LAKSASIKE 2:32 - Ala Ane Wene Ket Mene Warogo Wo'ninapike Wene

³² Atì'nogo isike higit hogoat, at Yesùt Ala nenat eluguthikomo, nit ya obogat nineileken hogosik nineluat welago atì.

LAKSASIKE 2:32 ပူးပေါင်းရင်းမြစ်များ

LAKSASIKE 3:15

Ninelugu'ninaperek mene ero ebe at meneat he, hit en watepma Ala nen he, ebe eluguthikomo, nit nineileken eberogoat hogosik en yogohisìkì lago o.

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

LAKSASIKE 4:33

Atì'nogo ìkì logolìk he, it ap Yesùt en inebe weteberogo inayoko hìlìk laksasike mene amanogo nen, “Ninoe Etagepogot Yesùt eluk agama nineileken arat hogo o,” ìlùk inane motok omamerogo yogoisìkì lagaukwa. Yogoisiko kolek he, Ala oabùt hano a'nogo nen hùkorogo leberisìkì lagaike

LAKSASIKE 2:24

Watepma, at ebe heinet watì logolìk wa'laga meneat he, apùnì ineki hele warogo hisagare'ma welagaikarek atì hak, at atì'nogo warek motok logousak lek atì nen, ineki hele hikalogo wulaksagarek atì hak, Ala nen eluguthike atì.

YOHANET 15:27

At en an nabok atì'nogo iko kolek, hit hogo re, an hit ninom alebat en welagorek atì nen he, hit en an nabok pak hogo yogoisìkì logogunat o,” ìlùk yogoisasike.

LAKSASIKE 3:26

Ala nen he, wene atì waresike hak, hit weak hagatì lagep mene hinebe lopok hinapotma heraksoagalùk aput ebe hanothinabigin mene hit tak hinoba pelakhei wagaike atì,” ìlùk inasuk wasike.

LAKSASIKE 4:10

Ma re, wene atì hesik, hit obogat mel, apùnì inùkùl etage Isirael mene aike obogat mel, hinelu asuagalùk wene ero tùkùm hogo yogohisak. At Yesùt Karìsùt aua Nasaret mene hit en e ba menhìlìk watepma Ala nen eluguthike mene a'nogo etage ba ap yì hano agasik hineilhanem metek hano werek yì.

LAKSASIKE 5:30

Hit en Yesùt ebe hakhegesip e ba menogo hìlìk watep a'nogo, at Ala ninopalak en awe a'ma kìlìk hogoratì lagaukwa mene a'nogo nenat apotkwe eluguthikomo werek o.

LAKSASIKE 13:30

Warek atì'nogo kelakhesukwa meneat he, hobuk Ala nen eluguthesike atì.

1 KORÌTÙT 6:14

Ala nen he, ninoe Etagepogot wa'lagaikesi'mo nen eluguthesike hak, at omame ba, nit ninelugu'ninabiginat o.

1 KORÌTÙT 15:15

Nit en Ala abok ìkì logolìk he: “At en he, Karìsùt eluguthesikomo nineileken hasugu,” ìlùk yogoisogorek. Mene re, apùnì wa'larì'mo Ala nen inelugurinabigin lek logoilepma re, at Karìsùt elugutheilep legat o. Nen, at elugutheilep le'ma re, it aike nen he: “Hit en ìkì logolìk, Ala nen atì'nogo hagasikomo nineileken hasugu, ìlùk ìkì lagep atì re, hinera nenat lìbìlogo ìkì lagep,” ìlùk higirat yogoniselep o.

2 KORÌTÙT 4:14

Atì'nogo yogoisìkì logolìk, nina'la mel akìkì lago. At Ala nen he, ninoe Etagepogot Yesùt apotkwe eluguthesike atì hak, nit at ninom higit hogoat ninelugu'ninabìk he, hit ninomat Yesùt oba hina legein ìlùk ninelu.

KALATIA 1:1

Hit Ala againapùrì o Kalatìa atogotì lagep mene nerùgì nagaiya'lak. An Paùlùt nerùgì nagaiya'lak Ala againapùrì he'na o yoma ninom welago mene inebe obogat ninom en wene yì helal palogo hinoba lakhei wago atì. An nayoko hìlìk lakhani wagaikomo wagagi atì re, ero apùnì nen hùk. Ap aike wene oba warogo hìlìk lakhani wagaike hùgat o. We, at Yesùt Karìsùt ebe wa'lagaikomo opase Ala nen eluguthesike mene a'nogo eperak enat nayoko hìlìk lakhani wagaukwama wagagi atì.

KOLOSE 2:12

At Karìsùt wa'lagaikomo ebe warek salhukwa hak, hit ima pelakhinapì logolìk, hinom hutigat salhinapukwa o. Nen, at hinom hutik warek were'ma, Ala omame ba eluguthesike, ìlùk, hinetaùken at omame ba hipìrethesigip atì nen, ima nen yegelogo lìakhinapenem he, at hinom hutigat hineluguthinapike o.

IBERANI 13:20

Ninopase Ala lapulogo hinikerek mene a'nogo nen, ninoe Etagepogot Yesùt wa'lagaikesi'mo nen ebe eluguthesike. At ebe amep wulagasogo wasukwa atì ba, Ala nen wene motok logogin mene warogo wo'ninapikesik, nit obogat Yesùt en ako topa negen se'nisek logouagalùk ebe menhesike atì.

1 PETERÙT 1:21

Ebe wa'lagaikesi'mo Ala nen eluguthìlìk hogoratì logouagalùk menhesikomo, hinetaùken Ala ba hìpìrethìlìk, “Hobuk at en hano'ninabigin,” ìlùk oba eberek welagep atì.