LAKSASIKE 17:14 - Ala Ane Wene Ket Mene Warogo Wo'ninapike Wene

¹⁴ Atì'nogo isukwama, Silat Timotìùt eperak, o atoma kamo iko kolek, it Ala againapùrì amanogo nen, Paùlùt enek, “Hepok lanok,” ìlùk wolok i laut hùko yekelek aik oba wagaukwa.

LAKSASIKE 17:14 ပူးပေါင်းရင်းမြစ်များ

LAKSASIKE 17:10

Atì'nogo wulaksasukwama, o hi isikomo re, it Ala againapùrì nen Paùlùt Silat eperak o Perea laksa wagaukwa. Laksa wagaukwama wìrìk he, o apùnì Yahuri mene sapan ìkì lagaukwa ba kisukwa.

MATÌÙT 10:23

O sili aike nen weagathinabuogolùk iko halok he, hese o sili aike lano. It apùnì Isirael mene inawi sili he'nakìt oan wene yogoisìgì'lek werek kolegat he, an abat ta'lasi wagagi a'nogo hobuk wesigin o, ìlùk, nane eberogoat yogohisìgì.

LAKSASIKE 16:1

Paùlùt lak o atoma nen o Terebe wagaukwasik he, hobuk o Lisitera wagaukwa. O Lisitera atoma ap aike etage Timotìùt, Yesùt ane wanhike mene were'ma wagaukwa. Agosa atì'nogoat Yesùt ane eberogoat ìlùk wanhike mene, ebe Yahuri mene. Meneat he, opase nek he, Yunani mene.

LAKSASIKE 9:30

Wasuogolùk walhiko kolek, it Ala againapùrì it-it inerùgì inagaiya'lak inom omakeat mene aike nen, Saùlùt ebe o Kaisarea wolok wagaukwasik he, atoma nen o Tarasùt lagai wesuagalùk lakhei wagaukwa.

LAKSASIKE 9:25

Kagalek werek kolek, it apùnì Saùlùt ane wanhì lagaukwa mene nen he, o hùako aike sapùl, at ebe mul ugu mene a'la kalhìlìk he, leget pa'leget uan wùrìk oba ako aike pokwe holelek were'ma wulakhìlìk he, kopì kelogo leget aphane pelakhesukwa.

TITUT 1:5

An nen hat o Kereta atoma hagalùk, wesigìlùk ìkì logolìk, wene tì'nogo hagatì logousak ìlùk, hoba hesigi atì: “Yì mene tì mene oan higirethìgì'lek mene, higirethìgìk, o ya ta atoma apùnì Ala againapùrì aike serisek logouagalùk inogogì lopok menhisìgìk, ìkì logoino,” ìlùk, yogohe'lùk wagag'i atì.

1 TIMOTÌÙT 1:3

An o Epesùt en o Maketonia yoma wesigìlùk he, hat ha'la kagalogo wene mel ìlùk yogohesigi akìgì: “Hat hebe o yoma logoino. Logolìk he, it aike nen wene ebe mene lek. We, hùnogo mene yakùlisìlì'lùgì mene atì ìgì'lek kamo uagalùk inasuk watì logoino.

LAKSASIKE 20:3

Wagaikesik, tugi hìnagan atoma welagaike. Atoma welagaikesik en, hobuk imakwe so ba o propinsi Siria lagaluk tegelhenem, apùnì nen he, mel yogosukwa: “It apùnì Yahuri mene nen hoasuogolùk haweim kabelhasik werek o,” ìlùk yogosukwama asuk holhikesik, sùgùlogo re, o propinsi Maketonia kwe nen lagalùk isike.

LAKSASIKE 19:22

Atì'nogo ìlìk he, at atitigeke mene inebe pìre, Timotìùt ho, Erasìtùt ho, eperak o propinsi Maketonia laksa wìrìk, at aligat enek o propinsi Asia welagaike.

LAKSASIKE 15:22

Wene atì'nogo isukwasik he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì serisek welagaukwa mene amanogo mel, Ala againapùrì aike atogorek welagaukwa mene obogat mel, inom en wene mel ìlùk palhukwa: “Ap nit mene aike weteberogo inayoko hìlìk, Paùlùt Parenapat eperak inom o Atiokia loak en he, laksùok o,” ìlùk isukwa. Atì'nogo isukwasik he, it Ala againapùrì aike nen, at Yurat etage aike Parasapat atì ho, Silat atì ho, “Inoabùt hano,” ìlùk akìkì lagaukwa mene nen, helal waganek atì inekim wolok loagalùk inayoko hesukwa.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

LAKSASIKE 17:4

Atì'nogo yogoisasikomo re, it apùnì o'moko nen, “Eberogoat,” ìlùk wene atì wanhukwasik, it Paùlùt Silat werekwe asi lagaukwa. Atì hagat, it apùnì Yunani mene Ala ane wanhukwasik inebe Yahuri mene negen welagaukwa mene logolegat it werekwe asi lagìk, hìmì kaintek mene inebe apigat it werekwe asi lagìk, isukwa.

LAKSASIKE 17:6

Latì logolìk, Paùlù lak inebe lek en he, Yason mel, Ala againapùrì he'nakìt mel, ineki lisogo ap kaintek pemerintah mene inoba wogisek wagaukwa. Wogisek wìrìk, inane hùkorogo mel yogoisasukwa: “Ap o yì awì tì awì elokoken weagarìk nùgì mene amanogo yoma wagaikasi'mo re,

LAKSASIKE 17:15

Atì'nogo wagaukwasik imakwe wolok o kota Atena wagaukwa. Wagaukwasik inapotkwe o Perea lùogolùk ikenem, at Paùlùt en he, “Silat Timotìùt eperak noba hepok wesuak,” ìlùk wene warogo laksasikomo lagaukwa.

LAKSASIKE 18:5

Ina'la kagalhenem he, it Silat Timotìùt eperak o Maketonia nen wagaukwama re, at Paùlùt hùnogo mene aike hagatì'lek, we, wene atìat yogoisiko motok welagaike. It apùnì Yahuri mene mel yogoisasike; “Ala nen he, Karìsùt lakhei wesigin ìlùk wene wa'nisasike a'nogo re, ebe Yesùt wagaike atìat o. An nelu,” ìlùk pak hogo yogoisìkì lagaike.