LAKSASIKE 16:2 - Ala Ane Wene Ket Mene Warogo Wo'ninapike Wene

² Ala againapùrì o Lisitera mene mel, o Ikonìùm mene mel, obogat en he, “Timotìùt oabùt hano,” ìlùk abok hano ìkì lagaukwa.

LAKSASIKE 16:2 ပူးပေါင်းရင်းမြစ်များ

2 TIMOTÌÙT 3:15

Hat hebe yekerek oba nenat Ala ane helal waganek atì helu welagatek atì, ha'la eberek motok logousak o. Atì'nogo logolìk, hetaùken Karìsùt Yesùt oba hìpìrìk were'ma, Ala nen telhabusak mene hùthanogolùk, at ane helal waganek atì baat ha'la elogat kagalusak werek o.

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

IBERANI 11:2

It apùnì alebat inetaùken atì'nogo Ala oba hìpìrìk welagaukwa atì ba, Ala nen, “It hano,” ìlùk inebe oba lìoksek welagaike.

2 TIMOTÌÙT 3:11

Apùnì nen yì aik tì aik haga'napenem, noba aik weak hìgìrek a'nogo heluat o. Apùnì o Atiokia nen, Ikonìùm en, Lisitera nen, weaga'napo kolegat were'ma, ninoe Etagepogot en eki aike kamo ìgì'lek telnapì lagaike atì.

1 TIMOTÌÙT 3:7

Nen, ap Ala againapùrì serisek logousak mene atì, it apùnì etakwe mene nen abok weak palì'lùgì mene menhogoin halok, at ebe ina'la meathìlìk inabìreileken kelakhìgìk, paik hele hìlì'mo kerelagarek hak, Ibilit en a'la kagalìk ebe hakhìgìk inogo ìlùk, abok hano ìlì'lùgì mene halok menhousak o.

LAKSASIKE 16:40

Atì'nogo yogoisasukwama, o ineki hele warek hisagarek oba atoma nen he, he Lìrìa aua lagaukwa. Lagaukwasik, Ala againapùrì mene inom apì arìk he, inetaùken sebelhùlùk wagaukwa.

LAKSASIKE 14:21

O Terebe atoma wene hano wene yogoisikoat logolìk he, apùnì inebe logolegat woginapukwama Yesùt ane wanhukwa. Wanhukwama hisalùk, it Paùlùt Parenapat eperak hobuk inapotkwe o Lisitera nen, Ikonìùm en, pìkìt o Pìsìrìa tokwe o kota Atiokia wùlìbi wagaukwa.

LAKSASIKE 13:51

Wulaksikenem, ina'la eberek logouagalùk, it Paùlùt Parenapat eperak en he, “Hinoba lopok,” ìlùk inesok alolong hesalogo laksalùk he, o Ikonìùm ki lagaukwa.

LAKSASIKE 6:3

Halok, hit en he, ap aike Ala Areagùn ina'la peserek logolìk, inetaùken motok kagalek hagatenem, inoabùt enagat isìkì lagep mene halok, inebe 7 nen heraginabino. Heraginapep halok, it en yì mene tì mene atì'nogo sùpùrisìkì logouagalùk, nit en menhisogoin o.

1 TIMOTÌÙT 5:25

Atì hagat, it aike hano hagatarek mene hepogat weinam agarek atì. It aike atì'nogo hano hagatenem hinago motok logogin lek. We, weinam asiginat o.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

LAKSASIKE 14:1

It Paùlùt Parenapat eperak o Ikonìùm atoma logolìk, o apùnì Yahuri mene sapan ìkì lagaukwa ba kìlìk he, wene atì'nogoat yogoisasukwama, inebe logolegat, Yahuri mene lek, Yunani mene lek, wene atì eberogoat ìlùk wanhukwa.

LAKSASIKE 14:6

Inabok palhukwama, it inelu arìk he, hese pùgùlogo, o Likaonia tokwe atom a Lisitera ho, Terebe ho, o era'lukwe atoma aike ho, pi lagaukwa.

PILIPI 2:22

Mene re, at Timotìùt oabùt enagat hagaterek a'nogo hinelu. Inagainapùrì nen inopaselak leberisagarek hak, at ebe re, Ala awe a'ma logolìk an lebe'neagalùk hano wene a'nogo neperak en yogoisìlìk nìkì lagosik.