Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LAKSASIKE 18:3 - Ala Ane Wene Ket Mene Warogo Wo'ninapike Wene

3 It Akwila Perisikila eperagat ineki oko hesik he, o en mene katì lagaukwa. At Paùlùt eki oko hesik atì'nogoat katì lagaike atì nen he, it inoba wagaikesik logolìk, inomat katì lagaukwa.

အခန်းကိုကြည့်ပါ။ ကော်ပီ




LAKSASIKE 18:3
13 ပူးပေါင်းရင်းမြစ်များ  

Nerùgì nagaiya'lak. Nit Ala ane hano wene atì yogohisikenem, yì mene tì mene hesik, hit aike hinoba seget asinogo ìlùk, nit ninokawerek en likene hùako ninomamerogo hagatìk, mep lagai'-lagak hogo hagatìk, ìkì lagagu a'nogo, hineluat o.


Atì'nogo nìkì logolìk, yì mene tì mene helùogolùk, yabu nineki ba nen, ninomamerogo waganogo helogorek. Apùnì nen homan hinikenem, nit en agaugerinapìk, yì aik tì aik haga'ninapenem, ninepe morogo welagìk,


An hit ninom logolìk uang lek en, hit en aike wo'nesuagalùk kino hinoba sabelhì lagì'lek o. We, atì'nogo were'ma, it ap nagaiya'lak o Maketonia mene wagaikasik elogat wo'nesi wagaika atì nen, yì hesik tì hesik hit hinoba ekinetheinogo ìlùk, akasigisi'mo re, kino yognhisìgì'lek welagagisik hobuk atì'nogoat motok hagatì logogin o.


Hit hesik hagatìrek atì, it Ala againapùrì yì awì tì awì atogotarek mene hesik hagatìrek mene atì eperak walhamo re, kì mene hesik yagaugethinapì nogo. We, an yabu hagatì lagì hesik, “Neki oko aike wo'ne'ni,” ìlùk hinoba sabelhì'lek welagagi atì yagaugethinapì he a. Halok he, weagathinapì atì hesik sagalogo legetsìlìk hina'la hano a'ni o!


An nen Ala ane hano wene atì yogohisìkì logolìk he, “Oko aike wo'ne'ni,” ìlùk ìgì'lek. Hit esinethinabigìlùk an nokawerek nebe kepù negen arìk, atì'nogo hagatì lagì atì, hit kolo hagathinapì lagì ìlùk usak nogo? Motok lek o.


Atì hagat he, at ninoe Etagepogot en ninasuk watì logolìk he: “It apùnì nen hano wene yogoisìlìk laganem he, it aike nen hano wene atì alisik hogo inapùrùk melagisasagat o,” ìlùk isike atì.


Atì'nogo isike meneat he, an he, hano wene alisik hogo atì'nogo wanhì'lek welagìrek. An hesik atì'nogo wo'nesuagalùk wene yì helal waganogo lakhei wagì hùk. An atì'nogo wo'nesuagalùk hagatì'lek welagì ìlùk he, hogorakìkì lagì mene yì re, at aike nen nane legethousak he, nabit. An nebe wa'lasumo re, hano.


Halok he, an neki oko nena mene wo'nesusak. Atì re, ebe yì. Oko wo'nesu hak, hano wene atì oko lek welegat yogoisìlìk nìkì logolìk na'la hano welagì atì. Atì'nogo yogoisikenem he, oko wo'nesusak higit meneat he, atì'nogo aike wo'netenem wanhì'lek welagìrek atì hano.


Nit en alep yogohisasugu hagat, hinepe morogo logolìk hineki nen hinokawerek hinobaga mene lopok wanhì lagep mene atìat esinethìkì logoino.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ