LAKSASIKE 2:4 - Ala Ane Wene Ket Mene Warogo Wo'ninapike Wene

⁴ Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

LAKSASIKE 2:4 ပူးပေါင်းရင်းမြစ်များ

MATÌÙT 10:19

Hinanema atì'nogo wanuagalùk wokhisek lagaika halok he, hit en oko yogoisogoin mene atì sat Ala nenat hina'la kagaligin. Halok he, oko kì'nogo yogoisogoin ìlùk hinalabut hìtùp o.

MAREKÙT 16:17

It apùnì aike nen wene atì eberogoat ìlùk akoagalùk, it wene eberogoat ìlùk wanugun mene hùgì nen he, yì'nogo hagatì logogun. Mokareke oabùt weak mene it aike ina'la kìlìk were'ma an netage palogo henogo wulaksìgìk, inane it aike inane inokot mene elalinat ìgìk, ìkì logogun.

LUKAT 1:41

Maria nen hai watenem Elisabet asuk holho kolek aremnogoat he, eak a'ma mene a'nogo hogoil hasike. Atì'nogo iko kolek, Ala Areagùn, he Elisabet a'la peserogo kisike.

LUKAT 1:67

At Yohanet opase Sakaria a'nogo Ala Areagùn a'la peserogo kisikomo Ala wene ìkì logolìk he, mel isike:

LUKAT 12:12

Atì sat he, hit en wene oko uagalùk Ala Areagùn nen, Yi'nogo ini o, ìlùk, hina'la kagalìgìn mene werek o,” ìlùk yogoisasike.

LUKAT 4:1

At Yesùt i Yoretan ima pikenem, Ala Areagùn a'la peserogo kisikomo wùlìbi wagaikesik laganem, at Ala Areagùn nen ebe wolok he, o leimo apùnì le'ma atoma lagaike.

YOHANET 20:22

Atì'nogo yogoisasikesik he, eleage inoba hurogo lakhìkì logolìk he, mel yogoisasike: “Ala Areagùn helani o.

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

LAKSASIKE 10:47

“Lakhani. It yì Ala Areagùn nit wo'nisikerek atì hagat, it wogisikomo helaga atì. Halok he, sa nen, It ima pelaginabusak lek, ìlùk wene palusak akegep. Elok pelaginabusagat o,”

LAKSASIKE 11:15

Ikomo re, an wene yogoisagalùk ero ba oan iko were'ma, Ala Areagùn emakum nit ninoba pi wagaike atì hak, it hobuk inoba pi waga atì.

LAKSASIKE 13:52

Ki lagaukwama, apùnì o Atiokia atoma mene Yesùt ane wanhukwa mene hùgì Ala Areagùn ina'la peserogo kisikomo ina'la hai apik hakasukwa.

LAKSASIKE 13:9

Atì'nogo sebeligìlùk ikenem, at Saùlùt, etage aike Paùlùt a'nogo nen he, Ala Areagùn a'la peserek logolìk eileken Pareyesùt oba lùrogo hìkì logolìk he,

LAKSASIKE 15:8

At Ala apùnì ninetaùken elu mene a'nogo nenat, Yì an nagainapùrì o, ìlùk Areagùn nit wo'nisasike atì hagat it atì wogisasikeat.

LAKSASIKE 19:6

Pelaginapukwama, at Paùlùt en eki inùkùl sebelhenem he, Ala Areagùn inoba pi wagaikomo, it en he, wene it aike inane inokot mene ba elalinat ìgìk, Ala ane it aike yogoisìgìk, ìkì lagaukwa.

LAKSASIKE 2:11

Nit he'nakìt ebe Yahuri mene, nen it he'nakìt welek mene Yahuri mene ninoba ki wìrìk Ala ane wanhukwasik ninom welagoat. Nen, apùnì o Kereta mene mel, Arap mene mel ninom were'ma, it yì nen Ala omame ba elalinat hagaterek mene yogonisikenem, ninokawerek ninane ba lopok ninasuk holhì lago yì,” ìlùk,

LAKSASIKE 2:3

Inasuk holhukwasik ineileken hìthasukwa re, etu amulok yeke ameli hake heta melangata lagìk, heta melangata lagìk, ikerek atì hak, inebe lopok inoba labok ikenem ineileken hasukwa.

LAKSASIKE 4:31

Atì'nogo Ala ayoko hìkì lagaukwama re, o it atogorek welagaukwa ba atì abolok isike. Abolok ìkì logolìk he, Ala Areagùn inebe obogat ina'la peserogo kisikomo, wene Ala nen isike mene apùnì inayù'legat yogoisìkì lagaukwa.

LAKSASIKE 4:8

at Peterùt Ala Areagùn a'la peserogo welagaike mene a'nogo nen wene mel yogoisasike: “Nogogì kainte'lak mel, nopaselak mel, hinalaok.

LAKSASIKE 6:3

Halok, hit en he, ap aike Ala Areagùn ina'la peserek logolìk, inetaùken motok kagalek hagatenem, inoabùt enagat isìkì lagep mene halok, inebe 7 nen heraginabino. Heraginapep halok, it en yì mene tì mene atì'nogo sùpùrisìkì logouagalùk, nit en menhisogoin o.

LAKSASIKE 6:5

Wene atì'nogo ìkì lagaukwama, it apùnì Ala againapùrì amanogo inebe obogat en he, “Atì'nogo egep atì hano,” ìlùk isukwasik inebe heragasogo hisasukwa. Atì'nogo hisasukwa atì aike re, Sitepanùt, etaùken Ala oba hìpìrìk motok were'ma Ala Areagùn a'la peserogo kìlìk welagaike mene mel, Pilipùt mel, Porokorùt mel, Nikanot mel, Timon mel, Paremenat mel, Nikolaùt o Atiokia mene Ala ane wanhikesik, Yahuri mene negen haga'lagaike mene atì mel,

LAKSASIKE 6:8

At Ala oabùt hano nen wogisikerek mene a'nogo, Sitepanùt hùkorogo wogisikomo omame motok apik welagaike. Logolìk he, apùnì nen wene hùthoagalùk hagasusak lek mene hùkorogo elalinat hagarinapì lagaike.

LAKSASIKE 7:55

Wasuogolùk iko kolegat he, at Sitepanùt Ala Areagùn a'la peserek logolìk, oileken pogot oba lìakhasike hak he, at Yesùt Ala ebe hogoratarek mene a'nogo era'lu metek eperak were'ma eileken lìagisasike.

LAKSASIKE 8:17

Atì'nogo Ala ayoko hìkì logolìk, ineki inoba sebelhenem he, Ala nen Areagùn wogisasikomo helasukwa.

LAKSASIKE 9:17

Atì'nogo yogosikomo, at Ananiat a'nogo lagaikesik he, ouma kìlìk, eki Saùlùt oba sebelhì logolìk he, mel yogosike: “Saùlùt, nagaiyak. Ninoe Etagepogot Yesùt, hat o yoma wesigìlùk kwe ba waganem, helokoma melagama, heileken hegen mene a'naga nen, hat heileken hekenagìk, Ala Areagùn ha'la peserogo ki wagìk, uagaluk lakhani wagama wagì o,”

ÙRÙM 15:13

“Hobuk hano asigin,” ìlùk nina'la hai hakogorek atì, ero at Ala nenat haga'ninaperek. Hit atì'nogo hina'la hai hùkorogo hakìkì logouagalùk Ala Areagùn omame ba hagathinabuak. Atì'nogo hagathinabuak en he, hinetaùken at oba hìpìrethesigip atì ba hakothìlìk were'ma, at en hina'la hai apik hakìkì logouagalùk hagathinapìk, hinetaùken hapuguthinapìk, uak o.

1 KORÌTÙT 12:10

Nen, at aike yì mene tì mene elalinat hagatì logouagalùk wogotìk, at aike nen Ala ane yogoisìkì logouagalùk wogotìk, at aike nen ìkì logolìk he: “At atì Ala Areagùn a'la logolìk hagarì'logo, ìgìk, weak mene areagùn a'la logolìk hagarì'logo, ìgìk,” enagat penetì logouagalùk wogotìk, at aike nen inane okot mene elalinat ìkì logouagalùk wogotìk, at aike inane inokot mene ikenem, at asuk holìk he, “Ebe yì'nogo mene hesik ike,” ìlùk it inane ba higit hogo yogoisìkì logouagalùk wogotìk, inebe lopok wogisikerek atì.

1 KORÌTÙT 13:1

An nen apùnì inùkùl etage lopok aike inane ba ìgìk, malaikat Ala nen yoko pelaksa wagarek mene amanogo inane ba ìgìk, ìkì logolìk meneat he, apùnì inebe netawìrogo logogin lek halok he, an we, sogoloak hùko mene hamùlùk mene i a'la hinago le'ma ane pak ìgìk, telang ìgìk, ikerek hak ìkì logousak o.

1 KORÌTÙT 13:8

Atì'nogo ìkì logopik he, ineki aike sapùl he, Ala ane yogoisagarek atì mene hobuk yogoisasak lek agìk, apùnì inane inokot mene elalinat egarek atì mene hobuk usak lek agìk, yì wene tì wene inelu welagaikarek mene atì hobuk inelu asusak lek agìk, ugun meneat he, apùnì inebe inetawìrogo welagaikarek atì mene nek, lek agì'lek motok logogin o.

1 KORÌTÙT 14:18

Inane inokot mene elalinat egarek atì re, hit en he, hamùlùgat egesep. An enek he, apigat ìgìrek ìlùk, “Ala nopase,” ìlùk hai watìrek o.

1 KORÌTÙT 14:5

Apùnì inane inokot mene elalinat egarek atì hamùlùk mea negen meneat he, Ala ane apùnìpak hogo yogoisagarek atì nek he, hùko esin negen. Atì nen he, hit hinebe obogat apùnì inane hinokot mene elalinat umo re, an walok meneat he, ebe hano motok he, hit en Ala ane pak hogo yogoisìkì logousak atìat walok o. Mene re, inane hinokot mene elalinat ugun halok he, hobuk Ala againapùrì aike inetaùken ago warisùogolùk he, hit hinane ba higit hogo umo nek he, hano.

EPESÙT 5:18

Anggur eken amusu hùkorogo nikenem atì nen hinebe lùgùlùgì palìk weagathinabinogo nen he, nìkì logogùp o. At he, Ala Areagùn atìat hina'la peserogo wanino.

EPESÙT 6:18

Atì'nogo obogat hagatì logolìk he, Ala nen lebethikoagalùk sapan ìkì logoino. At Areagùn hina'la logolìk hina'la kagaligin hagat, ninhùp-nanhùp sapan Ala ayoko hìgìk, kìno yogotìk, iko motogat logoino. Atì'nogo ìkì logolìk he, hina'la pùk agì'lek, hinoabùt hebelek motok logoino. Atì'nogo logolìk he, Ala againapùrì obogat hesik sapan Ala ayoko hìkì logoinoat o.

1 PETERÙT 1:12

Hinok wanhenem, at Ala nen he, “Wene atì re, hit hinokawerek hesik he, lek o. It hobuk oan mene hesik hagatì lagep o,” ìlùk hit hesigat isike. Atì'nogo yogoisasikesik welagaikesik en, hobuk Ala Areagùn pogot oba nen pelakhei wagaikomo, it ap hano wene Yesùt Karìsùt hagasike wene a'nogo yogohisoagalùk ina'la logolìk yogotak pak hogo yogohisìlì'lùgì ebe atì hesik ìkì lagaukwa atì. Wene atì, it malaikat Ala nen yoko pelaksa wagarek mene amanogo nen he, “Eige, nit wene atì tùkùm hogo ninelu a'lo e,” ìlùk akagarek.