LAKSASIKE 2:47 - Ala Ane Wene Ket Mene Warogo Wo'ninapike Wene

⁴⁷ Atì'nogo hagatì logolìk, it en Ala hogorato were'ma, it apùnì obogat en, “It hano,” ìlùk hogorinapì lagaukwa. Hogorinapo were'ma re, ninoe Etagepogot an he, eki aike kamo ìgì'legat, apùnì aike telogo Ala againapùrì inom omakeat lapuk hogo hisìkì lagaike.

LAKSASIKE 2:47 ပူးပေါင်းရင်းမြစ်များ

LAKSASIKE 16:5

Yogoisìlìk wagaukwama re, it Ala againapùrì Yesùt ane eberogoat ìlùk wanhukwa mene inetaùken wurik aga kolek, apùnì aike Yesùt ane wanuogolùk ninhùp-nanhùp kikenem, inebe apik aga lagaukwa.

1 KORÌTÙT 1:18

It apùnì nong asugun mene nen he, mel egarek: “Yesùt wasukwa wene atì re, apùnì kepù mene nen egarek hake ìlì'lùgì o,” ìlùk egarek atì. Atì'nogo meneat he, at Ala nen he: “Apùnì ina'la kagalek mene nen wene kagauk hogo egarek atì, an nen nong-hongotsegein o. Nen, apùnì inapùgùnweak mene nen inapùgùweak hagatarek mene atì, an nen legetsegein o,” ìlùk isikomo re, helal waganogo hesukwama werek atì nen he, nit telninabì'logo mene nen he, “Wene atì re, Ala omame atìat o,” ìlùk ogorek.

LAKSASIKE 2:41

Inasuk atì'nogo wasikomo re, it wene wanhukwa mene hùgì ima pelaginapukwa. Atì like inebe 3.000 hake ima pisukwasik he, hobuk inom lapuk hogo welagaukwa.

LAKSASIKE 2:39

At Ala nen, Nareagùn wokhisegein, ìlùk wene wa'nisasike atì re, hit hinebe mel, hinagainapùrì mel, it aike inaua walegat mene atoma mel, hinebe ninopase Etagepogot Ala nen, We'ni o, ìlùk wahisìlì'logo mene hùgì, obogat hesik wene hirat wathisasike o,” ìlùk yogoisasike.

ÙRÙM 14:18

Hit Karìsùt atitigeko logolìk, wene atì hesik hano hagatì logoumo, Ala a'la hano agìk, apùnì aike ina'la nen he: “At atì hano,” ìlùk ina'la akìgìk, ugunat o.

LAKSASIKE 13:48

Atì'nogo yogoisikenem he, it apùnì etakwe mene inasuk holhukwasik, it en he, “Ninoe Etagepogot en wene atì hano motok isikomo hìgì,” ìlùk hogorasukwasik ina'la hai hakasukwa. Ina'la hai hakìlìk, Ala nen it nabùlal-habùlal hagarinabigìlùk wenaginapike mene hùgì nen, “Wene atì eberogoat,” ìlùk hùthasukwasik wanhukwa.

ÙRÙM 9:27

Nen wene aike Ala nen he, mel isike: “Apùnì kweang'ma mene yoma ùkùm heageak inoba motok hegein atì nen he, apùnì Isirael en tagokwe mene inebe i al ìmìngìk i laut hùko yekelek era'lukwe welagarek atì hake werek. Meneat he, we, inebe hamùlùgat enek telinabigin o,” ìlùk isikomo Yesaya nen helal waganogo hesike.

ÙRÙM 8:30

Alebat Ala nen ninebe wena'ninapike mene hùgì, ninayoko hesike. Atì'nogo ninayoko hesike mene hùgì, ùkùm ninoba mene korogo wokhìlìk, hobuk ninom ninapotkwe hùnogo hinikomo welago. Ninebe atì'nogo hùnogo hinike mene hùgì, at ebe hogorato motok welagaikarek mene atì hake asuagalùk wo'ninapike.

LUKAT 2:52

Nen, at Yesùt atì'nogo logolìk, ebe alùge agìk, a'la kagalek motok haga'lagìk, iko kolek, opase Ala mel, apùnì mel, at hesik inoba lìok ìkì lagaike.

LAKSASIKE 4:21

Atì'nogo yogoisasukwama, ap a'nogo elalin hagasukwa atì hesik, apùnì obogat en Ala hogoratì lagaukwa atì nen, ùkùm nìkì'nogo inoba hou heat haga'lagaikomo re, inasuk enek hobuk warogo wulaksasukwa.

LAKSASIKE 4:33

Atì'nogo ìkì logolìk he, it ap Yesùt en inebe weteberogo inayoko hìlìk laksasike mene amanogo nen, “Ninoe Etagepogot Yesùt eluk agama nineileken arat hogo o,” ìlùk inane motok omamerogo yogoisìkì lagaukwa. Yogoisiko kolek he, Ala oabùt hano a'nogo nen hùkorogo leberisìkì lagaike

LUKAT 19:48

Atì'nogo abok palhì lagaukwa meneat he, it apùnì hùkokwe re, at Yesùt ane ikenem inasuk hologo motok welagaukwa atì nen he, at ebe nìkì'nogo wasu heat haga'lagaike.

LAKSASIKE 4:4

Atì'nogo meneat he, it Peterùt Yohanet eperak atì'nogo oan kelaksìgì'lek werek kolek, wene apùnì yogoisasukwama, it wene inasuk holhukwa mene amanogo inebe logolegat en, “Wene atì eberogoat,” ìlùk wanhukwama re, it alep mene inom, hobuk mene inom, lapuk hogo, ap enek inebe apigat 5.000 hake haga'lagaikeat atì.

LAKSASIKE 6:1

Atì sat he, apùnì Yesùt ane wanhukwa mene inebe apigat haga'lagaukwama re, it apùnì inebe Yahuri meneat he, inane re, Yunani mene nen he, mel isukwa: “Apùnì ninhùp-nanhùbat yì mene tì mene sùpùrisìkì logolìk he, hìmì soge nit mene halok halolotsìlì'lùgì atì nahalok,” ìlùk, it Yahuri inawìwerek mene inom wene serep agaukwa.

LAKSASIKE 6:7

Atì'nogo hagatì lagaukwama re, Ala ane hùko aga logolìk, apùnì o Yerusalem mene Yesùt ane wanhukwa mene inebe apigat haga'lagaukwa. Atì'nogo haga'laganem, it ap Ala esewerek mene amanogo inebe esa hùkoat en, wene atì wanhukwasik inetaùken Yesùt oba hìpìrethesukwaat.

LAKSASIKE 9:31

Atì'nogo hagasukwama, hobuk en he, it apùnì Ala againapùrì o propinsi Yurea mene mel, Kalilea mene mel, Samaria mene mel, weagarinapì'lek hano lìok hogo welagaukwa. Were'ma, Ala Areagùn nen leberisikenem, inetaùken wurik agìk, ninoe Etagepogot inayùk hogo welagìk, ìkì logolìk he, inebe apik seik-peik ìkì lagaukwa.

LAKSASIKE 9:35

Melagaikomo re, it apùnì o Lìra mel, Saron mel, welagaukwa mene obogat en ineileken hìlìk he, “Eberogoat,” ìlùk inoabùt hebelarìk inelokwe ninoe Etagepogot wogosukwa.

LAKSASIKE 11:21

Atì'nogo yogoisikenem, ninoe Etagepogot inomat logolìk, omamerogo leberisikenem he, apùnì inebe logolegat en, “Wene atì eberogoat hìgì,” ìlùk wanìk he, inoabùt hebelarìk, inelokwe at wogosukwa.

LAKSASIKE 14:1

It Paùlùt Parenapat eperak o Ikonìùm atoma logolìk, o apùnì Yahuri mene sapan ìkì lagaukwa ba kìlìk he, wene atì'nogoat yogoisasukwama, inebe logolegat, Yahuri mene lek, Yunani mene lek, wene atì eberogoat ìlùk wanhukwa.

LAKSASIKE 14:21

O Terebe atoma wene hano wene yogoisikoat logolìk he, apùnì inebe logolegat woginapukwama Yesùt ane wanhukwa. Wanhukwama hisalùk, it Paùlùt Parenapat eperak hobuk inapotkwe o Lisitera nen, Ikonìùm en, pìkìt o Pìsìrìa tokwe o kota Atiokia wùlìbi wagaukwa.

LAKSASIKE 17:12

Atì'nogo hìthìkì logolìk he, apùnì Yunani mene, hìmì kaintek mel, ap logolegat mel, inebe hùkoat inetaùken Yesùt oba hìpìrethesukwa.