LAKSASIKE 17:24 - Ala Ane Wene Ket Mene Warogo Wo'ninapike Wene

²⁴ Ala nenat he, o kweang yoma walhìgìk, yì mene tì mene obogat walhìgìk, isikesik he, pogot kweang esewerek kain welagarek atì. Ma re, tùgì hareken awì apùnì ineki nen wùtarek mene atoma a'la at Ala logousak mea o.

LAKSASIKE 17:24 ပူးပေါင်းရင်းမြစ်များ

LAKSASIKE 7:48

“Atì'nogo meneat he, at ap Ala ane yogoisìkì lagaike mene aike nen wene mel isike: Ninopase Ala Etagepogot en he, Kain anat logolìk he, nebe nalakwe pogot obaat hùrek welagì. Nen, nesok legesogo kweang oba hìlìk welagì. Halok, hit en o nìkìnìk mene wùthanusak. An nebe set walogo re, o koma logousak akegep. Mea o. Yì mene tì mono obogat aroma, an nenat walhasigi lek nogo? ìlùk Ala nen isikomo, helal waganogo hesike atì nen, at Ala Etagepogot esin mene atì, o apùnì ineki nen wùtarek mene ba logousak he, mea o.

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

ABÌKAKAN 20:11

Atì'nogo hìgìrìk oba nen, opolik he, Ala kain welagarek obùlùk hùko kut mene were'ma, at ebe atoma welaga hìgì. Atì'nogo were'ma pogot, kweang, obogat, at agaserogo lek arì'mo nogo nen he, hobuk ineileken hasak legat aga laga hìgì.

LAKSASIKE 14:15

“Ap sanì. Hit nìkì'nogo hagatì lagep. Nerùgì nagaiya'lak. Nit ninebe re, hit hake apùnì meneat. Mene re, hit en yì mene tì mene tùlemat mene hagatì lagep mene atì heraksìlìk he, hinoabùt hebelarìk, hinelokwe Ala eluk motok welagarek mene atì wogosuageip en ìlùk wene yogohisa wago mene o. At Ala atì re, pogot mel, kweang mel, i laut hùko yekelek mel, yì mene tì mene pogot oba, kweangma, ima welagarek mene mel, walhasike mene o.

LAKSASIKE 4:24

Atì'nogo yogoisasukwama inasuk holhukwasik he, inom lapuk hogo inetaùken omakeat logolìk, Ala ayoko hesukwa. Ayoko hìkì logolìk he, “Ninopase. Nit hat hawe a'ma welago yì. Pogot walhìgìk, kweang walhìgìk, i laut hùko yekelek walhìgìk, yì mene tì mene pogot oba, kweangma, ima welagarek mene aike obogat walhìgìk, hat enat isigin atì.

LUKAT 10:21

Atì'nogo yogoisasikesik atì sat he, Yesùt a'la Ala Areagùn were'ma nogo nen he, a'la hai hakìkì logolìk opase Ala mel yogosike: “Ala nopase e. Pogot kweang esewerek harat o. Wene obogat atì, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì re, hat ha'la walok akegen meneat yogoisegen atì nen hai wathapì lagì, nopase!” ìlùk yogosike.

IBERANI 3:4

O wùrìk ebe lopok he, it ap o wùtarek mene inebe werek meneat he, yì mene tì mene obogat he, Ala aligat en o wusu hak elalhike o.

MATÌÙT 5:34

Meneat he, an nen aike yì yogohisak. Hit en he, at aike yogotì logolìk, Yì mene tì mene etage hopuk palogo yogohetì o, ìlùk, yogosusak motok lek o. Ala ebe pogot atì ba hìpìrìk logolìk wene higirethikerek. Halok he, pogot atì etage hopuk palusak motok lek o.

IBERANI 1:2

Meneat he, o elùgùn oba, nit yogotak welago ya ba re, Ala nen wene atì aput yogosikomo, at en nit yakùlnisa wagaike. Aput atì re, ero ba Ala nen yì mene tì mene obogat elalhike atì, ebe at aput enat elalhikomo, esewerek logouagalùk menhesikomo logogin atì.

YOHANET 1:1

Emakum ero ba nen, wene Ebe Wene welagaike. Ebe Wene atì re, Ala eperagat logolìk he, ebe Ala at.

ÙRÙM 1:19

At Ala a'mage lagalìk sele'mathesike atì, at okawerek en, “An noabùt tìgìnìk,” ìlùk abok hukalogo sele'mathesikomo hùthasak mene werek kolegat hagatarek atì nen a'mage lagasike atì.