LAKSASIKE 18:5 - Ala Ane Wene Ket Mene Warogo Wo'ninapike Wene

⁵ Ina'la kagalhenem he, it Silat Timotìùt eperak o Maketonia nen wagaukwama re, at Paùlùt hùnogo mene aike hagatì'lek, we, wene atìat yogoisiko motok welagaike. It apùnì Yahuri mene mel yogoisasike; “Ala nen he, Karìsùt lakhei wesigin ìlùk wene wa'nisasike a'nogo re, ebe Yesùt wagaike atìat o. An nelu,” ìlùk pak hogo yogoisìkì lagaike.

LAKSASIKE 18:5 ပူးပေါင်းရင်းမြစ်များ

2 KORÌTÙT 5:14

At Karìsùt nit ninebe etawì'ninaperek atì nen ha'nisek welagarek. At aligat nit obogat hesik wa'lagaike atì. Halok he, nit obogat wa'lagaguat o, ìlùk hùthìkì lago.

LAKSASIKE 18:28

Leberisìkì logolìk, it Yahuri mene inom apùnì ineilhanem wene palhì logolìk he, at ane yakoksek atì nen, it inane mabenetsìlìk, at ane omame agaikesik he, Ala ane helal waganek a'nogo ba yogoisìkì logolìk he, “Ala nen he, Karìsùt lakhei wesigin ìlùk wene wa'nisasike a'nogo, ebe Yesùt lakhei wagaike atìat o,” ìlùk pak hogo yogoisìkì lagaike.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

LAKSASIKE 17:3

Ala ane helal waganek a'nogo ba sekek hogo yogoisìkì logolìk, mel yogoisìkì lagaike: “At Karìsùt Ala nen lakhei wesigin ìlùk isukwa a'nogo re, yì aik tì aik hìlìk hìlìk wa'larìk en, eluk asigin, ìlùk isukwa. It isukwa atì hagat, at Yesùt hagasike wene abok yogohisìkì lagì mene yì, hagasusak higit hogoat hagasikomo. Ala nen lakhei wesigin ìlùk isukwa atì, ebe re, Yesùt atìat o,” ìlùk yogoisasike.

LAKSASIKE 9:22

Hogorato kolek he, at Saùlùt en, ane omamerogoat ina'la kagalhì logolìk, mel yogoisìkì lagaike: “Ala nen he, Ap aike telhinabuagalùk lakhei wesigin, ìlùk wene wa'nisasike a'nogo ebe re, Yesùt atìat o,” ìlùk pak hogoat yogoisikenem, eberogoat agaikomo re, it apùnì Yahuri mene o Tamìsìk welagaukwa mene atoma nen oko nena u heat inoake palaga lagaike.

PILIPI 1:23

An hagasusak mene wene pìre werek atì nen, netaùken pìre arì'logo. An wa'larìk he, Karìsùt neperak logoumo hano. Ebe hano motok atìat o.

LAKSASIKE 2:36

At Yesùt ebe re, hit en e ba menhìlìk watepma, at Ala nen he, Hinoe Etagepogot Karìsùt ebe yìat, ìlùk menhike atì. Halok he, hit apùnì Isirael mene obogat en he, Wene atì eberogoat, ìlùk hinelurogo logoino,” ìlùk yogoisasike.

1 PETERÙT 5:12

An nen wene horoat atì hinasuk warogo hinoba lakhei wesigìlùk he, helal wanuagalùk an nagot Ala aput Silat oabùt hùpùnsek hìgìrìk he, ayoko hìgìma wanhomo hinoba lakhei wagì atì. Ala oabùt hano nen haga'ninabì'logo mene ebe yìat ìlùk, an nelu logolìk eberogoat yogohisìgì o. Halok, hinetaùken atì baat hìpìrìk logolìk, ning hogo metek logoino, ìlùk wene helal waganogo hinoba lakhei wagì atì.

1 TESALONIKA 3:2

Werek kolek he, at ninagot Timotìùt, hano wene Karìsùt hagasike wene a'nogo ninomat, Ala hesik yogoisìlìk nìkì lago mene a'nogo, apùnì nen yì aik tì aik hagathinabì'lùgì atì nen, hit hinetaùken Karìsùt oba hìpìrethesigip mene abolok inogo ìlùk, hinetaùken ago wathinapìk, hinasuk watìk, ìkì logouagalùk hinoba lakhei wago atì o. Yì aik tì aik hagathinabì'lùgì atì, Ala nen wena'ninapì logolìgat, “Atì'nogo hagathinapì logogun,” ìlùk isike hagat haga'ninabì'lùgì atì, hineluat o.

LAKSASIKE 16:9

Wagaukwasik logolìk, hùako Pùlùt abìkakan mel hasike. Ap o Maketonia mene aike metek logolìk he, “Hat en nit apùnì Maketonia mene yoma lebe'nisa wùlìbi me o,” ìlùk a'la kagalogo yogotenem abìkakan hasike.

LAKSASIKE 16:1

Paùlùt lak o atoma nen o Terebe wagaukwasik he, hobuk o Lisitera wagaukwa. O Lisitera atoma ap aike etage Timotìùt, Yesùt ane wanhike mene were'ma wagaukwa. Agosa atì'nogoat Yesùt ane eberogoat ìlùk wanhike mene, ebe Yahuri mene. Meneat he, opase nek he, Yunani mene.

LAKSASIKE 15:22

Wene atì'nogo isukwasik he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì serisek welagaukwa mene amanogo mel, Ala againapùrì aike atogorek welagaukwa mene obogat mel, inom en wene mel ìlùk palhukwa: “Ap nit mene aike weteberogo inayoko hìlìk, Paùlùt Parenapat eperak inom o Atiokia loak en he, laksùok o,” ìlùk isukwa. Atì'nogo isukwasik he, it Ala againapùrì aike nen, at Yurat etage aike Parasapat atì ho, Silat atì ho, “Inoabùt hano,” ìlùk akìkì lagaukwa mene nen, helal waganek atì inekim wolok loagalùk inayoko hesukwa.

LAKSASIKE 10:42

Atì'nogo logolìk he, nit en apùnì wene yogoisìlìk laga logolìk he, Apùnì obogat, wa'lagaukwa mene mel, ineluk werek mene mel, ùkùm inoba hìgìk, kotìk, uagalùk, Ala nen Yesùt at menhesike, ìlùk, tùkùm hogo yogoisìlìk laga logouagalùk ninayoko hesike.

YOHANET 15:27

At en an nabok atì'nogo iko kolek, hit hogo re, an hit ninom alebat en welagorek atì nen he, hit en an nabok pak hogo yogoisìkì logogunat o,” ìlùk yogoisasike.

YOHANET 10:24

it ap kaintek Yahuri mene era'lu atogosi wagaukwasik he, mel yogosukwa: “Ninalabut hìrìk werek kolek herakhinanhì lagen yì, ninalabut siok hogo, hùlì nineki kì ba nen yogonisegein. Ala nen Karìsùt ayoko hìlìk lakhei wesigin isike a'nogo, hebe harat halok he, pak hogoat yogonisan o,” ìlùk yogotì lagaukwama,

YOHANET 3:28

Ap atì nen apùnì telinabuagalùk Ala nen ayoko hìlìk lakhei wesigin isike a'nogo re, an he, lek meneat he, at hobuk wesigìlùk an alebagìk lakhani wagama wagì o, ìlùk, yogohisikenem hit arat hinasuk holhì lagagip akìgì.

YOHANET 1:41

Yesùt opolik lìlìk inom welagaukwasik he, at Atereat atì tak oe Simon a'nogo herarìk lagaikesik, eperak apì agaukwasik he, mel yogosike. Nit ninane ba Karìsùt apùnì telninapùkwe Ala nen ayoko hìlìk lakhei wesigin isike a'nogo u hak he, it inane ba, Mesiat ìlùk, “Mesiat a'nogo nit arat ninom apì ago,” ìlùk, yogosike.

LUKAT 12:50

Apùnì yoma ima pelaksìlì'lùgì hake, an yì aik tì aik haga'nabugun mene re, oan werek kolek, na'la weak welagì.

LAKSASIKE 16:12

Wùlìbi wagagusik o atoma nen he, o kota Pilipi wagagu. O propinsi hùko Maketonia atoma ebe hùlì palek were'ma re, alebagìk ineki wenatì lagaukwa ba, o kota Pilipi atoma it apùnì o Ùrùm mene nen hagisek logolìk wusi lagaukwasik welagaukwa ba, wagagu atì. O atoma wagagusik he, nineki hamùlùgat welagagusik,

LAKSASIKE 20:23

Atì'nogo nokot meneat he, an o kota aike nen aike lagìk ìgìrek atoma obogat at Ala Areagùn nen he, Heki hele watìk, yì aik tì aik hoba hìgìk, ugun o, ìlùk yogoneterek atì nek nelu o.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

2 KORÌTÙT 1:19

At Ala aput Yesùt Karìsùt, an nebe nen yakùlhisìgìk, Silat en yakùlhisìgìk, Timotìùt en yakùlhisìgìk, isugu mene a'nogo oabùt he, “Ì o,” ìlìk en, “Lek o,” ìlùk ikerek lek. Ala nen, “Ì o. Wokhisegein,” ìlùk abok yogonisa hak, Yesùt ebe wo'nisasikomo werek atì.

2 KORÌTÙT 11:9

An hit ninom logolìk uang lek en, hit en aike wo'nesuagalùk kino hinoba sabelhì lagì'lek o. We, atì'nogo were'ma, it ap nagaiya'lak o Maketonia mene wagaikasik elogat wo'nesi wagaika atì nen, yì hesik tì hesik hit hinoba ekinetheinogo ìlùk, akasigisi'mo re, kino yognhisìgì'lek welagagisik hobuk atì'nogoat motok hagatì logogin o.

1 TESALONIKA 3:6

Nen, at Timotìùt hinoba lakhei wagìma wagasik a'naga, yogotak apotkwe ninoba wagasik he, hit hinetaùken Karìsùt oba hìpìrìk logolìk, apùnì aike hinetawìrogo hagatì lagep mene atì yogonisìgìk, nit en: “It ninom apì a'lo e,” ìlùk walok akìkì lago hak, hit en atì'nogoat ninoba eberek motok logolìk, “It inoabùt hano a'nogo ninom api a'lo e,” ìlùk, akìkì lagep mene atì, yogonisa wagama re, nina'la hai hakìkì lago.