LAKSASIKE 2:22 - Ala Ane Wene Ket Mene Warogo Wo'ninapike Wene

²² Mene re, hit Isirael mene nerùgì nagaiya'lak. An nane igin yì holini. Yesùt aua Nasaret mene a'nogo Ala nen ayoko hesikomo, ninom logolìk, wane hùthoagalùk hagasusak lek mane Ala nen eki omamerogo elalinat hagatì lagaike atì re, ebe Yesùt enat hagatì lagaike. Halok he, Yesùt Ala nen lakhei wagaikomo, ìlùk enagat agaike atì hinelu.

LAKSASIKE 2:22 ပူးပေါင်းရင်းမြစ်များ

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

LAKSASIKE 4:10

Ma re, wene atì hesik, hit obogat mel, apùnì inùkùl etage Isirael mene aike obogat mel, hinelu asuagalùk wene ero tùkùm hogo yogohisak. At Yesùt Karìsùt aua Nasaret mene hit en e ba menhìlìk watepma Ala nen eluguthike mene a'nogo etage ba ap yì hano agasik hineilhanem metek hano werek yì.

LUKAT 11:20

Meneat he, an nen Ala omame atì ba mokareke oabùt weak mene atì henogo wulaksìkì lagì halok he, Ala awe a'ma hisegein atì arat hinoba hakok i waga o.

MATÌÙT 12:28

Meneat he, an nen nopase Areagùn omame ba mokareke inoabùt weak mene atì apùnì ina'la kìlìk were'ma henogo wulaksìkì lagì halok he, Ala nen awe a'ma hisegein a'nogo arat hinoba hakok i waga o.

MATÌÙT 9:8

Atì'nogo hagasikomo re, it apùnì amanogo ineileken hasukwasik inayùk arìk he, “Ala nen apùnì mene nen yì'nogo hagatì logouagalùk menhesikomo atì nayù e,” ìlùk, Ala hogorasukwa.

IBERANI 2:4

Wene atì yogoisìlìk nikenem he, it apùnì aike nen, “Wene atì eberogoat,” ìlùk hùthoagalùk, Ala nen inane legerogo yì mene tì mene hagasusak lek mene elalin omamerogo hagatìk, at a'la walok meneat higit hogo inoabùt lopok Areagùn sùpùrogo wogisìgìk, isike mene atì, nit en ninobaken nene heraksogoin halok he, herakhinegein akegep a? Weaga'ninabiginat o.

2 KORÌTÙT 12:12

Hit en he, “Paùlùt he, Karìsùt en ayoko hìlìk lakhei wagaikomo,” ìlùk enagat hùthanuagalùk, an ninom logolìk yì hesik tì hesik nepe morogo hagato were'ma, apùnì nen hùthoagalùk, Ala nen omamerogo yì mene tì mene elalinat hagatì lagaike.

LAKSASIKE 26:26

“Agarìpa noe. Wene yì obogat hat helu atì nen, an hat heilhanem nayù'lek hogo ìkì lagì. Wene atì, o hinagoma haga'lagì'lek. We, weinamma haga'lagaike atì nen, wene atì aike hat hokot welagen, ìlùk na'la akìkì lagì lek o.

LAKSASIKE 26:9

“An alep he, Yesùt aua Nasaret mene etage atì lek asuagalùk yì mene hagatìk, tì mene hagatìk, hagatì logoginat o, ìlùk na'la akasigi.

LAKSASIKE 24:5

Ap yì nen he, apùnì weagarinabìk nikenem, oabùt palho. It apùnì ap Nasaret mene a'nogo opolik lìlì'lùgì mene inoe kain logolìk he, apùnì Yahuri mene o yì awì tì awì welagaikarek mene obogat ina'la menerìk niko.

LAKSASIKE 22:8

Atì'nogo yogonesikomo, an nen he, Eige. Noe. Hat sa, ìlùk yogosigimo, at en he, An Yesùt, nawì Nasaret mene, yì aik tì aik haga'nabigìlùk mù'narek nìkì lagen mene a'nogoat o, ìlùk yogonesike.

LAKSASIKE 21:28

Hakhesukwasik he, “Ap Isirael mene a! Nit werekwe a'ni a! Ap yì nen apùnì o yì awì tì awì yakùlisìlìk nìkì logolìk he, nit apùnì Isirael mene nen hagatorek mene atì weak ìlùk, hunik mene yakùlisìgìk, wene Ala nen ninasuk wasike wene a'nogo weak ìlùk, hunik mene yakùlisìgìk, o Ala awì wùrìk yì abok weak ìgìk, ìlìk niko mene a'nogo ebe yìat a! Yogotak ap Yunani mene wogisek Ala awì wùrì'mo ki wagasik, o Ala okawerek awì wùrìk weagathikomo yì a!” ìlùk inane hùkorogo kwe isukwa.

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

LAKSASIKE 13:16

at Paùlùt ebe melarìk he, wene yogoisagalùk eki map isike. Eki map ìlìk he, “Hit apùnì Isirael mene mel, etakwe mene Ala ane hologo hagatì lagep mene mel, nerùgì nagaiya'lak. Wene igin atì hinasuk holino o.

LAKSASIKE 6:14

Nen, at en ìlì'logo aike re, Yesùt aua Nasaret mene a'nogo nen, Ala awì wùrìk yì mesalogo hìlìk he, wene at Musa nen ninopalak yakùlisasikomo, nit hagatì lago mene a'nogo, hobuk hùnogoat hagasigin o, ìlùk ikenem ninasuk holho o,” ìlùk isukwa.

LAKSASIKE 5:35

Atì'nogo yogoisasikomo, wulaksasukwama nen, at en wene mel yogoisasike: “Hit ap Isirael mene nagaiya'lak. Ap atì nìkì'nogo hagarinabugun akegep. Hina'la hanorogo ebethìlìk en hagasusak o.

LAKSASIKE 3:12

Atogosukwama re, at Peterùt eileken isìlìk he, mel yogoisasike: “Hit apùnì Isirael mene yì sanì. Ap yì kwe niko yì, nit ninokawerek ninomame ba hagatìk, ninoabùt hano Ala ane hologo hagatì lago ba, hagatìk, ogo salek, hit hogoratìk, hineileken lùrogo nisìgìk, ìkì lagep ama nahalok.

YOHANET 19:19

Atì'nogo menhisasukwama re, at Pilatùt en he, helal mel ìlùk wanhìke: “Yesùt awì o Nasaret mene apùnì Yahuri mene inoe etagepogot,” ìlùk helal waganogo wogisasikomo re, e Yesùt menhesukwa a'nogo oba te'mek hogo hesukwa.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

YOHANET 12:17

Nen, at Lasarùt warek salhukwasi'mo nen he, at Yesùt en waesikomo ebe eluk agaikesik wùlìbi waganem, it apùnì ineileken hasukwa mene amanogo nen, it he'nakìt yogoisìkì logolìk,

YOHANET 11:47

Atì'nogo yogoisa lagaukwama re, it ap Ala esewerek inogogì kaintek mel, Parisi mene mel en he, it ap wene Ala hesik ero pìlìngìtarek mene waisasukwama wagaukwama re, mel yogoisasukwa: “At ap atì ebe hùthoagalùk elalin mene apik hagarì'logo atì re, nit en nìkì'nogo hagasuok akegep.

YOHANET 10:37

An nopase nen he, Tì'nogo hagatì logoino, ìlùk, nayoko hìlìk lakhani wagaike mene, ebe hagatì'lek logoilema re, hit en nebe hùthanìlìk hinetaùken noba hìpìrethousak mea o.

YOHANET 9:33

Ap atì Ala nen lakhei wagì'lek logoilepma re, at en yì hagatìk, tì hagatìk, hagaterek atì'nogo hagatì logoilep lek o,” ìlùk yogoisìkì lagaikomo,

YOHANET 7:31

It aike nen hakhouogolùk ìkì lagaukwa meneat he, it apùnì apik amanogo inebe heta logolegat inetaùken Yesùt oba hìpìrethesukwasik mel isukwa: “Ap arì elalin mene hagate re, mea akegep? Nen, apùnì telninabuagalùk Ala nen lakhei wesigin isike a'nogo wìrìk he, ebe hùthoagalùk elalin mene hùkoat hagasigin nogo? Lek o,” ìlùk isukwa.

YOHANET 6:27

Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

YOHANET 6:14

Atì'nogo kalogo hesukwama, at Yesùt en ebe hùthoagalùk elalinat hagasike mene atì, it apùnì ineileken hasukwasi'mo nogo nen be, mel isukwa: “Ap aike nen Ala ane kweangma yogonisa wesigin isukwa a'nogo eberogoat he, ebe yìat o,” ìlùk isukwa.

YOHANET 5:36

an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.

YOHANET 4:48

at Yesùt en he, ap kain a'nogo mel yogosike: “Hit apùnì yoma hinoabùt he, an nen hit hinelu asuagalùk elalin mene aike hagatenem hineileken nììlìk enek he, hinetaùken noba hìpìrethousak hisìkì lagì. Elalin mene hagatì'lek halok hinetaùken noba hìpìrethousak lek hisìkì lagì o,” ìlùk yogosikomo,

YOHANET 1:45

Opolik laga logolìk, at Pilipùt a'nogo hobuk ap Nataniel eperak apì arìk, mel yogosike: “Nataniel. At Musa nen wene Ala nen ninasuk wasike wene a'nogo ba, ap aike abok ìkì logolìk helal wanhìk, nen, it ap Ala ane yogoisìkì lagaukwa mene amanogo nen abok ìkì logolìk helal wanhìk, isukwa mene a'nogo, nit arat ninom apì ago. At ebe re, Yùsùp aput o Nasaret mene Yesùt at o,” ìlùk yogosike meneat he,

LUKAT 24:18

Melarìk he, it aremnogo, at aike etage Keleopat en he, mel yogosike: “Wene age yìat haga'laga atì, it ap pok o Yerusalem wìrìk elama hesik werek mene he'nakìt obogat inelu meneat he, hat yì nek he, hokot welagenma hìgì,” ìlùk yogosikomo,

MATÌÙT 2:23

Wagaikesik he, o kota etage Nasaret atì ki wagaikesik, atomaat kamo isike. Atì'nogo hagasike atì re, it ap Ala ane yogoisìkì lagaukwa mene nen ìkì logolìk, “At ap a'nogo awì Nasaret mene ugun o,” ìlùk isukwa higit hogoat haga'lagaike atì.

LAKSASIKE 2:19

Nen, apùnì nen hogoratì logouagalùk, elalin mene pogot oba po yì ba hagatìk, wene hùthoagalùk kweangma ma yoma hagatìk, ìkì logolìk, yì mene tì mene oba, mep mel, etu mel, age etu hule hake mel, hagasigin.

LAKSASIKE 2:43

Apùnì nen wene hùthoagalùk, it ap Yesùt en inebe weteberogo inayoko hìlìk laksasike mene amanogo nen hagasusak lek mene elalinat apik hagatenem he, apùnì inebe lopok inayùk aga lagaike.

LAKSASIKE 3:6

Eileken inoba were'ma re, at Peterùt en mel yogosike: “Uang emas mel, perak mel, an nekimo motok lek o. We, an werek mene aike wokhesigin. Atì re, hebe mela'lùk kwe nìkì logoinogolùk, Yesùt Karìsùt aua Nasaret mene etage palogo yogohetì,” ìlùk yogosike.

LUKAT 18:37

Hinok wanhikomo, it en he, mel yogosukwa: “Yesùt awì Nasaret mene a'nogo kwe yìkwe wìrì'logo nen ìlì'lùgì o,” ìlùk yogosukwama,