LAKSASIKE 17:18 - Ala Ane Wene Ket Mene Warogo Wo'ninapike Wene

¹⁸ Atì'nogo ìkì logolìk he, at en it apùnì wene Epikùrot wene hesogo logolìk it aike yakùlisìkì lagaukwa mene mel, wene Sitoa wene hesogo logolìk, it aike yakùlisìkì lagaukwa mene mel, wene ina'la kagalogo yogoisikenem, it en oko yogotìk, it an at yogotenem, at en oko yogoisìgìk, ìkì lagaukwa. Atì'nogo ìkì lagaukwa mene aike nen he, at Paùlùt hesik mel isukwa: “At he, wene elu nogo? Okot. We, hamùlùgat elu logolìgat he, ane nek motok apik yogonisìlì'logo,” ìlùk isukwa. Atì'nogo isukwama, it aike nen he, at Paùlùt en hano wene yogoisìkì logolìk he, Yesùt en hagasike wene yogoisìgìk, apùnì wa'lari'mo nen Ala nen inelugurinaperek wene yogoisìgìk, ìkì lagaike atì nen, mel isukwa: “Apùnì hùnogo mene inawesa wene hesik yogonisìlì'logo he a,” ìlùk isukwa.

LAKSASIKE 17:18 ပူးပေါင်းရင်းမြစ်များ

KOLOSE 2:8

Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.

LAKSASIKE 4:2

Wagaukwasik he, it Peterùt Yohanet eperak en wene apùnì yakulisìkì logolìk, “Yesùt wa'lagasik eluk aga atì, apùnì wa'lagaikarek mene inelugurinabiginat o,” ìlùk yogoisìkì lagaukwa atì nen, it ap amanogo ina'mage lagasike.

LUKAT 11:53

o a'nogo hebisalùk eta'ma wùlìbi lagaike. Wùlìbi lagaikomo re, it ap Ala ane helal waganek esewerek mene mel, Parisi mene mel, ina'mage at oba hìkì logolìk, “At Yesùt atì ane igin oba wene eken hìlìk ebe wasuok,” ìlùk he, anema hùko wanhìk, hamùlùgat wanhìk, ìkì logolìk ineil wanhì lagaukwa.

1 KORÌTÙT 4:10

Nit he, Karìsùt hesik ninebe kepù werek kolek he, hit enek he, Karìsùt hinom hutik logolìk hina'la kagauksek welagep hìgì. Nit maben werek kolek, hit enek he, hinomame werek welagep hìgì. Nit ina'la meathinanho kolek he, hit enek he, hogothinabì'lùgì hìgì.

1 KORÌTÙT 3:18

Hinokawerek en hinebe lalagùp o. Hat aike nen he: “An apùnì yoma inawene mene na'la kagalek o,” ìlùk akìkì lagen halok he, ha'la ebe wene atì kagalasuak en he, apùnì inawene atì ha'la abit asuak o.

ÙRÙM 1:22

It inetaùken atì'nogo motok abit haga'larìk logolìgat he, “Nit ninetaùken motok kagalek o,” ìlùk egarek atì.

LAKSASIKE 26:23

It en he, Karìsùt ebe wa'larìk he, at tak eluk arìk, wene lìarinabigin wene atì, apùnì Yahuri mene yogoisìgìk, etakwe mene yogoisìgìk, igin o, ìlùk isukwasik helal waganogo hesukwa atì hagat an nen ìkì lagì o,” ìlùk yogosike.

MAREKÙT 9:14

Yesùt en wene atì'nogo yogoisìlìk agoromì ane wanhì lagaukwa mene he'nakìt amanogo inoba pi wagaukwa hak he, apùnì logolegat inera'lu he'na he'na atogorek logolìk, it ap Ala ane helal waganek esewerek mene amanogo inom wene palhenem ineileken isasukwa,

LAKSASIKE 6:9

Hagarinapì lagaikomo re, it ap Yahuri mene o Kirene mene mel, Aleksataria mene mel, inebe apùnì aike inatitigeke welagaukwasik hobuk inalepma arìk sapan omakìma ìkì lagaukwa mene ho, it apùnì Yahuri mene aike o propinsi Kilikia mene mel, Asia mene mel, inom en, at Sitepanùt ane ikenem, melagaukwasik he, anema hinok-hanok wanhukwasik wenagasukwa.

LAKSASIKE 5:42

Wùlùpukwasik, it a'nogo nen Ala awìi wùrì'mo kìgìk, apùnì inauakwe kìgìk, ìkì logolìk, “Ala nen he, Ap aike nen apùnì telhinabuagalùk ayoko hìlìk lakhei wesigin, isike a'nogo, ebe Yesùt atìat o,” ìlùk Yesùt en hagasike wene, hano wene a'nogo kamo ìgì'lek hutik-hutigat yakùlisìlìk nìkì lagaukwa.