LAKSASIKE 20:3 - Ala Ane Wene Ket Mene Warogo Wo'ninapike Wene

³ Wagaikesik, tugi hìnagan atoma welagaike. Atoma welagaikesik en, hobuk imakwe so ba o propinsi Siria lagaluk tegelhenem, apùnì nen he, mel yogosukwa: “It apùnì Yahuri mene nen hoasuogolùk haweim kabelhasik werek o,” ìlùk yogosukwama asuk holhikesik, sùgùlogo re, o propinsi Maketonia kwe nen lagalùk isike.

LAKSASIKE 20:3 ပူးပေါင်းရင်းမြစ်များ

LAKSASIKE 20:19

It apùnì Yahuri mene nen nebe noasuogolùk nabok palhì logolìk weak haga'napo kolek, nokawerek en netaùken sebelogo, hogorakìgì'legat, le apik aga logolìk he, ninoe Etagepogot awe a'ma logolìk at hesik hagatì lagì hineluat o.

2 KORÌTÙT 11:26

Ninhùp-nanhùbat youkkwe laga lagagisik, atì re, i hu nen sebelnapenem noasusak agìk, apùnì inoabùt weak ineki abusak wanharek mene nen noasuogolùk ikenem youk hìgìk, apùnì an nùkùl mene nen noasuogolùk ikenem youk hìgìk, it etakwe mene nen noasuogolùk ikenem, youk hìgìk, o sili hùko wùrì'mo nen noasuogolùk ikenem youk hìgìk, legeta'ma nen noasuogolùk ikenem youk hìgìk, i laut yekele'ma nen noasuogolùk ikenem youk hìgìk, apùnì hunigat meneat he, Ala againapùrì nagaiya'lak mene salek logolìk noasuogolùk ikenem youk hìgìk, ìkì lagagisigat.

LAKSASIKE 25:3

Atì'nogo yogosukwa atì re, at kain agoromì nen Paùlùt ebe wolok o Yerusalem wesuogolùk waganem, ebekalem wasuogolùk weim abok inane omakeat lapuk hogo isukwasik en, at yogotì logolìk, “Hat hoabùt hano nen, nit nina'la hanorogo Paùlùt ebe o Yerusalem yoma lakhei we'no,” ìlùk inane lìok hogo kìno yogosukwa atì.

2 KORÌTÙT 7:5

Nit o Maketonia yoma wagagusik were'marogo re, ninoba hapugurakìgì'le'maat, weaga'ninabuogolùk yì aik tì aik haga'ninapukwaat atì. Apùnì aike nen ninoasuogolùk ikenem, nit ninetaùken ninayùk aga kolek welagosik.

KALATIA 1:21

Atoma welagagisik he, hobuk o Siria mel, Kilìkìa mel, wagagi atì.

2 KORÌTÙT 1:15

Atì'nogo hùthogoinat o, ìlùk akìgì ati nen, hit hina'la hineki pìre ba hai hakoageip en ìlùk, an alebat en o Maketonia yoma waga logolìk hit hinoba ha'larìk wìrìk he, hobuk napotkwe laga logolìk hinoba ha'larìgat, o Yurea lagalùk laganem, hit en lebe'neoageip ìlùk akasigi.

LAKSASIKE 21:3

Laga logolìk he, i ekenma o etage Siperùt atì nineki peikkwe nineileken lakhìlìk-hìlìk imakwe laga lagagusik, o propinsi Sìrìa lagagusik, o kota Tìrùt wùlùpugu. Wùlùpugusik, atoma nen, sukwe so a'la wolok lagaukwa mene wulabuogolùk isukwama re, nit no a'la nen atoma wùlùpugu.

LAKSASIKE 19:21

Atì'nogo hagasukwama, at Paùlùt a'la nen akìkì logolìk he, “O propinsi Maketonia lìlìk en he, o propinsi Akaya wìrìk en pìkìt, o Yerusalem legein,” ìlùk a'la akasikesik he, “Lìlìk, hobuk napotkwe wìrìk, o kota Ùrùm neileken ha legeinat o,” ìlùk isike.

LAKSASIKE 18:18

At Paùlùt eki logolegat Ala againapùrì o kota Korìtùt mene inom atoma welagaukwasik en he, hobuk it o atoma hai warogo hisalùk, he Perisikila agùn Akwila eperak inomat wogisek he, imakwe so ba o Sìrìa lùogolùk isukwa. Isukwasik, o kota Kekerea lagaukwasik atoma logolìk, “An Ala neperak hutik welago, ìlùk nesi uan-aban hùlì atì hùlì logouagalùk hebegein,” ìlùk herakhesikesik welagaike mene, “Hùlì yì hùlì arat,” ìlùk heleleng hogo palhike.

LAKSASIKE 16:9

Wagaukwasik logolìk, hùako Pùlùt abìkakan mel hasike. Ap o Maketonia mene aike metek logolìk he, “Hat en nit apùnì Maketonia mene yoma lebe'nisa wùlìbi me o,” ìlùk a'la kagalogo yogotenem abìkakan hasike.

MATÌÙT 4:24

Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.

LAKSASIKE 16:12

Wùlìbi wagagusik o atoma nen he, o kota Pilipi wagagu. O propinsi hùko Maketonia atoma ebe hùlì palek were'ma re, alebagìk ineki wenatì lagaukwa ba, o kota Pilipi atoma it apùnì o Ùrùm mene nen hagisek logolìk wusi lagaukwasik welagaukwa ba, wagagu atì. O atoma wagagusik he, nineki hamùlùgat welagagusik,

LAKSASIKE 20:1

O kota Epesùt inane apik sagalhì lagaukwa a'nogo lek agaikomo, at Paùlùt en he, it apùnì Yesùt ane wanhukwa mene hùgì waisìlìk inasuk wasike. Inasuk warogo hai warinaplùk he, ebe o propinsi Maketonia wagaike.

LAKSASIKE 20:2

O Maketonia atoma nìkì logolìk he, wene hùkorogo yogoisìkì logolìk, inetaùken ago warìk nìkì lagaikesik, o apùnì Yunani mene inaua wagaike.