LAKSASIKE 15:30 - Ala Ane Wene Ket Mene Warogo Wo'ninapike Wene

³⁰ Ati'nogo helal waganogo laksa wagaukwama, o Atiokia arat wagaukwasik he, Ala againapùrì inebe obogat atogorinabìk, wene helal waganek a'nogo wogisasukwa.

LAKSASIKE 15:30 ပူးပေါင်းရင်းမြစ်များ

LAKSASIKE 16:4

Ogat ekalìma mene atì'nogo palhikesik, ebe eperagat o ya ta waga logolìk he, wene it ap Yesùt en inebe weteberogo inayoko hìlìk laksasike mene mel, Ala againapùrì serisek welagaukwa mene mel, inom en o Yerusalem logolìk wane halhukwa mene a'nogo, Ala againapùrì nen hesogo logolìk higit hogo hagatì logouagalùk yogoisìlìk wagaukwa.

LAKSASIKE 6:2

Wene atì'nogo serep agaukwama, it ap inebe 12 Yesùt en inayoko hìlìk laksasike mene amanogo nen, apùnì Yesùt ane wanhukwa mene inebe obogat atogosuagalùk waisasukwa. Waisasukwama wagaukwama, inebe omakìma atogothìlìk logolìk, it en he, mel yogoisasukwa: “Nit Ala ane yakùlisìkì lago atì, heraksìlìk, yì mene tì mene sùpùrisìkì logousak he, weak o.

LAKSASIKE 23:33

Lagaukwama, it wolok wagaukwa mene amanogo o Kaisarea wìrìk he, surat palek a'nogo ap kain gubernur wogorìk he, Pùlùt ebe inom wogosukwa.

LAKSASIKE 21:22

Holhasi'mo nen, yogotak hat hebe wagatìk welagen yì, inasuk holugunat o. Halok he, nìkì'nogo hagasusak akegen.

LAKSASIKE 11:19

At Sitepanùt a'nogo ebe wasukwasik he, Ala againapùrì yì aik tì aik hagarinapì logolìk, sigisek-mugusek hagatì lagaukwama, pùgùlogo o propinsi Penisia mel, Siperùt mel, kota Atiokia mel, wagaukwasik, wene it apùnì Yahuri mene nek yogoisìkì lagaukwa.

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

LAKSASIKE 11:27

Atì sat he, it ap Ala ane yogoisìkì lagaukwa mene aike o Yerusalem en o Atiokia lagai wagaukwa.

LAKSASIKE 15:22

Wene atì'nogo isukwasik he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì serisek welagaukwa mene amanogo mel, Ala againapùrì aike atogorek welagaukwa mene obogat mel, inom en wene mel ìlùk palhukwa: “Ap nit mene aike weteberogo inayoko hìlìk, Paùlùt Parenapat eperak inom o Atiokia loak en he, laksùok o,” ìlùk isukwa. Atì'nogo isukwasik he, it Ala againapùrì aike nen, at Yurat etage aike Parasapat atì ho, Silat atì ho, “Inoabùt hano,” ìlùk akìkì lagaukwa mene nen, helal waganek atì inekim wolok loagalùk inayoko hesukwa.

LAKSASIKE 15:31

Wogisasukwama, etage salhukwasik he, “Wene atì ba nina'la hano aga,” ìlùk ina'la hai apik hakasukwa.