LAKSASIKE 18:4 - Ala Ane Wene Ket Mene Warogo Wo'ninapike Wene

⁴ Atì'nogo kato inom logolìk, ninhùp-nanhùp Ala hesik ineki welegat logolìk sapan uogolùk ikenem, o apùnì Yahuri mene sapan ìkì lagaukwa ba kìlìk he, it apùnì Yahuri mene lek, Yunani mene lek, Yesùt ane wanuagalùk ina'la kagalhì lagaike.

LAKSASIKE 18:4 ပူးပေါင်းရင်းမြစ်များ

2 KORÌTÙT 5:11

Atì nen he, ninoe Etagepogorat ninayùk hogo logousak ìlùk hùthìkì logolìk he, apùnì nen wene atì hùthoagalùk ina'la kagalogo yogoisìlìk nìkì lago. Nit ninoabùt hagatì lago atì re, at Ala eilhanem weinam atì hak, hit hina'la nen nit hùthinìkì logousak akìkì lagì o.

LAKSASIKE 28:23

Atì'nogo yogosukwasik, “Nit nineki tì ba nen hobuk hoba wesugun o,” ìlùk wene waresukwa. Wene warerìk he, ineki atì ba inebe hùkokwe, o Paùlùt welagaike ba oba wagaukwa. Wagaukwama, ohealek en pìkìt hùako wene Ala awe a'ma hisikerek wene a'nogo yogoisikoat welagaike. Yogosìkì logolìk, it en Yesùt hagasike wene atì eberogoat ìlùk hùthoagalùk, wene Ala nen ninasuk wasike wene Musa nen helal waganogo hesike a'nogo ba mel, ap aike Ala ane yogoisìkì lagaukwa mene nen helal waganogo hesukwa a'nogo ba mel, inasuk watì lagaike.

LAKSASIKE 17:17

A'la weak arìk he, ninhùp-nanhùp o apùnì Yahuri mene sapan ìkì lagaukwa ba kìlìk, it Yahuri mene mel, welek mene Ala ane wanhukwasik Yahuri mene negen welagaukwa mene mel, at en wene ina'la kagalogo yogoisikenem, it en at oko yogotì lagaukwa. Atì'nogo ìkì logolìk he, apùnì pasar oko wanhare'ma lìlìk, apùnì inom apì arìk, at en wene ina'la kagalhenem, it en oko yogotìk ìkì lagaukwaat.

LAKSASIKE 26:28

Atì'nogo yogosikomo, at Agarìpa nen he, “An nebe yogotak ya hepogat Kerisiten mane asuagalùk, hat en haga'nabigin ìlùk akìkì lagen a? Mea o,” ìlùk yogosike.

LAKSASIKE 19:26

Mene re, yogotak at Paùlùt atì hagarì'logo mene, hineileken tomok hìgìk, hinasuk holhìk, ìkì lagep. At en he, Apùnì ineki nen sukwan hagatarek atì re, ebe walhobak mene lek o, ìlùk yogoisikenem, apùnì logolegat en, Wene atì eberogoat, ìlùk wanha atì, horok o kota Epesùt yoma mene nek hùk. O propinsi Asia obogat hake wanhamaat o.

LAKSASIKE 19:8

Atì'nogo isukwama re, at Paùlùt o apùnì Yahuri mene sapan ìkì lagaukwa ba kìlìk ayù'lek hogo logolìk he, wene Ala nen awe a'ma hisikerek wene a'nogo hùthìlìk wanuagalùk, ina'la kagalogo, wene at en yogoisìgìk, it en oko at yogotìk, ìkì logolìk he, tùgì hinagan welagaike.

LAKSASIKE 18:13

Ebe wolok lìlìk, ùkùm oba hìkì logolìk he, mel isukwa: “Ap yì nen he, wene Ala nen ninasuk wasike wene a'nogo heraksìlìk, Ala ebe nek hogoratì logolìk he, hùnogoat hagatì logouagalùk ina'la kagalì'logo mene wolok wago o,” ìlùk yogoisasukwa.

LAKSASIKE 17:11

It apùnì Yahuri o Perea mene inoabùt he, apùnì o Tesalonika mene ina'la pùk welagaukwa atì hak he, lek. We, it he, wene akìlùk hogo wanhì logolìk, “Wene ike atì eberogoat a? Mel a,” ìlùk, Ala ane helal waganogo hesukwa mene a'nogo ninhùp-nanhùbat etage salogo tùkùm hogo hìthìkì lagaukwa.

LAKSASIKE 13:14

Lagaikomo nen, it amanogo o Perega atoma nen he, o Pìsìrìa tokwe kota Atiokia atoma lagai wagaukwa. Lagai wìrìk he, ineki Ala hesik welegat logolìk, o apùnì Yahuri mene sapan ìkì lagaukwa ba kìlìk, hù'lagaukwa.

LUKAT 16:31

at Aberaham en he, mel yogosike: It hoe hagot atoma Musa wene inom, it ap Ala ane yogoisìkì lagaukwa mene inane atì inom, inasuk holhì'lek halok he, ap aike wa'la'lùk lagaikare'ma nen eluk a'lùk yogoisa lamo, it atì ina'la nen he, eberogoat akìlìk inasuk holusak meaat o, ìlùk yogosike,” ìlùk Yesùt en yogoisasike.

LUKAT 4:16

Atì'nogo hogorato kolek, at Yesùt o Nasaret ebe alùge agaike ba lagaike. Lagaikesik, at hagatì lagaike hagat, ineki sabìt oba Ala hesik welegat logolìk, sapan uogolùk o apùnì Yahuri mene sapan egarek oba kisikesik, Ala ane helal waganek mene etage salhì logolìk yakùlisagalùk melagaike.

YOHANET 7:35

it ap Yahuri inogogì kaintek amanogo nen, it-it ìkì logolìk he, mel isukwa: “At yì o koma lìlìk were'ma, nit at herarik lìlìk ninom apì asugun lek en yogonisike akegep. Ap nit mene o pulelogo apùnì Yunani mene were'ma inoba lagaukwasik were'ma inoba lìlìk, apùnì Yunani mene wene yakùlisìkì logoigìlùk ike akegep a?

LAKSASIKE 9:20

Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

LAKSASIKE 14:1

It Paùlùt Parenapat eperak o Ikonìùm atoma logolìk, o apùnì Yahuri mene sapan ìkì lagaukwa ba kìlìk he, wene atì'nogoat yogoisasukwama, inebe logolegat, Yahuri mene lek, Yunani mene lek, wene atì eberogoat ìlùk wanhukwa.

LAKSASIKE 18:19

Esi atì'nogo palhikesik, o atoma nen o Epesùt lagaukwa. Lagaukwasik he, it Akwila Perisikila eperak atoma hisalùk he, o apùnì Yahuri mene sapan egarek oba kìlìk he, it Yahuri mene atoma welagaukwa mene, wene at en ina'la kagalogo yogoisikenem, it en oko yogotìk, it en at yogotenem, at en oko yogoisìgìk, ìkì lagaukwa.