LAKSASIKE 16:9 - Ala Ane Wene Ket Mene Warogo Wo'ninapike Wene

⁹ Wagaukwasik logolìk, hùako Pùlùt abìkakan mel hasike. Ap o Maketonia mene aike metek logolìk he, “Hat en nit apùnì Maketonia mene yoma lebe'nisa wùlìbi me o,” ìlùk a'la kagalogo yogotenem abìkakan hasike.

LAKSASIKE 16:9 ပူးပေါင်းရင်းမြစ်များ

LAKSASIKE 19:21

Atì'nogo hagasukwama, at Paùlùt a'la nen akìkì logolìk he, “O propinsi Maketonia lìlìk en he, o propinsi Akaya wìrìk en pìkìt, o Yerusalem legein,” ìlùk a'la akasikesik he, “Lìlìk, hobuk napotkwe wìrìk, o kota Ùrùm neileken ha legeinat o,” ìlùk isike.

LAKSASIKE 18:5

Ina'la kagalhenem he, it Silat Timotìùt eperak o Maketonia nen wagaukwama re, at Paùlùt hùnogo mene aike hagatì'lek, we, wene atìat yogoisiko motok welagaike. It apùnì Yahuri mene mel yogoisasike; “Ala nen he, Karìsùt lakhei wesigin ìlùk wene wa'nisasike a'nogo re, ebe Yesùt wagaike atìat o. An nelu,” ìlùk pak hogo yogoisìkì lagaike.

LAKSASIKE 20:1

O kota Epesùt inane apik sagalhì lagaukwa a'nogo lek agaikomo, at Paùlùt en he, it apùnì Yesùt ane wanhukwa mene hùgì waisìlìk inasuk wasike. Inasuk warogo hai warinaplùk he, ebe o propinsi Maketonia wagaike.

1 TESALONIKA 4:10

Hit hinerùgì hinagaiya'lak o Maketonia tokwe mene obogat atì'nogo hinetawìrinapì lagep meneat he, nerùgì nagaiya'lak e. Hobuk hùkorogoat hinetawìrinapì logouageip ìlùk, hinasuk warogo yogohisìgì atì.

2 KORÌTÙT 12:7

An nen, “Nabìkakan oba elalin neileken hìgì atì nayùk e,” ìlùk nokawerek en hogorakanogo ìlùk he, apùnì inebe bakwe alok kikenem heinet watarek hak, ou noba aganem heinet watì logouagalùk, noba hanhikomo, Ibilit en ayoko hesike mene hake noba were'ma, ninoe Etagepogot en henogo wulaksoagalùk neki hìnagan oba ayoko hìgì meneat he,

2 KORÌTÙT 11:9

An hit ninom logolìk uang lek en, hit en aike wo'nesuagalùk kino hinoba sabelhì lagì'lek o. We, atì'nogo were'ma, it ap nagaiya'lak o Maketonia mene wagaikasik elogat wo'nesi wagaika atì nen, yì hesik tì hesik hit hinoba ekinetheinogo ìlùk, akasigisi'mo re, kino yognhisìgì'lek welagagisik hobuk atì'nogoat motok hagatì logogin o.

2 KORÌTÙT 9:2

Hit en he, it atì leberisùogolùk akiluk hogo hagatì lagep atì, hinoabùt an nelu. An nen hit hogothinapì logolìk, it apùnì o Maketonia yoma mel yogoisìkì lagì: “Tahun alep a'lì ba nen, it apùnì o Akaya atoma mene nen it atì tì'nogo leberisùogolùk it mene atogorogo hesukwasik werek,” ìlùk agaugethinapì lagì. Hit akiluk hogo hagatì lagep atì ba nen, it apùnì yoma aike inebe logolegat en it atì hisùogolùk inetaùken abolok ìlì'logoat.

2 KORÌTÙT 8:1

Nerùgì nagaiya'lak. At Ala oabùt hano a'nogo nen againapùrì o Maketonia mene yoma inoabùt hano hagarinapomo hagata mene hinelurogo yogohisak.

2 KORÌTÙT 7:5

Nit o Maketonia yoma wagagusik were'marogo re, ninoba hapugurakìgì'le'maat, weaga'ninabuogolùk yì aik tì aik haga'ninapukwaat atì. Apùnì aike nen ninoasuogolùk ikenem, nit ninetaùken ninayùk aga kolek welagosik.

LAKSASIKE 20:3

Wagaikesik, tugi hìnagan atoma welagaike. Atoma welagaikesik en, hobuk imakwe so ba o propinsi Siria lagaluk tegelhenem, apùnì nen he, mel yogosukwa: “It apùnì Yahuri mene nen hoasuogolùk haweim kabelhasik werek o,” ìlùk yogosukwama asuk holhikesik, sùgùlogo re, o propinsi Maketonia kwe nen lagalùk isike.

LAKSASIKE 10:30

Atì'nogo yogoisasikomo, at Korenelìùt en he, “O ùage, mo hea i laga kolek, jam 3 ba o yìgìnenemat an naua sapan ìgì.

LAKSASIKE 10:3

Atì'nogo iko motok logolìk he, eki aike sapùl, o mo hea i laga kolek jam 3 hake, abìkakan mel hasike. Malaikat Ala nen yoko pelaksa wagarek mene amanogo aike pi wagaikesik Korenelìùt oba kìlìk he, “Korenelìùt,” ìlùk yogosike.

LAKSASIKE 9:38

Atì'nogo hei lagasukwasik werek kolek, o Yope atoma nen, o Lìra atì horogatma re, it apùnì aike nen, “Peterùt ebe o Lìra wagasik werek o,” ìlùk ikenem, it apùnì Yesùt ane wanhukwa mene amanogo inasuk holhukwasik he, it ap inebe pìre Peterùt ayoko loagalùk, mel yogoisasukwa: “Hit lìlìk he, Peterùt mel yogo'no: Halakwe abìrogo welagì'lek ninom hepok luok o, ìlùk yogo'no,” ìlùk lìaksa wagaukwama lagai wagaukwasik, yogosukwama, at Peterùt en he,

LAKSASIKE 16:10

Abìkakan atì'nogo hasikomo, nit en he, mel isugu: “Wene hano wane it apùnì atoma mene yogoisa loagalùk, Ala nen ninayoko hike hìgì,” ìlùk isugusik he, o Maketonia wùlìbi wesuogolùk isugu.

LAKSASIKE 16:12

Wùlìbi wagagusik o atoma nen he, o kota Pilipi wagagu. O propinsi hùko Maketonia atoma ebe hùlì palek were'ma re, alebagìk ineki wenatì lagaukwa ba, o kota Pilipi atoma it apùnì o Ùrùm mene nen hagisek logolìk wusi lagaukwasik welagaukwa ba, wagagu atì. O atoma wagagusik he, nineki hamùlùgat welagagusik,

LAKSASIKE 19:22

Atì'nogo ìlìk he, at atitigeke mene inebe pìre, Timotìùt ho, Erasìtùt ho, eperak o propinsi Maketonia laksa wìrìk, at aligat enek o propinsi Asia welagaike.

LAKSASIKE 19:29

Atì'nogo ìkì logolìk, inane sagalhenem, apùnì o kota Epesùt atoma mene humusegat atogosi waga logolìk he, ap o propinsi Maketonia mene inebe pìre, Paùlùt inom nìkì lagaukwa mene, inetage Kayùt ho, Arisitarekùt ho, inebe haksìlìk heleka hùko wagane'ma wogisek kisukwa.

LAKSASIKE 27:2

Atì'nogo inebe at eki ba hesukwama, i so ebe o Ateramìtìùm en wolok wagaukwasik were'ma, apùnì o propinsi Asia i so kikerek obakwe lopok pelaksìlìk wesuogolùk ikenem, ap Arisitarekùt, aua o propinsi Maketonia kota etage Tesalonika mane ninom, i so atì a'la kisugusik wagagu.