LAKSASIKE 2:23 - Ala Ane Wene Ket Mene Warogo Wo'ninapike Wene

²³ Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

LAKSASIKE 2:23 ပူးပေါင်းရင်းမြစ်များ

LUKAT 22:22

Yoko lamo an abat ta'lasi wagagi a'nogo at Ala nen he. At wasuak, ìlùk akasike higit hogoat noasugun meneat he, ap an noasuagalùk yoko legein mene atì nek he, netawì e. Weak asigin o,” ìlùk yogoisasikomo re,

LAKSASIKE 4:28

Mene re, wene atì, hat heki omame werek mene nen, ha'la nen he, Atì'nogo hagasuak, ìlùk akasigin obaat, atì'nogo hagata atì.

LAKSASIKE 3:18

Hageat Ala nen he, An nen telhinabigin mene Karìsùt hinoba lakhei wesigin atì, ebe yì aik tì aik oba hìlìk wasugunat o, ìlùk wene wa'nisasike mene atì, ebe it ap at ane yogoisìkì lagaukwa mene amanogo inebe obogat en ìkì lagaukwa atì hagat haga'lasuagalùk haga'laga atì.

1 PETERÙT 1:20

Karìsùt, Ala nen kweang pogot oan elalhì'lek logolìk, a'la akalùk ayoko hesikesik welagaikesik en, ebe yogotak o wùrep oba hit hesik weinam hogo lakhei wagaikomo hinebe telhinapike atì.

LAKSASIKE 13:27

Wene lakhei waga mene atì, it apùnì o Yerusalem mene inogogì kaintek inom enat he, Yesùt ebe hùthìgì'lek. Hùthìgì'lek logolìk, hageat en it ap Ala ane yogoisìkì lagaukwa mene amanogo nen wene halal waganogo hesukwa mene were'ma, sapan ninhùp-nanhùp ìkì logolìk etage salhenem inasuk holharek meneat he, wene ebe hùthìgì'lek. Atì'nogo hùthìgì'lek logolìk, Yesùt ùkùm oba hìlìk ebe wasukwa atì ba, wene hageat isukwa mene atì ebe agaike atì.

MATÌÙT 26:24

An abat ta'lasi wagagi a'nogo, hagasigin mene helal waganek werek higit hogoat hagasigin meneat he, at ap nebe noasuagalùk yoko legein mene atì nek he, eigo. Motok weagat asigin o. At ap atì ta'la'lep le'ma re, hanoat logoilep mene,” ìlùk yogoisasikomo,

ÙRÙM 4:17

Wene atì hesik Ala nen Aberaham mel yogosike: “Yì apùnì tì apùnì inùkùl etage apigat inopase re, hat menhagagì o,” ìlùk yogosikomo helal waganogo hesukwa. Atì'nogo yogosikomo re, at Aberaham a'la nen he, “At Ala re, apùnì warek mene inelugurinapìk, nen, yì mene tì mene lek mene ane ba weregethìgìk, ikerek mene nen abok yogonete atì eberogoat yogonete o,” ìlùk etaùken oba hìpìrethesike atì.

LAKSASIKE 5:30

Hit en Yesùt ebe hakhegesip e ba menogo hìlìk watep a'nogo, at Ala ninopalak en awe a'ma kìlìk hogoratì lagaukwa mene a'nogo nenat apotkwe eluguthikomo werek o.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

LAKSASIKE 15:18

atì'nogo ninelu asuagalùk hageat yogonisasikomo, helal waganogo hesukwa atì.

LUKAT 24:20

it ap Ala esewerek mene inogogì kaintek mel, nit ninogogì kaintek mel, inom en ùkùm oba hìlìk e ba menhìlìk wasuagalùgat ineki ba hagama wata o.

LUKAT 22:37

An haga'nabugun mene hesik helal waganogo hìkì logolìk he, At atì apùnì inoabùt weak hagatarek mene inom higit hogo hagarinapa o, ìlùk isukwa atì, an noba higit asusak meneat yogotak higit arìk wìrì'logo atì nen yogohisìgì o,” ìlùk yogoisasikomo,

LAKSASIKE 7:52

It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

YOHANET 19:24

it-it aike nen aike yogotì logolìk he, “Su yì paluok lek o. We, sa hak helegein ìlùk oageke lakhouok o,” ìlùk isukwa. Atì'nogo isukwa atì re, Ala ane helal waganogo hesukwama, mel werek: “An nasu nokolek sùpùrìlìk he, nasu etakwe mene helùogolùk oageke lakhaga o,” ìlùk isukwa mene helal waganogo hesukwa mene werek higit hogoat, it ap tentara mene nen atì'nogoat hagasukwama ebe agaike atì.

1 PETERÙT 2:8

Nen, aike mel isike: “Apùnì helep atì ba inesok a'lip temuk hogo warìlìk, tukwak hogo laga logogun o,” ìlùk isike. Atì'nogo tukwak hogo laga logogun atì re, it en hano wene atì, “Eberogoat,” ìlùk hùthogoin lek atì nen, Ala nen akasike hagat, warìlì'lùgì atì.

MATÌÙT 20:19

Ùkùm noba hìlìk he, it ap etakwe mene nen inane kerethìgìk yogonetìk, tùgì labìsake noatìk, ìlìk he, nebe e ba menhanìlìk noasuagalùk wogisogoin o. Nen, arat noatenem, neki pìre warek logopik en he, Ala nen nelugu'nabigin o,” ìlùk yogoisasike.

MATÌÙT 27:35

Atì'nogo hagasukwasik he, at ebe e ba menhìlìk asu nokolek amanogo, “Sanì hak asugun,” ìlùk, oageke lakhìgìk, wakhìgìk, isukwasik he, oageke inoba agaike mene hùgì sùpùrogo helasukwa.

MAREKÙT 15:24

Yesùt ebe arat e ba menhesukwasik he, asu nokolek amanogo inebe lopok, Sanì hak asugun, ìlùk, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

LUKAT 23:33

Wogisek he, tom ùkùl etage Inùkùloak palek ùkùl oba wagaukwasik, at Yesùt ebe e ba menhìkì logolìk he, ap inebe pìre inoabùt motok weak hagatì lagaukwa mene aike eki ebekwe, nen aike eki peikkwe, menhisìlìk inom inoasukwaat.

YOHANET 19:18

Wagamkwasik he, atoma Yesùt ebe e ba tùlem menhìlìk he, it ap aike hunigat mene inom abel he'na-he'na menhisasukwa.

LAKSASIKE 2:36

At Yesùt ebe re, hit en e ba menhìlìk watepma, at Ala nen he, Hinoe Etagepogot Karìsùt ebe yìat, ìlùk menhike atì. Halok he, hit apùnì Isirael mene obogat en he, Wene atì eberogoat, ìlùk hinelurogo logoino,” ìlùk yogoisasike.

LAKSASIKE 5:28

“Hit en up atì etage palogo nen wene yakùlisagùp o, ìlùk nit en hinasuk hanorogo wato a'nogo meneat he, hit en wene atì wìak hogo yakùlisìkì lagepma re, apùnì o Yerusalem mene yoma obogat inelu aga atì re, at ap atì wata atì, ùkùm nit ninoba houogolùk ìkì lagep hìgì,” ìlùk yogoisasukwa.

ÙRÙM 2:12

It apùnì etakwe mene wene Ala nen ninasuk wasike wene a'nogo inokot logolìk weak hagataresi'mo nogo nen he, wene atì inokot logolìgat nong asugun o. Meneat he, it apùnì Yahuri mene wene atì inelu logolìk weak hagataresi'mo nogo nen he, wene atì ba inanema waganogo ùkùmm inoba hegein o.

1 TESALONIKA 2:15

It ap Yahuri mene nenat, it ap hageat Ala ane yogoisìkì lagaukwa mene inebe inoatìk, ninoe Etagepogot Yesùt ebe watìk, isukwa hagat, nit yì aik tì aik haga'ninabì'lùgì atì, Ala nen hano ìlùk akikerek lek. Apùnì inom weak enek hagatì logolìk,