LAKSASIKE 22:20 - Ala Ane Wene Ket Mene Warogo Wo'ninapike Wene

²⁰ At Sitepanùt, wene hat hesik pak hogo apùnì yogoisìkì lagaike mene a'nogo ebe watenem, an nebe atoma metek logolìk, Heing! Hano wata, ìlùk, it ap wasukwawerek inasu nokolek serogo welagagi atì, it ineluat o, ìlùk yogosigi.

LAKSASIKE 22:20 ပူးပေါင်းရင်းမြစ်များ

LAKSASIKE 8:1

At Sitepanùt ebe motogat wasukwa atì, at Saùlùt a'la nen hano akasike. At Sitepanùt ebe wasukwa atì likeat he, it Ala againapùrì o Yerusalem atogotì lagaukwa mene inebe yì aik tì aik weak hogo hagarinapo kolek be, it ap Yesùt en inebe weteberogo inayoko ìlìk laksasike mene amanogo nek, o Yerusalem werek kolek he, Ala againapùrì aike inebe hùkokwe obogat pùgùlogo re, o propinsi Yurea Samaria ya ta atoma mùk hogo wulaksasukwa.

LAKSASIKE 7:58

Oba hobotha kìlìk, o kota nen legeta'ma hapok hogo wulaksìlìk he, helep enwasukwa. Ebe wasuogolùk he, it at ane ikenem inasuk holhukwasik, ùkùm oba hesukwawerek amanogo inasu etakwe mene nokologo re, ap elege mene etage saùlùt awe a'ma hesukwa.

ABÌKAKAN 2:13

Hit he, Ibilit ebe kain logolìk apùnì aike awe a'ma hagisek welagarok oba welagasep atì an nelu o. Atì'nogo Ibilit auaat logolìk, an naput Anitipat en nabok aberalì agì'lek, oabùt hùpùn hogo yogoisìlìk nikenem, it aike nen ebe hina'la nen watenem, hit en he, Nit ninetaùken Yesùt oba hìpìrìk welagorek atì lek, ninabìt, ìlùk kopologo herakhanhì'lek, ninom hutigat motok welagasep atì, hinoabùt an nelu o.

ÙRÙM 1:32

Atì'nogo hagatarek atì nen, at Ala nen he: “Apùnì inoabùt atì'nogo hagatarek mene halok he, an nen ùkùm inoba hìlìk inebo motok inoasusak higit obaat inoasigin o,” ìlùk isike mene inelu logolìgat he, it inokawerek en atì'nogo hagatoat welagaikarek atì. It atì'nogo hagatì logolìk, it aike nen atì'nogoat hagatenem he: “Elok hagatì lagep,” ìlùk yogoisagaregat.

ABÌKAKAN 17:6

Nen, he atì nen, Ala againapùrì mene mel, Yesùt ane yogoisìlìk negarek mene mel, inoasike mene inamep nikesik, apùnì nen anggur eken amusu nìlìk sìnì'nùk agaikarek atì hak, sìnì'nùk agasik were'ma lakhìgì. Atì'nogo lakhìgìrìk apik hogoratì.

LAKSASIKE 26:10

Atì'nogo hagatì logolìk, alep o Yerusalem logolìk, Ala againapùrì ineki hele wasigìlùk isigimo re, it ap Ala esewerek inogogì kaintek en, Ì o. Hano, ìlùk surat wo'nesukwama, Ala againapùrì inebe logolegat ineki hele warogo hisìgìk, inebe inoasuogolùk ikenem, Ì o. Inoasuogat, ìlùk ìgìk, ìkì lagagi.

LUKAT 11:48

Hinopalak en ap Ala ane yogoisìkì lagaukwa mene inoasukwa a'nogo, hit en inoak oba inetawì wekelogo hìbìl waganogo o warogo hìkì lagep atì re, Ninopalak hagasukwa atì hìgìrat hagasukwa, ìlùk u hagat hagatì lagep atì.

LAKSASIKE 6:5

Wene atì'nogo ìkì lagaukwama, it apùnì Ala againapùrì amanogo inebe obogat en he, “Atì'nogo egep atì hano,” ìlùk isukwasik inebe heragasogo hisasukwa. Atì'nogo hisasukwa atì aike re, Sitepanùt, etaùken Ala oba hìpìrìk motok were'ma Ala Areagùn a'la peserogo kìlìk welagaike mene mel, Pilipùt mel, Porokorùt mel, Nikanot mel, Timon mel, Paremenat mel, Nikolaùt o Atiokia mene Ala ane wanhikesik, Yahuri mene negen haga'lagaike mene atì mel,