LAKSASIKE 15:9 - Ala Ane Wene Ket Mene Warogo Wo'ninapike Wene

⁹ It hùnogoat hagarinapìk, nit hùnogoat haga'ninapìk, ìgì'lek o. We, it en Yesùt ane eberogoat ìlùk wanhukwama re, at en ina'lakwe horinapike atì.

LAKSASIKE 15:9 ပူးပေါင်းရင်းမြစ်များ

EPESÙT 3:6

Hano wane atì ba, it apùnì etakwe mene mel, Yahuri mene mel, inom higit hogoat esewerek haga'lagìk, Karìsùt ebe omakeat mene ninom higit hogo hùnogo hinìgìk, ikomo welago. Wene hageat Ala nen, “Tì'nogo hagathinabigin,” ìlùk, abok yogonisasike a'nogo ba, “Apùnì etakwe mene Karìsùt Yesùt inom hutik were'ma, hano wene atì ba ninom higit hogo haga'ninabigin,” ìlùk, ninelu aga atì.

LAKSASIKE 10:28

Eileken isìlìk, mel yogoisasike: “Nit apùnì Yahuri mene nen hit apùnì etakwe mene ninom hùnetìk, nit hinoba kìgìk, usak lek ilùk, wene palek welagarek atì, hinelu. Atì'nogo meneat he, at Ala nen, Apùnì aike mene atì, inom logousak he, wesa mage, ìlùk usak lek o, ìlùk yakùlnetomo re,

KOLOSE 3:11

Atì'nogo hagathinapenem he, ninebe obogat ninoe Etagepogot Karìsùt aligatma, ninebe obogat at ninom hutik welago atì nen, inùkùl etage Yunani mene ìgìk, Yahuri mene ìgìk, egarek atì mel, inogat inekalìma mene palek mene ìgìk, pale'lek mene ìgìk, egarek atì mel, inane okut palek mene ìgìk, inebe Yalì-Somagei mene ìgìk, egarek atì mel, inatitigeke mene ìgìk, inalepma mene ìgìk, egarek atì mel, ìkì logousak lek welagep atì.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

KALATIA 3:28

Wìlìk, hobuk en he, hit obogat he, Karìsùt Yesùt hinom hutik logolìk hinebe omakeat mene welagep atì nen he, hit o'moko Yahuri mene, o'moko Yunani mene ìgìk, o'moko inatitigeke mene, o'moko inalepma mene ìgìk, o'moko hìmì, o'moko ap ìgìk, ìkì logousak lek.

LAKSASIKE 11:12

Wagaikama re, Ala Areagùn nen an mel yogonete: Ninom lasak mea, ìlùk ha'la wanesùgì ebetì'legat, hinom lano o, ìlùk yogonete. Atì'nogo yogonetomo re, it Ala againapùrì o Yope mene inebe 6 en wagaikasik yoma werek yì ninomat o Kaisarea lago. Lagoaik, nit obogat ap Korenelìùt aua kogo.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

LAKSASIKE 10:34

At Peterùt en wene ero ba nen yogoisìkì logolìk he, “At Ala oabùt he, apùnì inogat oba nek eileken isìlìk, aike elokoma hisìgìk, aike apotma hisìgìk, ikerek lek, ìlùk yogotak en hùthìgì.

1 KORÌTÙT 7:18

At aike ogat ekalima mene arat palek were'ma, Ala nen ayoko hesikesik oba nen, hobuk ogat pale'lek mene negen asigìlùk aike hagasusak mea o. Nen, at aike re, ogat ekalìma mene pale'lek were'ma Ala nen ayoko hesikesik oba nen, hobuk ogat atì'nogo palusak legat o.

ÙRÙM 9:24

Atì'nogo akikerek mene atì, nit apùnì Yahuri mene nek wena'ninapikesik ninayoko hesike hùk. It etakwe mene ninomat wena'ninapikesik inayoko hesikeat o.

ÙRÙM 3:9

Halok he, nit Yahuri mane nek he, hano aga kolek, it etakwe mane nong asugun usak nogo? Motok lek o. Apùnì Yahuri mene lek, Yunani mene lek, obogat lapuk hogo weak mene awe a'ma logolìk weak hagatarek enek ìlùk alep yogohisìgì atì.

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

LAKSASIKE 14:1

It Paùlùt Parenapat eperak o Ikonìùm atoma logolìk, o apùnì Yahuri mene sapan ìkì lagaukwa ba kìlìk he, wene atì'nogoat yogoisasukwama, inebe logolegat, Yahuri mene lek, Yunani mene lek, wene atì eberogoat ìlùk wanhukwa.

LAKSASIKE 10:15

Atì'nogo yogosikomo, ane a'nogo nen aike yogotì logolìk he, “Ala nen, Hano nasak, ìlùk ike halok, hat en, Wesa, nasak lek, ìlùk ha'la akagùn o,” ìlùk yogosike.