LAKSASIKE 20:12 - Ala Ane Wene Ket Mene Warogo Wo'ninapike Wene

¹² Lagaikomo, ap elege a'nogo eluk aua hei lagìk, eluk agaike mene atì hesik ina'la hai apik hakìgìk, isukwa.

LAKSASIKE 20:12 ပူးပေါင်းရင်းမြစ်များ

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

1 TESALONIKA 5:14

Nerùgì nagaiya'lak. Hit en he, it aike yabu wanùhùk inaberalì weak mene atì inasuk watìk, inayùk hoporek mene atì ina'la kagalhìk, inomame lek mene atì leberisìgìk, ìkì logolìk he, apùnì obogat hesik hinetaùken uan hogo hagatì logoino.

2 KORÌTÙT 1:4

Apùnì aike yì aik tì aik hìkì logolik ina'la kolo were'ma, nit en it ina'la hano asuagalùk inetaùken sebeluagalùk he, at Ala nen nit atì'nogo yì aik tì aik hìkì logolik nina'la kolo aganem, ninetaùken sebelì'logo.

1 TESALONIKA 5:11

Ati nen, hit yogotak ya hagatì lagep hagat, hit-hit hinasuk wat-wat ìgìk, hinetaùken ago wat-wat ìgìk, ìkì logoino o.

1 TESALONIKA 4:18

Ati nenat, wene atì ba hit-hit hina'la hanorogo, hinetaùken ago wat-wat ìkì logoino o.

1 TESALONIKA 3:2

Werek kolek he, at ninagot Timotìùt, hano wene Karìsùt hagasike wene a'nogo ninomat, Ala hesik yogoisìlìk nìkì lago mene a'nogo, apùnì nen yì aik tì aik hagathinabì'lùgì atì nen, hit hinetaùken Karìsùt oba hìpìrethesigip mene abolok inogo ìlùk, hinetaùken ago wathinapìk, hinasuk watìk, ìkì logouagalùk hinoba lakhei wago atì o. Yì aik tì aik hagathinabì'lùgì atì, Ala nen wena'ninapì logolìgat, “Atì'nogo hagathinapì logogun,” ìlùk isike hagat haga'ninabì'lùgì atì, hineluat o.

EPESÙT 6:22

Nit ya logolìk hagatì lago mene hinelu arìk he, hinetaùken sebelogo logouageip ìlùk hinoba lakhei wagì atì.

LAKSASIKE 20:11

Atì'nogo yogoisalùk apotkwe lagalìk he, sùpùrùk horoti mene kùrogo nasukwasik wene uanat yogoisìkì lagaikesik he, o we isikomo Paùlùt ebe o wele'ma lagaike.

LAKSASIKE 20:13

At Paùlùt an he, “Hit imakwe so ba o Asot lani o. An kweangkwe wesigin,” ìlùk wene wa'nisasikomo, nit tak i so ba o Asot atoma lìlìk, o atoma nen at ebe wìlìk ninom lùogolùk, nit tak o Asot lagagu.