LAKSASIKE 2:39 - Ala Ane Wene Ket Mene Warogo Wo'ninapike Wene

³⁹ At Ala nen, Nareagùn wokhisegein, ìlùk wene wa'nisasike atì re, hit hinebe mel, hinagainapùrì mel, it aike inaua walegat mene atoma mel, hinebe ninopase Etagepogot Ala nen, We'ni o, ìlùk wahisìlì'logo mene hùgì, obogat hesik wene hirat wathisasike o,” ìlùk yogoisasike.

LAKSASIKE 2:39 ပူးပေါင်းရင်းမြစ်များ

ÙRÙM 8:30

Alebat Ala nen ninebe wena'ninapike mene hùgì, ninayoko hesike. Atì'nogo ninayoko hesike mene hùgì, ùkùm ninoba mene korogo wokhìlìk, hobuk ninom ninapotkwe hùnogo hinikomo welago. Ninebe atì'nogo hùnogo hinike mene hùgì, at ebe hogorato motok welagaikarek mene atì hake asuagalùk wo'ninapike.

EPESÙT 4:4

Ala nen hinayoko hìkì logolìk he, “An nen hanothinabigin o,” ìlùk, abok omakeat mene yogohisasike hak, at ebe omakeat mene hinom hùnetik, Areagùn omakeat mene wanhìk, isigip atì.

LAKSASIKE 15:8

At Ala apùnì ninetaùken elu mene a'nogo nenat, Yì an nagainapùrì o, ìlùk Areagùn nit wo'nisasike atì hagat it atì wogisasikeat.

1 PETERÙT 5:10

Were'ma, at Ala ebe hogorato motok logogun atì hak, hit Karìsùt hinom hutik were'ma hinomat hogothinapo logouagalùk hinayoko hesikomo, yogotak ya hamùlùgat enek hinoba yì aik tì aik hìkì logopik, hobuk, at oabùt hano motok a'nogo nen, katok hogo hagathinapìk, hinetaùken wurigethìgìk, hinomamethinapìk, hapuguthinapìk, igin o.

ABÌKAKAN 19:9

Atì'nogo ikenem holhìrìk oba nen, at malaikat a'nogo nen mel yogonete: “It apùnì Topa Eak agwe negen ìkìkì logolìk, pesta isago na wesuagalùk inayoko haga mene hùgì ina'la hai hakoak o, ìlùk helal wanino o,” ìlùk yogonetesik, hobuk yogonetì logolìk: “Wene yì re, eberogoat Ala nen ike mene o,” ìlùk yogonete.

2 PETERÙT 1:3

At Ala esok motogat logolìk, yì mene tì mene elalinat hagatenem hogorato motok welagaikarek mene a'nogo nen ninayoko hesike atì. Halok, nit en at ebe sekek hogo ninelu arìk, nit ninebe nineluk logolìk, at hesik higit hogo hagatì logouagalùk, at okawerek omame ba yì mene tì mene wo'nisasikomo ese agosik welago.

IBERANI 9:15

Atì nen he, wene warogo alep wo'ninapike mene atì ba logolìk, nit ninasuk ware'lek weak hagatì lagagu atì ba ninebe hele warek hake welagagu. Atì'nogo were'ma, at Ala nen Karìsùt wa'lagaike atì ba hele hikalninapikesik he, nit at en wanisasike mene hùgì ninom hùnerìk, hano mene esok logogin mene wo'nisagalùk, wene ket mene warogo wo'ninabìk, Karìsùt ebe hùlìsanem menhesike.

ABÌKAKAN 17:14

Atì'nogo esewerek hìlìk, Topa Eak a'nogo weim inom yabuogolùk ugun meneat he, at Topa Eak ebe apùnì kaintek inetagepogot mel, inetagewerek mene mel, obogat inoe etagewerek hesaksegarat ma re, againapùrì wenaginabik inayoko hesikomo inoabùt at hesik hùpùn hogo hagatarek mene amanogo, at werekwe arìk, inom en, at yeke lo yeke bake a'nogo agoromì inom mabenetsogoin o,” ìlùk yogonete.

2 PETERÙT 1:10

Atì nen he, nerùgì nagaiya'lak. Hinebe Ala nen wenakhinabìk, hinayoko hesike atì re, eberogoat haga'lasuagalùk, hit en akiluk hogo hinomamerogo hagatì logoino. Atì'nogo hagatì logogun halok, hinetaùken Ala ha hìpìrìk mene heraksalùk wùlùbugun lek o.

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

EPESÙT 1:18

At enat hina'la lìathinapenem, hit en he, “Ninayoko hesike mene a'nogo nen hobuk hano'ninabigin,” ìlùk, hina'la hairogo oba eberek welagep mene a'nogo hinelu agìk, yì mene tì mene hano mene hogorato motok logogun mene at againapùrì wo'nisagalùk hùkorogo hologo hinasike mene atì, hinelu agìk,

ÙRÙM 11:29

At Ala oabùt hano nen yì mene tì mene wo'nisìgìk, ninebe wena'ninapìk, ìlìk en he, hobuk ane hùnogoat aike ikerek lek.

IBERANI 3:1

Atì nen, Ala againapùrì nerùgì nagaiya'lak. At Ala pogot oba nenat hit ninomat ninayoko hesikomo wene wanhugusik pak hogo ìkì lago atì hesik, at Yesùt ebe Ala esewerek kain logouagalùk, Ala nenat lakhei wagaikomo werek atì halok, hit hinetaùken oba nenat hùthìkì logoino o.

1 KORÌTÙT 7:14

At he Ala a'logo mene nen, agùn etaùken Karìsùt oba hìpìrethìgì'lek mene, waganek eperak hano lapuk hogo welagaikarek atì ba, agwe nen agùn ebe Ala hesik hisìlì'logo. Nen, atì hak at ap Ala aput mene nen, agwe etaùken karìsùt oba hìpìrethìgì'lek mene waganek eperak hano lapuk hogo welagaikarek atì ba, agùn nen agwe ebe Ala hesik hisìlì'logoat. Atì'nogo inebe Ala hesik hisìgì'lek logoilepma re, hinagainapùrì inebe Ala meneat he, etakwe mene logoilep o.

2 TESALONIKA 1:11

At Ala nen he, “Hit atì'nogo hagatì logoino o,” ìlùk, hinayoko hesike hagat higit hogo hagatì logouageip ìlùk, nit en hit hesik sapan iko motok welago. Hit hina'la nen he, “Nit hano hagatì logoilo e,” ìlùk, akìkì lagep mene atì, Ala nen atì'nogo hagathinapìk, nen, hinetaùken at oba hìpìrethìlìk logolìk hagatì lagep mene atì, at enat hinetaùken wurigethinapìk, at omame atì ba hagathinapì logouak o.

ÙRÙM 9:24

Atì'nogo akikerek mene atì, nit apùnì Yahuri mene nek wena'ninapikesik ninayoko hesike hùk. It etakwe mene ninomat wena'ninapikesik inayoko hesikeat o.

ÙRÙM 9:4

It apùnì Isirael mene ebe Isirael Ala nen wenaginapike mene atì nen he, at againapùrì asuagalùk woginapìk, at Ebe hogoratarek mene atì irat yakùlisìgìk, wene warogo irat woginapìk, wene ninasuk wasike wene a'nogo irat wogisìgìk, “An yì'nogo hogo'napì logoino,” ìlùk irat yakùlisìgìk, “Hobuk tì'nogo hagathinabigin,” ìlùk abok irat yogoisìgìk, isike atì.

LAKSASIKE 15:14

Ala nen it apùnì etakwe mene inoba eberìk he, mel isike: It aike an nagainapùrì asuagalùk woginabigin o, ìlùk woginapike mene hesik, at Simon nen yogonisike atì.

LAKSASIKE 15:3

It Ala againapùrì nen atì'nogo isukwasik laksasukwama re, o atoma nen he, Penisia nen, Samaria nen, laga logolìk he, mel yogoisìlìk lagaukwa: “It apùnì etakwe mene inoabùt hebelarìk inelokwe Ala wogotama o,” ìlùk yogoisìlìk laganem, it Ala againapùrì atoma mene ina'la hai hùkoat hakasukwa.

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

LAKSASIKE 10:45

Atì'nogo pi wagaikomo, it apùnì inogat inekalìma mene palek logolìk wene eberogoat ìlùk wanhukwa mene aike Peterùt inom wagaukwasik were'ma, Ala nen Areagùn atì'nogo it etakwe mene inoba pelakhei wagaikomo, helasukwasik, wene it aike inane inokot mene ba elalinat ìgìk, Ala hogoratìk, ikenem, ineileken hìgìk, inasuk holhìk, isukwasik he, mel isukwa: “Ala nen Areagùn it apùnì etakwe mene elogat wogisikomo hìgì. Nayùk e,” ìlùk hogorasukwa. Atì'nogo hogorasukwama, at Peterùt en he, mel yogoisasike:

EPESÙT 2:12

Ati sat he, Karisùt ebe hinom heksek logolìk, hinebe Isirael mene lek. We, inapik meneat welagagip. Atì'nogo were'ma, at Ala nen he, wene it Isirael mene inom watì logolìk he, “Tì'nogo hagathinabigin,” ìlùk abok yogoisasike mene a'nogo, hit hinokorat logolìk, “Hano asigin,” ìlùk hina'la akìgì'legat, Ala awe a'ma kìgì'lek, kweangma yoma logolìk, Ala ebe hinokorat welagagip.