LAKSASIKE 15:8 - Ala Ane Wene Ket Mene Warogo Wo'ninapike Wene

⁸ At Ala apùnì ninetaùken elu mene a'nogo nenat, Yì an nagainapùrì o, ìlùk Areagùn nit wo'nisasike atì hagat it atì wogisasikeat.

LAKSASIKE 15:8 ပူးပေါင်းရင်းမြစ်များ

LAKSASIKE 1:24

Inetage isukwasik, Ala ayoko hìkì logolìk he, “Ninopase. Yùrat hat hane yogoisìlìk nìkì logouagalùk ayoko hesigin meneat he, at en heraksalùk wa'lasusak higit hogoat wa'lagama, obùlù'mo ap inebe pìre yì, hat en ap kì hak ayoko hegen. Hat apùnì inebe obogat inetaùken helu atì. Halok, Ap ebe yì ayoko hìgì, ìlùk, hat en yakùlnisan o,” ìlùk yogosukwa.

LAKSASIKE 10:47

“Lakhani. It yì Ala Areagùn nit wo'nisikerek atì hagat, it wogisikomo helaga atì. Halok he, sa nen, It ima pelaginabusak lek, ìlùk wene palusak akegep. Elok pelaginabusagat o,”

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

LAKSASIKE 14:3

Ina'la atì'nogo kagalho kolegat he, at Paùlùt Parenapat eperak ineki logolegat o atoma inayù'lek hogoat logolìk he, wene ninoe Etagepogot hagatì lagaike wene atì yogoisìkì lagaukwa. Yogoisìkì logolìk, Ala oabùt hano nen wo'nisikerek wene atì, “Eberogoat,” ìlùk hùthoagalùk yogoisikenem, it en hagasusak lek mene elalinat hagarinapì logouagalùk, Ala nen inomamerinapì lagaike.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

IBERANI 2:4

Wene atì yogoisìlìk nikenem he, it apùnì aike nen, “Wene atì eberogoat,” ìlùk hùthoagalùk, Ala nen inane legerogo yì mene tì mene hagasusak lek mene elalin omamerogo hagatìk, at a'la walok meneat higit hogo inoabùt lopok Areagùn sùpùrogo wogisìgìk, isike mene atì, nit en ninobaken nene heraksogoin halok he, herakhinegein akegep a? Weaga'ninabiginat o.

LAKSASIKE 4:31

Atì'nogo Ala ayoko hìkì lagaukwama re, o it atogorek welagaukwa ba atì abolok isike. Abolok ìkì logolìk he, Ala Areagùn inebe obogat ina'la peserogo kisikomo, wene Ala nen isike mene apùnì inayù'legat yogoisìkì lagaukwa.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

YOHANET 5:37

An nebe hùthanuagalùk, nopase nen lakhani wagaike mene atì nen, nabok pak hogoat yogohisasike meneat he, hit en nopase ane hinasuk holhì'legat, elokoken hineileken hìgì'legat logolìk he,

LAKSASIKE 15:28

Nit Ala Areagùn ninom logolìk he, wene mel ìlùk palho atì. Wene ekin mene yogohisasak lek. We, wene yìat hinasuk holusak ago.