LAKSASIKE 17:23 - Ala Ane Wene Ket Mene Warogo Wo'ninapike Wene

²³ An o hit hinawì sili yoma nìkì logolìk, o wesa hagatì lagep obakwe neileken hìlìk nìkì logolìk, hareken aike awì wùrì'mo ako warogo hisegesep oba atoma helal mel ìlùk oba waganek were'ma neileken hìgì: Yì Walhobak ninokot mene hesik o, ìlùk helal waganek were'ma hìgì. Hit hinokot logolìk hogoratì lagep atì, ebe re, an nen sekek hogo yakùlhisak.

LAKSASIKE 17:23 ပူးပေါင်းရင်းမြစ်များ

YOHANET 4:22

Ala nen apùnì obogat telinabigìlùk, nit apùnì Yahuri mene nen wene yakùlisoagalùk ninayoko hesike atì nen he, nit Yahuri mene nen Ala ebe ninelu mene hogoratì lago meneat he, hit enek he, ebe hinokot meneat hogoratesep atì o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

1 KORÌTÙT 1:21

At Ala a'la motok kagalek atì nen he, mel isike: “Apùnì kweangma mene nen, inokawerek inawene kagauk hogo egarek atì nen he, an nebe inelu asusak mea o. We, it aike nen wene ebe wene yogoisìlìk nikenem, it apùnì kweangma mene nen akìkì logolìk he, Wene ati apùnì kepù mene nen egarek hake ìlì'lùgì, ìlùk iko kolegat he, it aike nen, Wene ati eberogoat, ìlùk akogoin mene halok, an nen telinabiginat o,” ìlùk oba lìok ìlìk okawerek enat isike.

ÙRÙM 1:28

It en he: “Ala ebe ninelu logousak he, ninabìt o,” ìlùk at ebe it ina'la meathesukwama re, at an he: “It ina'la akìlì'lùgì atì kolo o. Nabìt. It en he, weak meneat he, hano, ìlùk akagarek atì, atì'nogo inoba lopok akìkì logolìk hagasusak lek mene hagarìkì logonìk,” ìlùk inebe heraksikerek.

LAKSASIKE 17:30

It alep Ala ebe inokot logolìk, inoabùt weak hagato kolegat he, at en epe morogo heraksìkì lagaike. Atì'nogo meneat he, yogotak ya, at en he, Yì apùnì tì apùnì obogat tì sat inanema waganogo ùkùm inoba hìgìk, kotìk, higit hogoat uak, ìlùk ap aike wenagasogo hìlìk ayoko hikomo werek atì nen, nit apùnì weak hagatì lago mene heraksìlìk ninoabùt hebelasuagalùk yogonisìlì'logo atì. Halok, nit en he, Wene atì'nogo hagasigin atì, eberogoat, ìlùk, nit obogat hùthoagalùk, ap atì ebe wa'lagaikesi'mo nen, opase nen apotkwe eluguthesikomo werek o,” ìlùk yogoisasike.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

1 TIMOTÌÙT 1:17

Ninopase kain Etagepogot Ala atì aligat o. At ebe nineileken hogorek lek. Walhobak esok motok welagarek mene atìat o, ìlùk, hogoratìk, hai watìk, iko motok logouok o, ìlùk, “Amin,” ìgì atì.

2 TESALONIKA 2:4

At atì ebe weinam arik, Ala awì wùrì'mo melasi kìlìk, okawerek en hogorakìkì logolìk he, “Apùnì nen, yì mene tì mene oba hìpìrìk logolìk hogoratarek mene mel, Ninopase ebe yì, ìlùk egarek mene atì obogat mel, mea enek meneat he, esin Ala nebe anat o,” ìlùk ìkì logogin atì.

EPESÙT 2:12

Ati sat he, Karisùt ebe hinom heksek logolìk, hinebe Isirael mene lek. We, inapik meneat welagagip. Atì'nogo were'ma, at Ala nen he, wene it Isirael mene inom watì logolìk he, “Tì'nogo hagathinabigin,” ìlùk abok yogoisasike mene a'nogo, hit hinokorat logolìk, “Hano asigin,” ìlùk hina'la akìgì'legat, Ala awe a'ma kìgì'lek, kweangma yoma logolìk, Ala ebe hinokorat welagagip.

1 KORÌTÙT 8:5

It apùnì yoma nen ìkì logolìk he, “Nit he, ninopase oba hìpìrìk welagorek ninawesa mene yìat o,” ìlùk he, pogot oba mene hesik mel, kweangma mene hesik mel, ìlì'lùgì atì. Atì'nogo egarek atì, inawesa mene apigat were'ma re, etagewerek he, apigat werek o.

YOHANET 8:54

at en he, mel yogoisasike: “An nokawerek en hogorakìkì logoilema re, we tùlemat hogorakìkì logoile o. An nopase ebe nelu mene atì, hit en, at ebe hùthìgì'lek logolìk, Nit ninopase Ala, ìlùk egesep a'nogo, at ebe nenat, hogo'nabì'logo. An nen, At ebe nokot, ìlùk ilema re, hit hinapeliak egesep hagat ile o. Mene re, at ebe nelu nogo nen he, at ane hologo hagatì lagì o.

MATÌÙT 15:9

Wene apùnì inane meneat he, an nen isigi mene negen yakùlisìlì'lùgì atì nen he, we tùlemat hogo'nabì'lùgì o, ìlùk isikomo, Yesaya nen helal waganogo hesikomo werek atì, hit hesik higit hogoat isike o,” ìlùk yogoisasike.