LAKSASIKE 15:23 - Ala Ane Wene Ket Mene Warogo Wo'ninapike Wene

²³ Wene atì ba helal waganogo hìkì logolìk, mel isukwa: “Nit hinerùgì hinagaiya'lak Yesùt en ninebe weteberogo ninayoko hìlìk lakhina wagaike mene mel, Ala againapùrì serisek welagorek mene mel, ninom en he, hit o Atiokia mene, Sìrìa mene, Kilikia mene, hinebe etakwe meneat he, Ala againapùrì mene ninerùgì ninagaiya'lak, ìlùk hai wathinapo atì o.

LAKSASIKE 15:23 ပူးပေါင်းရင်းမြစ်များ

LAKSASIKE 23:26

“Kain gubernur Pelìkìt noe. An Kelarìùt Lisiat en surat yì palogo hoba lakhei wagì atì.

YAKOBÙT 1:1

An Yakobùt ninopase Ala ninoe Etagepogot Yesùt Karìsùt eperak inatitigeke a'nogo nen, wene yì hit hinùkùl etage 12 nen yì awi tì awi pùgùlogo lìlìk welagasep mene obogat hinoba lakhei wagì. Nerùgì nagaiya'lak.

KALATIA 1:21

Atoma welagagisik he, hobuk o Siria mel, Kilìkìa mel, wagagi atì.

LAKSASIKE 15:22

Wene atì'nogo isukwasik he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì serisek welagaukwa mene amanogo mel, Ala againapùrì aike atogorek welagaukwa mene obogat mel, inom en wene mel ìlùk palhukwa: “Ap nit mene aike weteberogo inayoko hìlìk, Paùlùt Parenapat eperak inom o Atiokia loak en he, laksùok o,” ìlùk isukwa. Atì'nogo isukwasik he, it Ala againapùrì aike nen, at Yurat etage aike Parasapat atì ho, Silat atì ho, “Inoabùt hano,” ìlùk akìkì lagaukwa mene nen, helal waganek atì inekim wolok loagalùk inayoko hesukwa.

3 YOHANET 1:14

We, an nebe heageak hea wìrìk weneane nineilha ba la'-lak ugun o, ìlùk akìkì lagi.

2 YOHANET 1:13

He aike Ala nen wenasike mene, eagwi nen inagosahe ebe hai wasu hak, it Ala againapùrì yoma mene nen he, hit hai wathinapa o.

2 YOHANET 1:10

Apùnì aike nen wene Karìsùt en yakùlnisasike wene lek, we, hunigat wene yakùlhisa waganem, sa nen apùnì inoabùt atìgìnìk mene hai warogo aua wanhenem he, at oabùt weak hagaterek mene atì oabùt helikerek atì nen he, hit en apùnì inoabùt atìgìnìk mene hai warogo hinaua woginabusak motok lek o.

2 YOHANET 1:3

Ati nen, nerùgi nagaiya'lak. Nit ebe wene wìlìk, nit-nit netawì-hetawìrogo were'ma, ninopase Ala aput Yesùt Karìsùt eperak inoabùt hano a'nogo nen hano mene wo'nisìgìk, inetawì'ninapìk, ninetaùken hapugu'ninapìk, ìkì logouak o.

LAKSASIKE 15:41

It a'nogo waga logolìk he, o propinsi Siria atoma nen pìkìt o propinsi Kilikia Ala againapùrì inetaùken ago warisìlìk wagaukwa.

LAKSASIKE 15:4

It a'nogo o Yerusalem lagaukwama re, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, it Ala againapùrì aike atoma inebe atogotì lagaukwa mene mel, inom en, hai warogo woginapukwa. Woginapukwama, it en he, “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisasukwa.

LAKSASIKE 15:1

Ap aike o Yurea nen o Atiokia wagaukwasik he, Ala againapùrì atoma mene wene mel ìlùk yakùlisasukwa; “Hit he, wene Musa nen, Yì'nogo, tì'nogo hagatì logousak ìlùk yogonisasike wene atì higit hogo re, hinogat hinekalìma mene palhinapì'lek halok he, hinebe Ala nen telhinabusak lek o,” ìlùk yakùlisasukwa.

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

LAKSASIKE 21:25

Mene re, it apùnì etakwe mene inetaùken Yesùt oba hìpìrethagasik werek atì hesik, wene alebat palhugusik helal waganogo lakhesugu akìgì. Helal atì'nogo waganogo lakhìkì logolìk he, Tùgì hareken oba hìpìrìk logolìk ako waretarek mene atì kùrìk nasak lek. Mep nasak legat. Yì mene tì mene alokop perelogo warek mene atì nasak legat. Pailak haksasak legat, ìlùk wene palhugusik helal waganogo lakhesugu akìgì,” ìlùk yogosukwa.

LAKSASIKE 21:3

Laga logolìk he, i ekenma o etage Siperùt atì nineki peikkwe nineileken lakhìlìk-hìlìk imakwe laga lagagusik, o propinsi Sìrìa lagagusik, o kota Tìrùt wùlùpugu. Wùlùpugusik, atoma nen, sukwe so a'la wolok lagaukwa mene wulabuogolùk isukwama re, nit no a'la nen atoma wùlùpugu.

LAKSASIKE 18:18

At Paùlùt eki logolegat Ala againapùrì o kota Korìtùt mene inom atoma welagaukwasik en he, hobuk it o atoma hai warogo hisalùk, he Perisikila agùn Akwila eperak inomat wogisek he, imakwe so ba o Sìrìa lùogolùk isukwa. Isukwasik, o kota Kekerea lagaukwasik atoma logolìk, “An Ala neperak hutik welago, ìlùk nesi uan-aban hùlì atì hùlì logouagalùk hebegein,” ìlùk herakhesikesik welagaike mene, “Hùlì yì hùlì arat,” ìlùk heleleng hogo palhike.

LAKSASIKE 11:18

At Peterùt en atì'nogo yogoisasikomo, it en wenagatì lagaukwa a'nogo re, hobuk kamo ìlìk mel isukwa: “Halok he, Ala oabùt hano nen, nit haga'ninaperek hagat, it apùnì etakwe mene inoabùt hebelaganem ineluk motok logouagalùk elok hagarinabusagat hìgì,” ìlùk Ala hogorasukwa.

MATÌÙT 4:24

Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.

LAKSASIKE 6:9

Hagarinapì lagaikomo re, it ap Yahuri mene o Kirene mene mel, Aleksataria mene mel, inebe apùnì aike inatitigeke welagaukwasik hobuk inalepma arìk sapan omakìma ìkì lagaukwa mene ho, it apùnì Yahuri mene aike o propinsi Kilikia mene mel, Asia mene mel, inom en, at Sitepanùt ane ikenem, melagaukwasik he, anema hinok-hanok wanhukwasik wenagasukwa.

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

LAKSASIKE 15:2

Wene atì'nogo yakùlisasukwama, at Paùlùt Parenapat eperak en it ap atì mel yogoisasukwa: “Hit en egep atì motok kolo egep o,” ìlùk, inom wene palhìk, serep agìk, apigat isukwa. Wene atì'nogo serep agaukwama re, it atoma mene nen he, Paùlùt Parenapat eperak, it aike inomat o Yerusalem lìlìk he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, inom en wene atì hesik haluagalùk laksùogolùk isukwa.