LAKSASIKE 17:22 - Ala Ane Wene Ket Mene Warogo Wo'ninapike Wene

²² Atì'nogo yogosukwama, at Paùlùt ebe ap kaintek o Areopagùt atoma atogosukwa amanogo, ina'la tùlem melarìk he, mel yogoisasike: “Ap Atena mene yì sanì. Nogogì nagaiya'lak. Hit he, yì mene tì mene hesik hagasuogolùk he, tùgì hareken atìat hinetaùken tùlem hinoabùt palhì lagì.

LAKSASIKE 17:22 ပူးပေါင်းရင်းမြစ်များ

LAKSASIKE 25:19

We, it en inopase Ala oba hìpìrìk logolìk inane hùnogo tomok egarek mene hesik ùkùm aike oba hìgìk, ap aike etage Yesùt atì, ebe wa'lagaike meneat he, at Paùlùt en he, Hobuk apotkwe eluk agaikesik werek o, ìlùk ane keirogo ìlì'logo atì nen ùkùm oba hìgìk, ega o.

LAKSASIKE 19:35

Atì'nogo ìkì lagaukwama re, at ap wene halhenem helal wanhì lagaike mene nen, it apùnì logolek amanogo inane legethesike. Legethìlìk he, mel yogoisasike: “Hit apùnì o Epesùt mene yì sanì. Ninagona Aretemìt hùko atì awì wùrìk atì mel, apùnì-apùnì at okawerek ebe bake hagarek pogot oba nen pi wagaike mene atì mel, nit apùnì o Epesùt mene yoma hesogo welagorek atì sa okot. Apùnì o yì awì tì awì obogat inelu nek.

LAKSASIKE 17:16

At Paùlùt, Silat Timotìùt eperak serisek o kota Atena atoma logolìk he, o atoma tùgì hareken awì wùrìk motok apigat were'ma eileken hìlìk, a'la motok weak agaike.

LAKSASIKE 17:15

Atì'nogo wagaukwasik imakwe wolok o kota Atena wagaukwa. Wagaukwasik inapotkwe o Perea lùogolùk ikenem, at Paùlùt en he, “Silat Timotìùt eperak noba hepok wesuak,” ìlùk wene warogo laksasikomo lagaukwa.

LAKSASIKE 17:19

Atì'nogo isukwasik, it apùnì o Atena atoma inawìwerek mene obogat mel, ap pok mene atoma welagaukwa mene mel, inoabùt he, hùnogo mene hagatì'lek, we, wene kerat wolok waganem inasuk holhìk, wene ebe pìlìngìtìk, iko motok logou inamolo welagaikarek atì nen, Paùlùt ebe wolok he, apùnì o Areopagùt wene elùgùn watare'ma atoma atogotenem inoba wolok lagaukwasik he, mel yogosukwa: “Hat wene ket wolok wagatìk yakùlnisìkì lagen atì re, nit ninasuk holhì logolìk, hùnogoat mene akìkì lago atì nen, nit wene atì ebe kì'nogo mene, ìlùk tùkùm hogo ninelu asusak walogat,” ìlùk yogosukwa.

LAKSASIKE 17:34

Atì'nogo heraksalùk wùlìpike meneat he, it apùnì aike at oba labeli lìlìk he, “Wene atì eberogoat,” ìlùk inetatùken Yesùt oba hìpìrethesukwa. It atì aike etage Tìonisìùt, it ap kaintek o Areopagùt atì inom atogotì lagaukwa mene. Nen, he aike etage Tamarìt, nen, it aike inomat atì'nogo inetaùken Yesùt oba hìpìrethesukwa.