LAKSASIKE 2:41 - Ala Ane Wene Ket Mene Warogo Wo'ninapike Wene

⁴¹ Inasuk atì'nogo wasikomo re, it wene wanhukwa mene hùgì ima pelaginapukwa. Atì like inebe 3.000 hake ima pisukwasik he, hobuk inom lapuk hogo welagaukwa.

LAKSASIKE 2:41 ပူးပေါင်းရင်းမြစ်များ

LAKSASIKE 4:4

Atì'nogo meneat he, it Peterùt Yohanet eperak atì'nogo oan kelaksìgì'lek werek kolek, wene apùnì yogoisasukwama, it wene inasuk holhukwa mene amanogo inebe logolegat en, “Wene atì eberogoat,” ìlùk wanhukwama re, it alep mene inom, hobuk mene inom, lapuk hogo, ap enek inebe apigat 5.000 hake haga'lagaikeat atì.

LAKSASIKE 2:47

Atì'nogo hagatì logolìk, it en Ala hogorato were'ma, it apùnì obogat en, “It hano,” ìlùk hogorinapì lagaukwa. Hogorinapo were'ma re, ninoe Etagepogot an he, eki aike kamo ìgì'legat, apùnì aike telogo Ala againapùrì inom omakeat lapuk hogo hisìkì lagaike.

LAKSASIKE 2:37

Atì'nogo yogoisasikomo, inasuk holhukwasik, wene atì ba inetaùken abolok isikomo re, it en Peterùt mel, it aike Yesùt en weteberogo inayoko hìlìk laksasike mene aike mel, yogoisìkì logolìk he, “Nagaiya'lak. Nit ninoabùt nìkì'nogo hagasu,” ìlùk yogoisasukwa.

YOHANET 14:12

At sa nen etaùken an noba hìpìrethike halok he, an hagatì lagì mene atì, at en hagatì logoginat o. An hagatì lagì atì re, hamùlùgat negen meneat he, an nopase oba legein atì nen he, at sa nen etaùken an noba hìpìrìk welagarek mene atì nen ebenagei'mo hùkorogo hagatì logogin o, ìlùk nane eberogoat yogohisìgì.

LAKSASIKE 13:48

Atì'nogo yogoisikenem he, it apùnì etakwe mene inasuk holhukwasik, it en he, “Ninoe Etagepogot en wene atì hano motok isikomo hìgì,” ìlùk hogorasukwasik ina'la hai hakasukwa. Ina'la hai hakìlìk, Ala nen it nabùlal-habùlal hagarinabigìlùk wenaginapike mene hùgì nen, “Wene atì eberogoat,” ìlùk hùthasukwasik wanhukwa.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

1 TESALONIKA 1:6

Hit yì aik tì aik hagathinapo kolegat he, hina'la hai hakìkì logouagalùk Ala Areagùn nen hina'la kagalhìkomo, hai hakìkì logolìk, hano wene wanhìsigip he, nit ninoabùt wanhìk, ninoe Etagepogot oabùt wanhìk, isigip atì.

LAKSASIKE 3:23

Sa nen wene at en yogohisegein mene atì, asuk holhì'lek halok he, at Ala nen, at againapùrì inekele'ma nen tegelogo wulaksìlìk weagathegein o, ìlùk yogoisasike.

LAKSASIKE 7:14

Atì'nogo yakùlisasikesik, at Yùsùp en he, opase Yakùp mel, apùnì at againapùrì mene obogat inebe 75 mel, inom wesuagalùk wene warogo laksa wagaike.

LAKSASIKE 27:37

So atì ba re, ninebe logolegat 276 wagagu.

ÙRÙM 13:1

Hinogogì kaintek pemerintah mene atì, ero welek mene hùk o. Ero at Ala at o. At enat menhisasikomo kain welagaikarek atì nen he, hit hinebe lopok it inane hologo logoino o.

1 PETERÙT 3:20

Inamokareke atì inebe re, hageat at Nu nen i so Wùto kolek, Ala oabùt hano nen serisek werek kolegat he, wene wanhì'lek heraksìlìk weak hagato motok were'ma i hu nen inoasikomo wa'lagaukwa mene atì. Atì'nogo inoato kolegat he, it aike so a'la kìlìk welagaukwa mene, inebe 8 nen hamùlùgat i hu atì ba telinapike atì.

ABÌKAKAN 16:3

Atì'nogo hìgìrìk oba nen, apolik he, it malaikat inebe 7 amanogo mene omakeat en atì'nogo pelabi wagasik oba nen, aike nen Ala a'mage i negen hinago a'nogo mene aike kesalogo i laut yekelek oba pelapenem he, i elokoken apùnì inoatenem inamep hake haga'laga logolìk he, yì mene tì mene i laut yekelek a'la eluk welagarek mene obogat wa'larìk laga laga lakhìgì.

YOHANET 21:11

Simon etage aike Peterùt egaregat a'nogo so a'la kisikesik he, ikan hùkotek motok ebe 153 nen su yoge su apem hesoksek a'nogo lisogo wolok he, i aik oba wùlìbi wagaike. Ikan motok apik meneat he, yoge su a'nogo hamùlùgat halok aike lìbìlagì'lek, we, hano welagaike.