LAKSASIKE 18:18 - Ala Ane Wene Ket Mene Warogo Wo'ninapike Wene

¹⁸ At Paùlùt eki logolegat Ala againapùrì o kota Korìtùt mene inom atoma welagaukwasik en he, hobuk it o atoma hai warogo hisalùk, he Perisikila agùn Akwila eperak inomat wogisek he, imakwe so ba o Sìrìa lùogolùk isukwa. Isukwasik, o kota Kekerea lagaukwasik atoma logolìk, “An Ala neperak hutik welago, ìlùk nesi uan-aban hùlì atì hùlì logouagalùk hebegein,” ìlùk herakhesikesik welagaike mene, “Hùlì yì hùlì arat,” ìlùk heleleng hogo palhike.

LAKSASIKE 18:18 ပူးပေါင်းရင်းမြစ်များ

LAKSASIKE 21:24

Halok, hat en it inebe wog'inabìk he, it hinomat hinoba horogo, it inesi heleleng hogo paluagaluk, oko hat en heino. Atì'nogo hagasumo re, it ap Yahuri mene nen he, At Paùlùt abok holhì lago a'nogo le'maat hìgì. At okawerek en wene Ala nen ninasuk wasike wene a'nogo hesogo logoligat atì'nogo hagatì lagama, ìlùk, it obogat inelu asugun atì.

1 KORÌTÙT 9:20

Apùnì Yahuri mene Karìsùt hesik woginabigìlùk he, an noabùt Yahuri mene inoabùt waganogo hagatì lagì. Nen, apùnì wene Ala nen ninasuk wasike wene at Musa nen yogoisasike wene a'nogo, an hologo logousak lek meneat he, it aike hologo welagaikarek mene Karìsùt hesik woginabigìlùk he, an noabùt wene atì nasuk hologo welagìrek mene salek hagatì lagì o.

ÙRÙM 16:1

He ninerei Pebe atì ebe hinelurogo yakùlhisak. At oabùt hanoma re, Ala againapùrì o Kekerea mene leberisikerek mene hinoba waga atì,

LAKSASIKE 18:2

Ebe oan wagì'lek werek kolek, ap kain Kelarìùt en he, “Apùnì Yahuri mene inebe o kota Ùrùm logousak lek. Motogat hela wùlùbuak o,” ìlùk wene palhikomo re, ap Yahuri mene aike etage Akwila. Ebe o Potùt ta'lagaike mene. Agwe etage Perisikila eperagat, o Italia nen it tak o Korìtùt kerat lagaukwasik were'ma, at Paùlùt hobuk wagaikesik isa wagaike atì.

KALATIA 1:21

Atoma welagagisik he, hobuk o Siria mel, Kilìkìa mel, wagagi atì.

LAKSASIKE 15:23

Wene atì ba helal waganogo hìkì logolìk, mel isukwa: “Nit hinerùgì hinagaiya'lak Yesùt en ninebe weteberogo ninayoko hìlìk lakhina wagaike mene mel, Ala againapùrì serisek welagorek mene mel, ninom en he, hit o Atiokia mene, Sìrìa mene, Kilikia mene, hinebe etakwe meneat he, Ala againapùrì mene ninerùgì ninagaiya'lak, ìlùk hai wathinapo atì o.

LAKSASIKE 21:3

Laga logolìk he, i ekenma o etage Siperùt atì nineki peikkwe nineileken lakhìlìk-hìlìk imakwe laga lagagusik, o propinsi Sìrìa lagagusik, o kota Tìrùt wùlùpugu. Wùlùpugusik, atoma nen, sukwe so a'la wolok lagaukwa mene wulabuogolùk isukwama re, nit no a'la nen atoma wùlùpugu.

LAKSASIKE 18:26

Yesùt ane wanhikesik he, o it apùnì Yahuri mene sapan ìkì lagaukwa ba kìlìk, ayù'lek logolìk, wene pak hogo yogoisìkì lagaike. Yogoisikenem he, it he Perisikila agùn Akwila eperak inasuk holhukwasik, ebe wolok inaua lìlìk he, Ala nen at opolik laga logouagalùk a'la akikerek wene atì tùkùm hogo yakùletì lagaukwa.

LAKSASIKE 15:41

It a'nogo waga logolìk he, o propinsi Siria atoma nen pìkìt o propinsi Kilikia Ala againapùrì inetaùken ago warisìlìk wagaukwa.

MATÌÙT 4:24

Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.

MAREKÙT 6:46

Atì'nogo yogoisasikomo, wùlìbi waga kolek, at Yesùt en it apùnì amanogo arat laksahlùk he, at sapan igìlùk punu ba lagasike.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

LAKSASIKE 18:27

Yakùletì lagaukwama re, o Akaya wesigìlùk isikomo, Ala againapùrì o Epesùt mene nen, wene helal waganogo it o Akaya mene Yesùt ane wanhukwa mene inoba lakhìkì logolìk, mel isukwa: “Apolot hinoba waga atì hanorogo wanino,” ìlùk helal waganogo wogosukwama wolok lagaike. Lagaikesik he, it apùnì o Akaya mene Ala oabùt hano nen wene eberogoat akìlìk wanhukwa mene apigat leberisìkì lagaike.

LAKSASIKE 21:23

Nit en hasuk wasugun mene atì, higit hogo hagasumo hano. Ap inebe 4 en Ala etage palogo, Nit tì'nogo hagasugun, ilùk, ega mene yoma ninom welago.