LAKSASIKE 21:3 - Ala Ane Wene Ket Mene Warogo Wo'ninapike Wene

³ Laga logolìk he, i ekenma o etage Siperùt atì nineki peikkwe nineileken lakhìlìk-hìlìk imakwe laga lagagusik, o propinsi Sìrìa lagagusik, o kota Tìrùt wùlùpugu. Wùlùpugusik, atoma nen, sukwe so a'la wolok lagaukwa mene wulabuogolùk isukwama re, nit no a'la nen atoma wùlùpugu.

LAKSASIKE 21:3 ပူးပေါင်းရင်းမြစ်များ

LAKSASIKE 27:4

Lagaikesik wagaikesik he, o atoma nen, imakwe so ba waga logolìk, sogoi ninelokokwe nen laga lagaikomo re, i ekenma etage Siperùt atì abel he'nakwe re, sogoi kwe pale'ma hano ìlùk atìkwe wagagu.

LAKSASIKE 21:16

Laga logolìk, it apùnì o Kaisarea mene Yesùt ane wanhukwa mene aike ninomat lagagu. Ninom lagagusik, it en wo'nisek, ap aike etage Manason, aua ero o Siperùt mene, Yesùt ane hageat en wanhikesik o Yerusalem were'ma, at en wo'ninabìk aua logouagalùk, wo'nisek kisukwama atoma ap pogat welagagu.

LAKSASIKE 12:20

O atoma logolìk, it apùnì o Tìrùt mel, Siron mel, mene hesik he, at Herotet a'nogo a'mage apik lagasike. A'mage apik lagasikomo, it obogat inebe lapuk hogo nen he, “O nit were'ma yoma re, sùpùrùk ap kain Herotet were'ma nen oko palogo hano wanhoresi'mo,” ìlùk ap etage Pelasìtùt, Herotet atitigeke logolìk yì mene tì mene at aua mene eki ba welagaike mene atì oba lagaukwasik, it werekwe asuagalùk, at tak a'la kagalhukwa. At tak a'la kagalhukwasik he, hobuk Herotet inom lapuluogolùk oba kisukwasik yogosukwa.

LAKSASIKE 4:36

Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

MATÌÙT 4:24

Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.

LAKSASIKE 18:18

At Paùlùt eki logolegat Ala againapùrì o kota Korìtùt mene inom atoma welagaukwasik en he, hobuk it o atoma hai warogo hisalùk, he Perisikila agùn Akwila eperak inomat wogisek he, imakwe so ba o Sìrìa lùogolùk isukwa. Isukwasik, o kota Kekerea lagaukwasik atoma logolìk, “An Ala neperak hutik welago, ìlùk nesi uan-aban hùlì atì hùlì logouagalùk hebegein,” ìlùk herakhesikesik welagaike mene, “Hùlì yì hùlì arat,” ìlùk heleleng hogo palhike.

LAKSASIKE 15:41

It a'nogo waga logolìk he, o propinsi Siria atoma nen pìkìt o propinsi Kilikia Ala againapùrì inetaùken ago warisìlìk wagaukwa.

LAKSASIKE 15:39

Atì'nogo yogosikomo, eperak wene haro weak palhukwasik he, inaleketegat pùgùlhukwa. At Parenapat en he, Marekùt wolok he, imakwe so warogo o Siperùt wagaike.

LAKSASIKE 15:23

Wene atì ba helal waganogo hìkì logolìk, mel isukwa: “Nit hinerùgì hinagaiya'lak Yesùt en ninebe weteberogo ninayoko hìlìk lakhina wagaike mene mel, Ala againapùrì serisek welagorek mene mel, ninom en he, hit o Atiokia mene, Sìrìa mene, Kilikia mene, hinebe etakwe meneat he, Ala againapùrì mene ninerùgì ninagaiya'lak, ìlùk hai wathinapo atì o.

LAKSASIKE 13:4

It Parenapat Saùlùt eperak Ala Areagùn nen laksa wagaikomo re, o Seleukia pi wagaukwa. Pi wìrìk he, o Seleukia atoma nen he, imakwe so ba o Siperùt i ekenma wagaukwa.

LAKSASIKE 11:19

At Sitepanùt a'nogo ebe wasukwasik he, Ala againapùrì yì aik tì aik hagarinapì logolìk, sigisek-mugusek hagatì lagaukwama, pùgùlogo o propinsi Penisia mel, Siperùt mel, kota Atiokia mel, wagaukwasik, wene it apùnì Yahuri mene nek yogoisìkì lagaukwa.

LUKAT 10:13

Atì'nogo yogoisasikesik, hobuk apùnì obogat mel yogoisasike: “Hit apùnì o Korasim mene mel, o Pesaìra mene mel, apùnì nen hagasusak lek mene an nen elalinat, hit ninom logolìk hagatì lagì a'nogo, o Tìrùt Siron atoma hagatì logoilema re, it apùnì o atoma mene inoabùt hebelarik he, heang hìlìk hagatarek hak, inasu weak mene laberìgìk, wul hesi inùkùl oba yùgùlìgìk, ìkì logolìk he, weak hagatì lagaukwa mene atì hebisìlìk, inoabùt hageat hebela'lep meneat he, hit he, atì'nogo hagasusak hinabìt atì nen weagathinabigin o!

LUKAT 2:2

Inetage emakumagìk helal wanhukwa atì, ap etage Kirebìut atì, o propinsi Sìrìa atoma kain gubemur werek kolek wanhukwa.

MATÌÙT 11:21

“Hit apùnì o Korasim mene mel, o Pesaìra mene mel, eige. Netawì lak e. Apùnì nen hagasusak lek mene an nen elalinat hit ninom logolìk hagatì lagì a'nogo, o Tìrùt Siron atoma hagatì logoilema re, it apùnì o atoma mene heang hìlìk hagatarek hak, inasu weak mene laberìgìk, wul hesi inùkùl oba yùgùlìgìk, ìkì logolìk he, weak hagatì lagaukwa mene atì hebisìlìk inoabùt hageat hebela'lep meneat he, hit he, atì'nogo hagasusak hinabìt atì nen weagathinabigin o!

LAKSASIKE 21:2

Lagagusik, o atoma apùnì i so aike ba o Penisia lùogolùk were'ma, so atì a'la kìlìk, ninom lagagu.

LAKSASIKE 21:7

Kisugusik, o Tìrùt atoma nen imakwe so ba, o Petolemaìt lagagu. Lagagusik, Ala againapùrì o atoma mene hai warinapugusik, nineki omakeat ninom welagagu.