LAKSASIKE 16:16 - Ala Ane Wene Ket Mene Warogo Wo'ninapike Wene

¹⁶ O atoma lagagusik logolìk, nineki aike sapùl, o sapan ìkì lagaukwa ba a'nogo laganem he, helekerek apùnì inatitigeke mene aike mokareke oabùt weak mene oba louksek were'ma, hinogeke oba kìkì lagaukwa mene were'ma ninom apì agagu. Helekerek atì, apùnì nen hinok oba wanhenem, at en wene hobuk haga'lasigin mene yogoisikenem, oko wogotì lagaukwa. Atì'nogo wogotenem, at en ogogì apik sabùrisìkì lagaike.

LAKSASIKE 16:16 ပူးပေါင်းရင်းမြစ်များ

KALATIA 5:20

tùgì hareken oba hìpìrìk logolìk hagatìk, apùnì aike inebe weak asuagalùk wesarogo hagatìk, apùnì aike inom weim palek hagatìk, serep agìk, ua palhìk, ina'mage hakoksek welagìk, inokawerek hesik enek esin hogo hagarìgìk, apùnì inebe omakeat mene inom hùlì-hùlì hagatìk, hek-hek hagatìk,

2 TIMOTÌÙT 3:8

Holoat, it ap Yanet ho, Yaperet ho, Musa ane sagalogo heraksìlìk hagasukwa hak, it atì ebe wene sagalogo heraksìlìk, weak hagatì logolìk, ina'la nen wane higit mene ebesusak lek, kolo mene eberì'lùgì atì. Atì'nogo hagarì'lùgì atì ba, inetaùken Ala oba hìpìrìk mene kopologo heraksaga ìlùk, enagat asigin atì.

LAKSASIKE 16:18

At helekerek atì hobuk ninhùp-nanhùp ane atì'nogoat ìkì lagaike. Ìkì logolìk, ane Paùlùt oba sabelhì lagaikomo re, at elokwe hebek hogo mokareke oabùt weak mene atì mel yogosike: “Mokareke hoabùt weak mene yì. Hele arì a'la welagen atì, henogo wùlìbi lanogolùk, Yesùt Karìsùt etage palogo yogohetì lagì o,” ìlùk yogosikomo re, aremnogoat a'la nen henogo wùlìpike.

LAKSASIKE 16:13

nineki Ala hesik welegat logolìk, sapan uogolùk, o kota kwe ape pale'ma atoma nen wùlìbìk he, i aik oba atoma apùnì Yahuri mene sapan egarek oba obùlùk aike logousak ìlùk lagagusik herasugu. Atoma hìmì atogorek were'ma ninebe hù'larìk he, ninom wenekak ìkì logolìk wene yogoisasugu.

2 PETERÙT 2:3

It ap Ala ane yakùlisagarek mene salek weinam asugun atì inoabùt he, “Nit enek wo'nisanìk,” ìlùk egarek mene atì nen, hit en oko wogisoagalùk, wene inokawerek ina'la nen kagalogo inapeliagat yogohisìkì logogun atì. Atì'nogo meneat he, it inoabùt hagatì logogun atì ba, at Ala nen he, “It atì ùkùm inoba hìlìk inebe weagarinabigin,” ìlùk hageat a'la tùlemat akasike hùk. Magarogo welagì'lek weagarinabigin mene werek o.

LAKSASIKE 16:19

Atì'nogo henogo wùlìpikomo, ogogì amanogo nen ineileken hilìk he, “Nit oko sabù'nisikerek a'nogo lek aga atì nabìt e,” ìlùk, at Paùlùt Silat eperak inebe haksìlìk he, ineki lisogo o silimo apùnì atogotì lagaukwa ba kaintek pemerintah mene inoba wogisek lagaukwa.