LAKSASIKE 15:11 - Ala Ane Wene Ket Mene Warogo Wo'ninapike Wene

¹¹ At ninoe Etagepogot Yesùt oabùt hano nen he, ninetaùken at oba hìpìrethikenem, nit telninapìk, it telinapìk, ninom higit hogoat telninaperek atì,” ìlùk yogoisasike.

LAKSASIKE 15:11 ပူးပေါင်းရင်းမြစ်များ

ÙRÙM 3:24

Atì'nogo were'ma, at weak mene nen hele warogo ha'nisek were'ma, at Ala oabùt hano nen Karìsùt Yesùt en we oko lek hele hikalogo telninabuagalùk lakhei wagaiko. Atì'nogo telninapì logolìk, ùkùm ninoba mene korogo wokhasikesik, Ala ninom ninapotkwe hùnogo hinasike atì.

TITUT 2:11

It obogat en atì'nogo hagatì logousak atì re, Ala oabùt hano nen yì apùnì tì apùnì obogat telinabigìlùk ìlì'logo mene atì oabùtt enagat weinamathesikomo werek atì nenat o.

KALATIA 2:16

Mene re, apùnì wene Ala nen ninasuk wasike wene a'nogo higit hogo hagatenem he, Ala nen ùkùm inoba mene korogo wokhìlìk inom hobuk inapotkwe hùnogo hisikerek lek. We, inetaùken Yesùt Karìsùt oba hìpìrethikenem enek, hùnogo hisikerek ìlùk hineluat o. Wene atì hesik, Ala ane ba helal mel waganek werek: “Apùnì aike nen higit hogo hagatenem, ùkùm inoba mene korogo wokhìlìk, inom hobuk inapotkwe hùnogo hisikerek lek,” ìlùk helal waganogo hesukwa atì nen, nit en wene Ala nen ninasuk wasike wene a'nogo higit hogo hagatenem hùk. We, ninetaùken Karìsùt oba hììrethikenem ùkùm ninoba mene korogo wokhìlìk, at ninom ninapotkwe hùnogo hinoagalùk, ninetaùken Karisùt Yesùt oba hìpìrethesugu atì.

2 KORÌTÙT 8:9

Ninoe Etagepogot Yesùt Karìsùt oabùt hano nen etawì'ninapike a'nogo hit hinelu motok akìgì. At he, ebe Ala mene logolìk he, eilmo wùlalhak welagaike meneat he, at elageik agaike atì ba, hit ebe mene hineilmo wùllalhak asuageip ìlùk, at ebe nit apùnì mene agaikesik elageik agaike atì.

1 KORÌTÙT 16:23

Ninoe Etagepogot Yesùt oabùt hano a'nogo nen sethisek motok logouak o.

ÙRÙM 6:23

Weak hagatarek atì oko re, wa'lagaikarek atì. Nen, ninoe Etagepogot Yesùt Karìsùt ninom hutik were'ma re, Ala oabùt hano nen oko legat nineluk motok logouagalùk haga'ninaperek atì.

ÙRÙM 5:15

Ati'nogo meneat he, eperak inoabùt omakeat hùk. Ebe re, Ala oabùt hano nen welegat wo'nisasike mene atì motok hùkoma, at Aram Ala ane sagalogo weak hagasike atì eperak walhamo re, eperak higit lek o. At omakeat en weak hagasike ba, elùgùn oba re, inebe apigat wa'larìk wagaikarek. Meneat he, Ala oabùt hano nen Yesùt Karìsùt welegat wo'nisasikomo, ap ebe omakeat mene nen hano hagasike ba, hano ero apùnì apigat ninoba wìalagaikomo welago.

KALATIA 1:6

At Ala nen he, hit Karìsùt oabùt hano mene a'nogo hinom hutik logouageip ìlùk hinayoko hesike meneat he, heraksalùk hepogat kwanìrogo hano wene salek hùnogoat mene oba ebesi laga lagep atì, an nayùk arì'logo.

ABÌKAKAN 5:9

Atì'nogo etawì ket mene helalogo watì logolìk: “Hat enek he, arat hoasukwama wa'lagagitik, u a e, Apùnì obogat inùkùl etage lopok, inane lopok, u a e, Inogat lopok, inawì lopok, u a e, Hat hamep oba Ala hesik oko palogo hisìlìk, u a e, Esewerek agagitik, u a e, Sùesika uan mene ba helal waganek ìkìlìk atì, u a e, Wìlìk he, silo hagarek atì hak, u a e, Amusu te'mek hogo hesukwa mene atì, u a e, Elok hikalusak, u a e.