LAKSASIKE 15:10 - Ala Ane Wene Ket Mene Warogo Wo'ninapike Wene

¹⁰ Ala nen atì'nogo hagato kolegat he, hit en at oabùt paluogolùk ìkì lagep atì nenahalok. Wene atì ekin apik en he, ninopalak wanusak mea welagaukwa. Nen, nit en wanusak mea logolìgat he, hobuk it Yesùt ane wanha mene atì wanuagalùk egep atì nenahalok.

LAKSASIKE 15:10 ပူးပေါင်းရင်းမြစ်များ

KALATIA 5:1

Nit Karìsùt en ninalepma hinasikomo yogotak ninalepma welago. Atì nen he, yì mene tì mene ekin weak mene it apùnì inatitigeke mene nen e pok hogo wolok loagalùk inomolo ba hagarek hak, ekin mene atì hobuk hinoba heinogo ìlùk, ning hogo metek logoino.

MATÌÙT 23:4

Sukwe ekin mene hele homagasogo inokawerek ineki hakahùk logolìk apùnì aike inomolo ba wanuagalùk yogoisagarek atì hak, it atì nen inokawerek hagatì'lek logolìgat, it aike nen hagasuagalùk wene ekin mene inoba hìlì'lùgì atì.

KALATIA 4:9

Mene re, an nen he, “At Ala hinebe elu welagarek,” ìlùk uem, “Hit yogotak en Ala ebe hinelu agep,” ìlùk ìgì atì. Halok he, hit hinokawerek en mokareke oabùt weak omame lek mene, eilmo lek mene, atì oba hobuk hinapotkwe awe a'ma kuogolùk ìkì lagep atì, nenahalok.

IBERANI 9:9

Wene atì, ebe yogotak haga'larì'logo mene hesik alìk waganek welagaike. Wene alìk waganek mene atì higit hogo hagatì logouagalùk, sùpùrùk mel, i mel, yì'nogo nìkì logolìk, yì mene tì mene oba yì'nogo horatì logousak, ìlùk Ala nen yakùlisasike mene higit hogo hagatì logolìk, inako Ala waretì lagaukwa atì, Ala nen wene ket ebe mene oan hagatì'lek werek kolek, kweangma elama hesik logolìk, alìk waganogo hagatì lagaukwa atì nen he, ùkùm inoba lek ìlùk ina'la katok hogo selegethousak mea welagaike.

IBERANI 3:9

Ala nen he, O atoma nen o mo lagagìk, pìgìk, iko kolek 40 tahun logolìk, an nen hit hinopalak hagarinapenem ineileken nen tomok hìkì lagaukwa meneat he, At omame werek a? Lek a, ìlùk lalnapìk, noabùt palhìk, ìkì lagaukwa. Atì'nogo hagatì lagaukwa atì nen, an na'mage inoba hìkì logolìk he, mel yogoisasigi: Hinoabùt kùn-kansek logolìk nane loporogo wanusak hinabìt atì nen,

MATÌÙT 4:7

Yogosikomo, at Yesùt en he, “Ala nen ìkì logolìk, Hit en he, an hinopase Ala Netagepogot nanini werek a? Lek a, ìlùk noabùt palusak motok lek o, ìlùk isikomo helal waganogo hesukwama weregat o,” ìlùk yogosike.

LAKSASIKE 5:9

Atì'nogo yogosikomo, at Peterùt en he, “Hit hagùn heperagat, wene Yì'nogo hagasuok, ìlùk egesip en ninopase Etagepogot Ala Areagùn oabùt paluogolùk hagatep atì nahalok. Ap hat hagùn ebe warek kweangma sali lagaikasik, hat atì'nogoat wokharek wùlùbuogolùk olilu kwe ba inesok ane wagaika arì,” ìlùk yogosike.