LAKSASIKE 18:23 - Ala Ane Wene Ket Mene Warogo Wo'ninapike Wene

²³ O Atiokia wagaikesik welagaikesik en he, hobuk o propinsi Kalatia mel, Perigia mel, waga logolìk atoma it apùnì Yesùt ane wanhukwa mene inetaùken ago warisìlìk nìkì lagaike.

LAKSASIKE 18:23 ပူးပေါင်းရင်းမြစ်များ

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

LAKSASIKE 16:6

Atì'nogo haga'laga kolek he, Ala Areagùn nen, “Wene o propinsi Asia atoma yogoisasak lek,” ìlùk ina'la kagalhikomo re, it o Perigia Kalatia kwe atoma tùlem horogo waga lagaukwasik,

LAKSASIKE 15:41

It a'nogo waga logolìk he, o propinsi Siria atoma nen pìkìt o propinsi Kilikia Ala againapùrì inetaùken ago warisìlìk wagaukwa.

LAKSASIKE 15:32

Ina'la hai hakasukwama re, at Yùrat Silat eperak Ala ane yogoisìkì lagaukwa mene nogo nen he, Ala againapùrì amanogo inetaùken sebelhìk, ago warisìgìk, uogolùk he, wene hùkoat yogoisìkì lagaukwa.

1 TESALONIKA 5:14

Nerùgì nagaiya'lak. Hit en he, it aike yabu wanùhùk inaberalì weak mene atì inasuk watìk, inayùk hoporek mene atì ina'la kagalhìk, inomame lek mene atì leberisìgìk, ìkì logolìk he, apùnì obogat hesik hinetaùken uan hogo hagatì logoino.

KALATIA 4:14

Yakùlhisikenem an noba ou hìkì lagagi atì ba hinabìt neasak higit meneat he, hinabìt nììgì'lek, hina'meilo niìgì'lek, malaikat Ala nen lakhei wesu mene wanu hak he a? At he, Karìsùt Yesùt ebe wanu hak he a, wo'napigip atì.

1 KORÌTÙT 16:1

Yogotak he, hit en uang atogorogo hinerùgì hinagaiya'lak Ala againapùrì aike hisùogolùk egep atì re, wene it Ala againapùrì o Kalatia mene yakùlisìgì atìi hagat haga'no o.

1 TESALONIKA 4:18

Ati nenat, wene atì ba hit-hit hina'la hanorogo, hinetaùken ago wat-wat ìkì logoino o.

1 TESALONIKA 3:2

Werek kolek he, at ninagot Timotìùt, hano wene Karìsùt hagasike wene a'nogo ninomat, Ala hesik yogoisìlìk nìkì lago mene a'nogo, apùnì nen yì aik tì aik hagathinabì'lùgì atì nen, hit hinetaùken Karìsùt oba hìpìrethesigip mene abolok inogo ìlùk, hinetaùken ago wathinapìk, hinasuk watìk, ìkì logouagalùk hinoba lakhei wago atì o. Yì aik tì aik hagathinabì'lùgì atì, Ala nen wena'ninapì logolìgat, “Atì'nogo hagathinapì logogun,” ìlùk isike hagat haga'ninabì'lùgì atì, hineluat o.

LAKSASIKE 16:40

Atì'nogo yogoisasukwama, o ineki hele warek hisagarek oba atoma nen he, he Lìrìa aua lagaukwa. Lagaukwasik, Ala againapùrì mene inom apì arìk he, inetaùken sebelhùlùk wagaukwa.

LUKAT 22:43

it malaikat Ala nen yoko laksikerek mene aike pogot oba nen oba pi wagaikesik he, etaùken ago wasike.

LUKAT 22:32

hat hetaùken noba hìpìrethìlìk welagen mene atì maben asinogo ìlùk he, hat hesik an Ala ayoko arat hìgìma. Hepe hebelagen halok he, hagaiya'lak yoma hat en inetaùken ago watsìkì logoino,” ìlùk yogosike.

LUKAT 1:3

Atì'nogo walhìlìk wagaukwa meneat he, an hogo re, wene atì ero ba nen tùkùm hogo yakùlhì lagagisik nogo nen he, hat he, wene yakùlhesukwa mene atì eberogoat ìlùk akanok en he, wene ebe pìlìngìrogo helal waganogo hoba lakhei wesigìlùk akìkì lagìrìk wanhì lagì yì o. Noe.

LAKSASIKE 2:10

Perìgìa mene mel, Papilia mene mel, Mesit mene mel, o Lìbìa Kirene higit a'loma mene mel, o Ùrùm a'loma lagosik ninebe o kùlùk negenat welagosik wago mene mel, ninom welago yì.

LAKSASIKE 19:1

A t Apolot o Korìtùt atomaat werek kolek he, at Paùlùt a'nogo o propinsi Kalatia mel, Perìgìa mel, pokwe lagak-pagak waga lagaikesik, o kota Epesùt wagaike. Wagaikesik, apùnì Yesùt ane wanhukwa mene aike were'ma inoba kisike.

KALATIA 1:9

Ati re, wene hageat yogohisasigi hak, hobuk aike yogohisak. Apùnì sanì nen wene hit wanhìgip mene a'nogo heraksìlìk hùnogo mene aike yogohisa wago halok he, Ala nen homan hisoagat o.