LAKSASIKE 20:16 - Ala Ane Wene Ket Mene Warogo Wo'ninapike Wene

¹⁶ At Paùlùt en a'la akìkì logolìk he, “An o propinsi Asia yoma magato kolek, pesta Pentakosta hesik nìlì'mo lanogo ìlùk, o kota Epesùt kìgì'lek pìkìt o Yerusalem elok lìlì'mo nen nogoin halok he, hano,” ìlùk a'la akalìk, hepok lagalùk isike.

LAKSASIKE 20:16 ပူးပေါင်းရင်းမြစ်များ

1 KORÌTÙT 16:8

Wesik en he, o Epesùt yoma apùnì, “Wene ninabit,” ìlùk wene palì'lùgì mene inebe apigat werek meneat he, an nen it aike yogoisikenem wene wanusak mene apik werek atì nen he, yoma logopik Hari Pentakosta arat haga'lùk en wesigin o.

LAKSASIKE 2:1

Apùnì Yahuri mene Pesta Paskah nìkì lagaukwasik ineki 50 hari welagaukwasik, hari Pentakosta logolìk, it apùnì inetaùken Yesùt oba hìpìrìk welagaukwa mene inebe obogat omakìma atogorek were'ma,

LAKSASIKE 19:21

Atì'nogo hagasukwama, at Paùlùt a'la nen akìkì logolìk he, “O propinsi Maketonia lìlìk en he, o propinsi Akaya wìrìk en pìkìt, o Yerusalem legein,” ìlùk a'la akasikesik he, “Lìlìk, hobuk napotkwe wìrìk, o kota Ùrùm neileken ha legeinat o,” ìlùk isike.

LAKSASIKE 24:17

“An mo lagagìk, pìgìk, tahun logolegat o Yerusalem lagì'lek welagarìk he, nerùgì nagaiya'lak ninebe omakeat mene uak, uang aike leberisìgìk, Ala hesik aike hisìgìk, igìlùk lagì.

LAKSASIKE 21:4

Atoma wùlùpugusik, apùnì Yesùt ane wanhukwa mane heraginabìk he, ninom nineki 7 nen welagagu. Logolìk, it en he, “Paùlùt. Hat o Yerusalem lagùn o,” ìlùk Ala Areagùn nen yogoisasikomo asuk wasukwa.

LAKSASIKE 20:22

Mene re, yogotak Ala Areagùn nenat na'la kagalhomo, ane hologo, o Yerusalem lagalùk ìkì lagì yì. Atoma lìlì'mo nen nìkì'nogo haga'nabugun he. An nokorat o.

LAKSASIKE 20:13

At Paùlùt an he, “Hit imakwe so ba o Asot lani o. An kweangkwe wesigin,” ìlùk wene wa'nisasikomo, nit tak i so ba o Asot atoma lìlìk, o atoma nen at ebe wìlìk ninom lùogolùk, nit tak o Asot lagagu.

LAKSASIKE 20:6

Atì'nogo se'nisek werek kolek, apùnì Yahuri mene sùpùrùk horoti hìtì'lek mene a'nogo nasukwama nen, nit o Pilipi nen imakwe so ba o Teroat laga logolìk, nogo nineki 5 nen ìlùk, it o Teroat were'ma isa lagagusik, atoma logolìk nogo nineki 7 nen isugu.

LAKSASIKE 18:21

Atì'nogo isikesigat he, lagalùk ìkì logolìk, mel yogoisasike: “Hit egep atì Ala nen hano ìlùk akiko halok he, an hobuk hinoba wesigin o,” ìlùk o Epesut atoma nen imakwe so ba o Kaisarea lagaike.

LAKSASIKE 18:19

Esi atì'nogo palhikesik, o atoma nen o Epesùt lagaukwa. Lagaukwasik he, it Akwila Perisikila eperak atoma hisalùk he, o apùnì Yahuri mene sapan egarek oba kìlìk he, it Yahuri mene atoma welagaukwa mene, wene at en ina'la kagalogo yogoisikenem, it en oko yogotìk, it en at yogotenem, at en oko yogoisìgìk, ìkì lagaukwa.

LAKSASIKE 12:13

Lìlìk, kwe ba papagathikenem, it amanogo nen he, “Sa nen papagathìlì'logo,” ìlùk helekerek inatitigeke mene etage Orote atì ha wùlìbi wagaike.

LAKSASIKE 16:6

Atì'nogo haga'laga kolek he, Ala Areagùn nen, “Wene o propinsi Asia atoma yogoisasak lek,” ìlùk ina'la kagalhikomo re, it o Perigia Kalatia kwe atoma tùlem horogo waga lagaukwasik,

LAKSASIKE 19:1

A t Apolot o Korìtùt atomaat werek kolek he, at Paùlùt a'nogo o propinsi Kalatia mel, Perìgìa mel, pokwe lagak-pagak waga lagaikesik, o kota Epesùt wagaike. Wagaikesik, apùnì Yesùt ane wanhukwa mene aike were'ma inoba kisike.

LAKSASIKE 20:4

Lagalùk ikenem, ap Sopatet, Pirùt aput, awì o Perea mene ho, Arisitarekùt, Sekùtùt eperak inawì o Tesalonika mene ho, Kayùt awì Terebe mene ho, Timotìùt ho, Tìkìtùt Toropìmùt eperak inawì o propinsi Asia mene ho, inom lagaukwa.

LAKSASIKE 20:18

Wene lakhesikomo inebe wagaukwama re, at Paùlùt en, mel yogoisasike: “An emakum o propinsi Asia wagagi atì hùlì nen, ninom motok logolìk hagatì lagì mene hinelu o.