LAKSASIKE 22:14 - Ala Ane Wene Ket Mene Warogo Wo'ninapike Wene

¹⁴ Hikenem, at en he, At Ala ninopalak en hogoratì lagaukwa mene a'nogo nen he, at a'la akikerek mene helu agìk, at aput oabùt higit mene Yesùt atì heileken ìgìk, at ane ape ba nen ikenem hasuk holhìk, inogolùk, hebe wenakhapesik hayoko hike atì.

LAKSASIKE 22:14 ပူးပေါင်းရင်းမြစ်များ

KALATIA 1:12

Wene atì, apùnì nen wo'netik, yakùlnetìk, isukwama wanhìgi hùk. We, wene atì, at Yesùt Karìsùt a'la hinago welagaike mene, at enat pak hogo yakùlnesikomo wanhìgi o.

1 KORÌTÙT 15:8

Atì'nogoo inelokoma melarìk waga lagaikesik, hobuk ebe hobuk he, an omalik inetawì akutmo tago mene hake meneat he, nelokoma melagaikomo neileken hasigiat.

1 KORÌTÙT 9:1

An nalepma welagìrek lek nogo? At Ala nen nayoko hìlìk lakhani wagaike lek nogo? Ninoe Etagepogot Yesùt ebe an neileken hìgì'lek nogo? Ninoe Etagepogot neperak hutik logolìk hagatì mene, hinebe welagep atì lek nogo?

LAKSASIKE 26:16

Mene re, hebe melame. An nebe helokoma melasi wagì yì. Hat hebe an natitigeke arìk logolìk, yogotak heileken neegen mene mel, hobuk nebe helokoma melaganem neegein mene mel, apùnì aike yogoisìkì logoinogolùk, hayoko hìgì atì.

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

1 YOHANET 2:1

Nen, nagainapùrì e. Hit weak hagatì logoinogo ìlùk, wene yì helal waganogo hinoba lakhei wagì o. Atì'nogo meneat he, sa nen weak hagate halok, ninopase Ala were'ma nit lebe'nisikerek mene ap aike hùlìsanem werek. At atì ebe Yesùt Karìsùt oabùt higit hogo hagaterek mene a'nogoat o.

ÙRÙM 1:1

Hit Ala againapùrì o Ùrùm welagep mene nerùgì nagaiya'lak. At Ala hinebe etawì mene obogat an Paùlùt Karìsùt Yesùt atitigeke mene a'nogo nen wene helal waganogo hinoba lakhei wagì atì o. An nen hano wene a'nogo apùnì yogoisìlìk nìkì logouagalùk, Ala nen wenagasogo menhanhikesik lakhani wagaike o.

LAKSASIKE 9:17

Atì'nogo yogosikomo, at Ananiat a'nogo lagaikesik he, ouma kìlìk, eki Saùlùt oba sebelhì logolìk he, mel yogosike: “Saùlùt, nagaiyak. Ninoe Etagepogot Yesùt, hat o yoma wesigìlùk kwe ba waganem, helokoma melagama, heileken hegen mene a'naga nen, hat heileken hekenagìk, Ala Areagùn ha'la peserogo ki wagìk, uagaluk lakhani wagama wagì o,”

LAKSASIKE 7:52

It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

1 KORÌTÙT 11:23

Wene atì'nogo hagatì logousak hesik, ninoe Etagepogot en yakùlnesikomo re, an nen hit yakùlhisasigi atì.

LAKSASIKE 24:14

Mene re, wene eberogoat hagatì lagì mene ebe yì pak hogo yogohesik. It en he, Apùnì Yesùt opolik lìlì'lùgì atì weak, ìlùk egarek. Meneat he, an enek he, it en, weak egarek mene atì ane hologo, Ala nit ninopalak awe a'ma kìlìk welagaukwa mene atìat hogoratì lagì atì nek he, eberogoat hagatì lagìat o. Hogoratì logolìk, wene Ala nen ninasuk wasike wene atì mel, ap at ane yogoisìkì lagaukwa mene inane mel, obogat helal waganogo hesukwa mene werek atì, eberogoat ìlùk hesogo welagì.

LAKSASIKE 22:18

Nabìkakan oba, ninoe Etagepogot en he, Hat en, heileken an neegen mene atì mel, hasuk holhen mene atì mel, apùnì o yoma mene pak hogo yogoisikenem, hane inasuk holugun motok lek o. Halok, o Yerusalem yoma nen hepok wùlìbino, ìlùk yogonesikomo, nabìkakan oba hasigi.

LAKSASIKE 13:17

Nit apùnì Isirael mene yoma ninopase Ala nen, ninopalak inebe wenaginabìk he, inayoko hesike. Inayoko hesikomo, it o Mesit atoma inebe ap pogat were'ma re, at en inebe seik-peik hogo apik hagarinapike. Atì'nogo hagarinapikesik he, at eki omame ba wogisek wùlìbi wagaike atì.

LAKSASIKE 5:30

Hit en Yesùt ebe hakhegesip e ba menogo hìlìk watep a'nogo, at Ala ninopalak en awe a'ma kìlìk hogoratì lagaukwa mene a'nogo nenat apotkwe eluguthikomo werek o.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

TITUT 1:1

Titut naput e. An Paùlùt, Ala atitigeke logolìk, apùnì at en wenaginapike mene inetaùken at oba hìpìrethìlìk were'ma ago warisìgìk, nen, nit at awe a'ma logolìk ebe wene yakùlisìkì lago wene a'nogo tùkùm hogo inelu asuagalùk yakùlisìgìk, uagalùk Yesùt Karìsùt en nayoko hìlìk lakhani wagaike mene a'nogo nen, wene yì helal waganogo hoba lakhei wagì atì.

2 TIMOTÌÙT 1:1

Timotìùt netawì mene naput e. Ala nen he, “Hit Karìsùt Yesùt hinom hutik were'ma hineluguthinapìrek,” ìlùk, abok yogonisasike mene atì, an Paùlùt en yogoisìlìk nìkì logouagalùk, a'la akasike ba Karìsùt Yesùt en nayoko hìlìk lakhani wagaikomo, yoma logolìk wene yì helal waganogo hoba lakhei wagì atì o. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetìk, inetawìthapìk, hetaùken hapuguthapik, ìkì logouak o.

KALATIA 1:15

Atì'nogo meneat he, Ala oabùt hano a'nogo nen hageat nagosa a'la nen oan ta'napì'lek werek kolegat he, nebe wena'napike.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

1 KORÌTÙT 15:3

Wene emakum an yakùlnesukwama, wanhigi meneat hit hobuk yakùlhisasigi atì re, ebe mel akìgì. Nit weak hagatì lagagu mene hesik, at Karìsùt nineki elùgùn oba wasugun ìlùk helal waganogo hesukwa higit hogoat ebe wasukwa atì.

1 PETERÙT 2:22

At en he, “Weak aike hagatì'legat. Nen, apeliak ikenem, apùnì aike inasuk holhì'legat o.”

LAKSASIKE 22:15

Halok, heileken hìgìk, hasuk holhìk, egen mene atì re, apùnì obogat pak hogo yogoisìkì logoino.