LAKSASIKE 18:7 - Ala Ane Wene Ket Mene Warogo Wo'ninapike Wene

⁷ it o atoma heraksalùk wùlìbìk he, ap etakwe mene Ala ane wanhike mene etage Tìtìùt Yùsìtùt atì aua lagaike. At aua atì re, o it apùnì Yahuri mene sapan ìkì lagaukwa ba era'luat wùrìk welagaike.

LAKSASIKE 18:7 ပူးပေါင်းရင်းမြစ်များ

LAKSASIKE 16:14

Hìmì wene yogoisasugu mene atì, he aike aua o Tiatira mene. Su kain elokoken e eken warek hake mene it aike inoba oko hùkoat wanhì lagaike mene, etage Lìrìa atì nen Ala ane wanhikesik Yahuri mene negen were'ma, wene Paùlùt en ikenem hano wanuagalùk, ninoe Etagepogot en a'la kagalhikomo, wanhike.

KOLOSE 4:11

At Yùsìtùt, etage aike Yesùt a'nogo nen, hai wathinapeat o. Inogat inekalìma mene palek mene re, inebe hìnagan atem enek Ala awe a'ma logogun wene a'nogo ninom en yogoisìkì logolìk lebe'niikenem na'la hano arì'logo.

LAKSASIKE 17:4

Atì'nogo yogoisasikomo re, it apùnì o'moko nen, “Eberogoat,” ìlùk wene atì wanhukwasik, it Paùlùt Silat werekwe asi lagaukwa. Atì hagat, it apùnì Yunani mene Ala ane wanhukwasik inebe Yahuri mene negen welagaukwa mene logolegat it werekwe asi lagìk, hìmì kaintek mene inebe apigat it werekwe asi lagìk, isukwa.

LAKSASIKE 13:42

Wene atì'nogo yogoisalùk wùlùpenem, it apùnì amanogo nen he, “Sapan hobuk ugun atì ba, wene atì aike inom lagak hogo yogonisasak o,” ìlùk Paùlùt Parenapat eperak yogoisasukwa.

LAKSASIKE 10:22

Atì'nogo yogoisasikomo, it en he, “Ap tentara mene esa logolharek mene inoe kain etage Korenelìùt, atì nen lakhina wagama wago. At atì oabùt higit hogo hagatìk, Ala ebe ayùk hogo welagìk, ikenem, it apùnì Yahuri mene obogat en oabùt palharesik he, atì'nogoat abok hano egarek. At ati atì'nogo hagatenem, malaikat Ala nen yoko pelaksa wagarek mene amanogo aike nen he, Peterùt atì nen wene hat hasuk holusak mene yogohesigin werek o, ìlùk hat hayoko lakhina wesuagalùk yogotomo, at en lakhina wagama hoba wago o,” ìlùk yogosukwa.

LAKSASIKE 10:2

At Ala ayùk hogo logolìk againapùrì inom en hogoratì lagaukwa. Logolìk he, it apùnì Yahuri mene amanogo aike inekimo lek inelageik mene hùkorogo leberisìkì logolìk, sapan kamo ìgì'lek iko motok welagaike.

YOHANET 9:31

Apùnì weak hagatarek mane Ala nen inane asuk holherek motok lek atì, nit ninelu o. We, apùnì Ala inayùk hogo logolìk, at a'la akikerek mene higit hogo hagatarek mene halok, inane Ala asuk holherek o.

LAKSASIKE 13:43

Yogoisasukwama, it sapan ìkì lagaukwa ba nen wùlùpukwasik laganem he, it apùnì Yahuri mene mel, etakwe mene Ala ane wanhukwasik Yahuri mene negen welagaukwa mene mel, inebe logolegat inopon lagaukwa. Lagaukwama, it Paùlùt Parenapat eperak en he, mel yogoisasukwa: “Ala oabùt hano nen haga'ninaperek mene atì, hinetaùken tùlem logolìk hagatì logoino o,” ìlùk inasuk wasukwa.

LAKSASIKE 13:50

Atì'nogo ukalarìk wùlùpenem he, it apùnì Yahuri mene nen he, hìmì ap etakwe mene inagagwì kaintek Ala ane wanhukwa mene mel, it ap o kota atoma inetagewerek kaintek welagaukwa mene mel, inom en Paùlùt Parenapat eperak mùgisoagalùk ina'la kagalhukwa. Atì'nogo ina'la kagalhukwama re, it en he, “Hit nit ninaua yoma logousak lek o,” ìlùk mùk hogo wulaksasukwa.