LAKSASIKE 2:38 - Ala Ane Wene Ket Mene Warogo Wo'ninapike Wene

³⁸ Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.

LAKSASIKE 2:38 ပူးပေါင်းရင်းမြစ်များ

LAKSASIKE 22:16

Mene re, hat yogotak aregenma logousak lek. Hebe mel arìk he, hat weak hagatì lagen mene Ala nen sobalhapìk, it aike nen ima pelakhapìk, uak en he, Yesùt etage palogo Ala ayoko heino, ìlùk yogonesike,” ìlùk yogoisasike.

MAREKÙT 16:16

Yogoisìlìk laganem he, it apùnì aike nen wene atì eberogoat ìlùk akogoin mene ima pelaginabugun mene hùgì, Ala nen telinabigin meneat he, it aike wene atì eberogoat ìlùk wanugun lek mene hugi Ala nen ùkùm inoba hìlìk weagarinabigin o.

LAKSASIKE 8:12

Atì'nogo meneat he, at Pilipùt en hano wene Ala nen awe a'ma hisikerek wene atì yogoisìgìk, Yesùt Karìsùt etage atì yakùlisìgìk, hano wene atì ìkì lagaikomo re, apùnì amanogo nen he, “Wene atì eberogoat,” ìlùk wanhukwa mene hùgì, ap lek, hìmì lek, ima pelaginapì lagaike.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

LAKSASIKE 10:48

ìlùk yogoisasikesik, Yesùt Karìsùt etage palogo ima pelaginabuagalùk, it aike yogoisasikomo pelaginapukwa. Atì'nogo pelaginapukwama, it en he, at Peterùt yogotì logolìk he, “Noe. Heki hamùlùgat aike ninom logopik en lanok o,” ìlùk hakhesukwama inom welagauka.

LAKSASIKE 3:19

Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.

ÙRÙM 6:3

Nit Karìsùt Yesùt ninom hùnesuogolùk ima pisugu mene hùgì yì re, at ebe wa'lagaike hagat, ima pela'ninapenem ninom hutigat wa'lagagu, ìlùk hinokot nogo?

MATÌÙT 4:17

Lagai wagaikesik logolìk, hùlì atì hùlì nen, apùnì atoma yogoisìkì logolìk he, “Kain pogot oba mene nen awe a'ma hikegein a'nogo yogotak arat awe a'ma hikegein o. Halok he, weak hagatì lagep mene heraksìlìk hinoabùt hebela'ni o,” ìlùk yogoisìlìk nìkì lagaike.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

LAKSASIKE 17:30

It alep Ala ebe inokot logolìk, inoabùt weak hagato kolegat he, at en epe morogo heraksìkì lagaike. Atì'nogo meneat he, yogotak ya, at en he, Yì apùnì tì apùnì obogat tì sat inanema waganogo ùkùm inoba hìgìk, kotìk, higit hogoat uak, ìlùk ap aike wenagasogo hìlìk ayoko hikomo werek atì nen, nit apùnì weak hagatì lago mene heraksìlìk ninoabùt hebelasuagalùk yogonisìlì'logo atì. Halok, nit en he, Wene atì'nogo hagasigin atì, eberogoat, ìlùk, nit obogat hùthoagalùk, ap atì ebe wa'lagaikesi'mo nen, opase nen apotkwe eluguthesikomo werek o,” ìlùk yogoisasike.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

LAKSASIKE 26:20

Wene atì, emakum it apùnì Yahuri mene o Tamìsìk atoma welagaukwa mene yogoisasigi. Hobuk o Yerusalem lìlìk logolìk, it atoma mene yogoisìgìk, o propinsi Yurea mene obogat yogoisìgìk, isigisik, it etakwe mene yogoisìlìk nìkì lagì. Atì'nogo yogoisìlìk nìkì logolìk he, Weak hagatì lagep mene heraksìlìk hinoabùt hebelarìk hinelokwe Ala wogo'no o. Hinelokwe Ala wogorìk he, hinoabùt apùnì inoabat hebelarìk hagatarek hagat hagatì logoino o, ìlùk yogoisìkì lagì.

MATÌÙT 28:19

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.

TITUT 3:5

Atì'nogo weinam agaikesik, Ala Areagùn nen nina'la sobalogo ninebe ket mene ta'ninapìk, ninoabùt hùnogoat haga'ninapìk, isike atì re, nit ninokawerek en ninoabùt higit hogo hagatì lagagu ba haga'ninapike hùk. We, ninebe at enat etawì'ninapikesik telninapike atì.

MAREKÙT 1:15

Yogoisìkì logolìk he, mel ìkì lagaike: “O Ala awe a'ma hikegein a'nogo arat hikegein o. Halok he, hit weak hagatì lagep mene heraksìlìk hinoabùt hebelogo hano wene yì eberogoat ìlùk hùtheni o,” ìlùk yogoisìlìk nìkì lagaike.

LAKSASIKE 16:15

Wene atì'nogo wanhikomo re, at ebe mel, it apùnì at aua omakìma welagaukwa mene mel, ima pelaginapukwa. Pelaginapukwama, at Lìrìa nen he, “An hesik hit hina'la nen, At etaùken ninoe Etagepogot oba eberogoat hìpìrethike hìgì, ìlùk hina'la akegep halok he, an ninom logouok en, ninom lùok o,” ìlùk ane keirogo yogonisasikomo re, ninom lagagu.

LAKSASIKE 8:20

Atì'nogo yogoisìkì lagaikomo, at Peterùt en he, “Hat ha'la nen he, Ala oabùt hano nen wo'nisikerek mene atì, oko hìlìk ese asusak, akegen a? Mea o. Atì'nogo akegen atì nen, hat hauang arì alema'lakìgìk, hebe alema'lakìgìk, uak o.

LAKSASIKE 5:31

Eluguthikomo werek atì, apùnì Isirael mene weak hagarì'lùgì mene atì heraksìlìk inoabùt hebelasumo re, Ala nen it weak hagatarek mene atì sagalogo legetsagalùk, Yesùt ebe eluguthikesik he, at ebe ninoe Etagepogot logolìk telninapì logouagalùk era'lu menhikomo werek atì.

MATÌÙT 3:6

Wìrìk he, yì weak tì weak hagatì lagaukwa mene hukalogo heraksikenem, i Yoretan ima pegalinapì lagaike.

LUKAT 3:10

Atì'nogo yogoisìkì lagaikomo, it apùnì apik amanogo nen he, mel yogosukwa: “Halok he, nit ninoabùt kì'nogo hagasusak,” ìlùk yogosukwama,

LAKSASIKE 10:43

At Yesùt hesik, it ap Ala ane yogoisìkì lagaukwa mene amanogo obogat en he, abok ìkì logolìk, mel isukwa: At ebe waganem he, it apùnì weak hagatarek mene inetaùken at oba hìpìrethogoin mene hùgì inebe lopok, it weak hagarì'lùgì mene atì, at Ala nen at Yesùt etage ba sagalogo legetsegein o, ìlùk yogoisìkì lagaukwa,” ìlùk at Peterùt en yogoisasike.

LAKSASIKE 13:38

“Nerùgì nagaiya'lak. Wene yì hinelurogo logoino o. At Yesùt Ala nen atì'nogo eluguthesike atì ba, hit weak hagatì lagep mene atì, at en sagalogo legetsoagalùk yogohisìkì lago atì.

EPESÙT 1:7

Atì'nogo wo'nisasikomo, ebe amep wulagasogo wasukwa atì ba, ninoko palogo telninapik, nit weak hagatì lagagu mene legetsìgìk, isike atì. At Ala a'la kagalek logolìk ninebe hùthinìlìk he, oabùt motok hano a'nogo nen, ninebe hùkorogo etawì'ninapike atì.