek he, it en, weak egarek mene atì ane hologo, Ala nit ninopalak awe a'ma kìlìk welagaukwa mene atìat hogoratì lagì atì nek he, eberogoat hagatì lagìat o. Hogoratì logolìk, wene Ala nen ninasuk wasike wene atì mel, ap at ane yogoisìkì lagaukwa mene inane mel, obogat helal waganogo hesukwa mene werek atì, eberogoat ìlùk hesogo welagì.
Atem sat he, o kota Epesùt atoma ap aike etage Temeterìùt. Yì mene tì mene perak mene hagatì lagaike. Hagatì logolìk sukwan ebe he mene etage Aretemìt. Ebe awì hùko atoma wùrìk werek kolek, perak mene aike eagwìak apigat hagarogo hìkì lagaike. Atì'nogo hagarogo hikenem, apùnì nen oko hìkì lagaukwama, it Temeterìùt agoromì inapùgùnweak hagatì lagaukwa mene inomat hùkorogo sabùrìkì lagaukwa atì nen, apùnì Yesùt ane wìlìk opolìk lagaikarek wene atì hesik o Epesùt atoma inane hùkoat sagalhukwa.
Logolìk, atì'nogo yogoisìkì lagaike meneat he, it atì o'moko inetaùken ning ìlìk, wene atì ina'la meathìlìk he, apùnì aike logolek ineilhanemat, Yesùt opolik lagaikarek wene atì abok weak palhukwa. Abok weak palhukwama, at Paùlùt, it herakhisalùk, it o'moko Yesùt ane wanhukwa mene nek wogisek wùlìpike. Wogisek wùlìbìk he, o hùko wùrì'mo ap Tiranùt en yì wene tì wene yakhlisìkì lagaike ba atì kìlìk, ninhùp-nanhùp eki aike kamo ìgì'lek wene at en yogoisìgìk, it en oko yogotìk, ìkì lagaike.
Yesùt ane wanhikesik he, o it apùnì Yahuri mene sapan ìkì lagaukwa ba kìlìk, ayù'lek logolìk, wene pak hogo yogoisìkì lagaike. Yogoisikenem he, it he Perisikila agùn Akwila eperak inasuk holhukwasik, ebe wolok inaua lìlìk he, Ala nen at opolik laga logouagalùk a'la akikerek wene atì tùkùm hogo yakùletì lagaukwa.
Yogoisikenem he, it apùnì inasuk holhì lagaukwa mene atì, inebe obogat inayùk arìk he, “Ap yì o Yerusalem logolìk, apùnì obogat at Yesùt atì etage palogo ayoko hìlì'lùgì mene inebe motok yeloken tagalogo legetsagalùk hagatì laga a'nogo ebe yì lek nogo? Ebe yìat akìgì. At yoma wìrìk he, it Yesùt etage palì'lùgì mene atì, ineki hele warogo, it ap Ala esewerek inogogì kaintek mene inoba wogisek lagalùk waga lek nogo? Nayùk e,” ìlùk hogoratì lagaukwa.
ကြော်ငြာတွေ