LAKSASIKE 16:1 - Ala Ane Wene Ket Mene Warogo Wo'ninapike Wene

¹ Paùlùt lak o atoma nen o Terebe wagaukwasik he, hobuk o Lisitera wagaukwa. O Lisitera atoma ap aike etage Timotìùt, Yesùt ane wanhike mene were'ma wagaukwa. Agosa atì'nogoat Yesùt ane eberogoat ìlùk wanhike mene, ebe Yahuri mene. Meneat he, opase nek he, Yunani mene.

LAKSASIKE 16:1 ပူးပေါင်းရင်းမြစ်များ

2 TIMOTÌÙT 1:5

Logolìk, hetaùken Ala ba eberogoat hìpìrìk welagen ìlùk na'la eberegat welagì. Emakum hagona Loìt ho, hagosa Euaike ho, inetaùken Ala oba hìpìrìk welagaukwa hak, hat hetaùken atì'nogoat welagen ìlùk hùthagakì lagìat o.

1 TESALONIKA 3:2

Werek kolek he, at ninagot Timotìùt, hano wene Karìsùt hagasike wene a'nogo ninomat, Ala hesik yogoisìlìk nìkì lago mene a'nogo, apùnì nen yì aik tì aik hagathinabì'lùgì atì nen, hit hinetaùken Karìsùt oba hìpìrethesigip mene abolok inogo ìlùk, hinetaùken ago wathinapìk, hinasuk watìk, ìkì logouagalùk hinoba lakhei wago atì o. Yì aik tì aik hagathinabì'lùgì atì, Ala nen wena'ninapì logolìgat, “Atì'nogo hagathinapì logogun,” ìlùk isike hagat haga'ninabì'lùgì atì, hineluat o.

1 KORÌTÙT 4:17

Hit an noabùt wanuageip en ìlùk, naput Timotìùt, nokawerek en tatì mene negen ebe netawì mene hinoba lakhei wagì atì. At he, ninoe Etagepogot eperak hutik logolìk, at hesik oabùt lenurogo hagaterek mene hinoba wìrìk he, mel yakùlhisegein: “At Paùlùt Karìsùt eperak hutik logolìk, it Ala againapùrì o yì awì tì awì atogotarek mene at okawerek hagaterek mene oabùt wanuagalùk, yì'nogo yakùlisikerek,” ìlùk hina'la eberogo yogohisa wesigin o.

LAKSASIKE 18:5

Ina'la kagalhenem he, it Silat Timotìùt eperak o Maketonia nen wagaukwama re, at Paùlùt hùnogo mene aike hagatì'lek, we, wene atìat yogoisiko motok welagaike. It apùnì Yahuri mene mel yogoisasike; “Ala nen he, Karìsùt lakhei wesigin ìlùk wene wa'nisasike a'nogo re, ebe Yesùt wagaike atìat o. An nelu,” ìlùk pak hogo yogoisìkì lagaike.

LAKSASIKE 17:14

Atì'nogo isukwama, Silat Timotìùt eperak, o atoma kamo iko kolek, it Ala againapùrì amanogo nen, Paùlùt enek, “Hepok lanok,” ìlùk wolok i laut hùko yekelek aik oba wagaukwa.

2 TESALONIKA 1:1

Hit Ala againapùrì o Tesalonika atogotì logolìk, ninopase Ala mel, ninoe Etagepogot Yesùt Karìsùt mel, hinom hutik welagep mene, nerùgì nagaiya'lak. An Paùlùt, Silat Timotìùt eperak ninom en wene yì helal waganogo hinoba lakhei wago atì.

KOLOSE 1:1

Hit Ala againapùrì o Kolose atogotesep mene Karìsùt hinom hutik logolìk, at hesik hinoabùt hùpùn hogo hagatì lagep mene, nerùgì nagaiya'lak. An Paùlùt Ala a'la akasike ba, Karìsùt Yesùt en nayoko hìlìk lakhani wagaikomo wagagi mene a'nogo, ninagot Timotìùt neperak en wene yì helal waganogo hinoba lakhei wago atì. Ninopase Ala oabùt hano a'nogo nen, hano mene wokhisìgìk, hinetaùken hapuguthinapìk, ìkì logouak o.

PILIPI 2:19

Hit aroma hagatì lagep mene hesik, hinabok an nelu arìk na'la hano asuagalùk, netaùken ninoe Etagepogot Yesùt oba hìpìrìk were'ma, at en lebe'niikerek atì ba, at Timotìùt a'nogo hepogat hinoba lakhei wesigìlùk akìkì lagì.

ÙRÙM 16:21

At Timotìùt an nagaiyak neperak Ala hesik hagatì lago mene a'nogo nen: “Hai warinapì o,” ìlùk yogonetomo nen yogohisìgì o. Ap nit mene Lùkìùt mel, Yason mel, Sosipatet mel, yoma nen: “It hai warinapo,” ìlùk yogonetama nen yogohisìgìat o.

LAKSASIKE 14:6

Inabok palhukwama, it inelu arìk he, hese pùgùlogo, o Likaonia tokwe atom a Lisitera ho, Terebe ho, o era'lukwe atoma aike ho, pi lagaukwa.

IBERANI 13:23

Nen, ninagot Timotìùt a'nogo re, ebe arat hele hikalogo wulakhagama nen hinelurogo logouageip ìlùk yogohisìgì o. At ebe heageak an nea waga halok he, an hobuk hit hisa waga logolìk neperak wesugun o.

1 TIMOTÌÙT 1:18

Timotìùt naput e. An wene yì hasuk warogo yogohesik. It aike nen wene alebat hat hokawerek hesik ìkì logolìk he, “At tì'nogo hagatì logogin,” ìlùk, isukwa hak, hano wene yì hesik, weim inomamerogo yaparek hak, homamerogo yogoisìkì logoino o.

1 TESALONIKA 1:1

Hit Ala againapùrì o Tesalonika atogotì logolìk, ninopase Ala mel, ninoe Etagepogot Yesùt Karìsùt mel, hinom hutik welagep mene, nerùgì nagaiya'lak. An Paùlùt, Silat Timotìùt eperak ninom en, wene yì helal waganogo hinoba lakhei wago atì. Ninopase Ala oabùt hano a'nogo nen hano mene wokhisìgìk, hinetaùken hapuguthinapìk, ìkì logouak o.

PILIPI 1:1

Hit Ala againapùrì Karìsùt Yesùt hinom hutik logolìk, o Pilipi welagasep mene, hinebe obogat mel, hakhisek welagaikarek mene mel, lebethisagarek mene mel, nerùgì nagaiya'lak. An Paùlùt Timotìùt neperak en Karisùt atitigeke logolìk wene helal waganogo hinoba lakhei wago atì.

LAKSASIKE 19:22

Atì'nogo ìlìk he, at atitigeke mene inebe pìre, Timotìùt ho, Erasìtùt ho, eperak o propinsi Maketonia laksa wìrìk, at aligat enek o propinsi Asia welagaike.

2 TIMOTÌÙT 3:11

Apùnì nen yì aik tì aik haga'napenem, noba aik weak hìgìrek a'nogo heluat o. Apùnì o Atiokia nen, Ikonìùm en, Lisitera nen, weaga'napo kolegat were'ma, ninoe Etagepogot en eki aike kamo ìgì'lek telnapì lagaike atì.

1 TESALONIKA 3:6

Nen, at Timotìùt hinoba lakhei wagìma wagasik a'naga, yogotak apotkwe ninoba wagasik he, hit hinetaùken Karìsùt oba hìpìrìk logolìk, apùnì aike hinetawìrogo hagatì lagep mene atì yogonisìgìk, nit en: “It ninom apì a'lo e,” ìlùk walok akìkì lago hak, hit en atì'nogoat ninoba eberek motok logolìk, “It inoabùt hano a'nogo ninom api a'lo e,” ìlùk, akìkì lagep mene atì, yogonisa wagama re, nina'la hai hakìkì lago.

2 KORÌTÙT 1:19

At Ala aput Yesùt Karìsùt, an nebe nen yakùlhisìgìk, Silat en yakùlhisìgìk, Timotìùt en yakùlhisìgìk, isugu mene a'nogo oabùt he, “Ì o,” ìlìk en, “Lek o,” ìlùk ikerek lek. Ala nen, “Ì o. Wokhisegein,” ìlùk abok yogonisa hak, Yesùt ebe wo'nisasikomo werek atì.

2 KORÌTÙT 1:1

Nerùgì nagaiya'lak. An Paùlùt Ala a'la akasike ba, Yesùt Karìsùt en nayoko hìlìk he, lakhani wagaike mene a'nogo, ninagaiyak Timotìùt a'nogo neperak en hit Ala againapùrì o Korìtùt atogotesep mene mel, o propinsi Akaya ya ta atoma welagasep mene obogat mel, wene yì helal waganogo hinoba lakhei wago atì.

1 KORÌTÙT 7:14

At he Ala a'logo mene nen, agùn etaùken Karìsùt oba hìpìrethìgì'lek mene, waganek eperak hano lapuk hogo welagaikarek atì ba, agwe nen agùn ebe Ala hesik hisìlì'logo. Nen, atì hak at ap Ala aput mene nen, agwe etaùken karìsùt oba hìpìrethìgì'lek mene waganek eperak hano lapuk hogo welagaikarek atì ba, agùn nen agwe ebe Ala hesik hisìlì'logoat. Atì'nogo inebe Ala hesik hisìgì'lek logoilepma re, hinagainapùrì inebe Ala meneat he, etakwe mene logoilep o.

LAKSASIKE 14:21

O Terebe atoma wene hano wene yogoisikoat logolìk he, apùnì inebe logolegat woginapukwama Yesùt ane wanhukwa. Wanhukwama hisalùk, it Paùlùt Parenapat eperak hobuk inapotkwe o Lisitera nen, Ikonìùm en, pìkìt o Pìsìrìa tokwe o kota Atiokia wùlìbi wagaukwa.

LAKSASIKE 14:1

It Paùlùt Parenapat eperak o Ikonìùm atoma logolìk, o apùnì Yahuri mene sapan ìkì lagaukwa ba kìlìk he, wene atì'nogoat yogoisasukwama, inebe logolegat, Yahuri mene lek, Yunani mene lek, wene atì eberogoat ìlùk wanhukwa.

1 KORÌTÙT 16:10

At Timotìùt a'nogo, an nen ninoe Etagepogot hesik hagatì lagì hak hagarì'logo mene hit hinoba wesigin atì, ebe waga halok he, hit hinom ayù'lek hogo logouak en he, ebe hanorogo wanino o.

PILEMON 1:1

Pilemon nagaiyak e. Nagaiyak neperak Karìsùt hesik hagatorek mene hebe netawì e. An Paùlùt, Karìsùt Yesùt hesik neki hele warogo hanhama welagì mene a'nogo, ninagot Timotìùt neperak en, hat hebe mel, Ala againapùrì aike hat haua atogotarek mene mel, ninerei Apia mel, ninagot Arekìpùtt, weim yaparek hak, Ala hesik ninom ninomamerogo hagatì lago mene a'nogo mel, wene yì helal waganogo hinoba lakhei wago atì.