LAKSASIKE 18:9 - Ala Ane Wene Ket Mene Warogo Wo'ninapike Wene

^9-10 Atì'nogo hagasukwama, ineki aike o hùako ninoe Etagepogot en Paùlùt abìkakan oba wene mel yogosike: “Hayùk agùn. An setharek motogat welagì. O yoma an nagainapùrì inebe apigat were'ma re, apùnì aike nen weagathabuogolùk yì'nogo tì'nogo aike hagathabugun lek o. Halok he, kamo ìgì'lek wene yogoisikoat logoino,” ìlùk yogosike.

LAKSASIKE 18:9 ပူးပေါင်းရင်းမြစ်များ

LAKSASIKE 23:11

Atì'nogo yogoisasikomo wolok kisukwama re, o atì sat hùako, ninoe Etagepogot Paùlùt era'lu melasi kìlìk he, mel yogosike: “Hat en he, wene an hesik o Yerusalem yoma pak hago yogoisegen atì hak, hobuk o Ùrùm atoma atì'nogoat pak hogo yogoisa legeinat atì nen he, hetaùken hapuk hogo logomo o,” ìlùk yogosike.

LAKSASIKE 16:9

Wagaukwasik logolìk, hùako Pùlùt abìkakan mel hasike. Ap o Maketonia mene aike metek logolìk he, “Hat en nit apùnì Maketonia mene yoma lebe'nisa wùlìbi me o,” ìlùk a'la kagalogo yogotenem abìkakan hasike.

1 TESALONIKA 2:2

Hit hinoba oan wagì'lek, o Pilipi atoma were'ma, apùnì atoma mene nen ina'la mea'nisìlìk yì aik tì aik haga'ninapì lagaukwa. Ati'nogo meneat he, ninopase Ala nen ane hano wane a'nogo ninayù'lek hogo yogohisa wesuagalùk haga'ninapikomo wagagusik yogohisiko were'ma apùnì apigat en, “Wene atì ninabìt,” ìlùk, iko kolegat, ninomamerogo yogohisìkì lagagu a'nogo, hineluat o.

LAKSASIKE 22:18

Nabìkakan oba, ninoe Etagepogot en he, Hat en, heileken an neegen mene atì mel, hasuk holhen mene atì mel, apùnì o yoma mene pak hogo yogoisikenem, hane inasuk holugun motok lek o. Halok, o Yerusalem yoma nen hepok wùlìbino, ìlùk yogonesikomo, nabìkakan oba hasigi.

LAKSASIKE 9:10

Werek kolek, o Tamìsìk atoma ap aike ninoe Etagepogot Yesùt ane wanhike mene etage Ananiat welagaike. Were'ma, ninoe Etagepogot en he, abìkakan oba mel yogosike: “Ananiat,” ìlùk ane hakhikenem, at en he, “O? Noe. Nebe yì welagì,” ìlùk isike.

1 KORÌTÙT 9:1

An nalepma welagìrek lek nogo? At Ala nen nayoko hìlìk lakhani wagaike lek nogo? Ninoe Etagepogot Yesùt ebe an neileken hìgì'lek nogo? Ninoe Etagepogot neperak hutik logolìk hagatì mene, hinebe welagep atì lek nogo?