LAKSASIKE 14:5 - Ala Ane Wene Ket Mene Warogo Wo'ninapike Wene

⁵ Atì'nogo mìkìlhìlìk he, it apùnì etakwe mene lek, Yahuri inogogì kaintek inom lek, inom arìk he, “Paùlùt lak yì aik tì aik hagarinabìk, inebe helep en motok inoasuok,” ìlùk inabok palhukwa.

LAKSASIKE 14:5 ပူးပေါင်းရင်းမြစ်များ

LAKSASIKE 14:19

Atì'nogo agaikomo were'ma, it apùnì Yahuri mene o Atiokia nen, Ikonìùm en, lìlìk he, apùnì logolek amanogo wene atì heraksìlìk it werekwe asuagalùk ina'la kagalhukwa. Ina'la kagalhukwama, it werekwe agaukwasik, Paùlùt a'nogo ebe helep en wasukwasik en, ebe motogat wato salek, lisogo o kota leget abel etakwe wulaksasukwa.

2 TIMOTÌÙT 3:11

Apùnì nen yì aik tì aik haga'napenem, noba aik weak hìgìrek a'nogo heluat o. Apùnì o Atiokia nen, Ikonìùm en, Lisitera nen, weaga'napo kolegat were'ma, ninoe Etagepogot en eki aike kamo ìgì'lek telnapì lagaike atì.

LAKSASIKE 17:5

Inebe logolegat it Paùlùt Silat eperak werekwe atì'nogo asi laganem, it apùnì Yahuri mene ua palogo, it ap inoabùt weak mene o silimo welegat were'ma inebe woginabìk he, esa hologo apùnì o kota Tesalonika atoma mene ina'la menerìk lagaukwama, wene hùkoat wo'lagaike. Atì'nogo haga'lagaikomo, at Paùlùt Silat eperak ineki lisogo apùnì logolegat inoba wogisek lùogolùk, heraginabìk, esa hologo o ap Yason were'ma o lasi lagaukwa.

LUKAT 6:28

It en hit homan hikiko kolegat he, hit en he, agaugerinapì logoino o. Nen, it weagathinabì'lùgì mene atì, Ala nen hanorinabuagalùk, it hesik sapan ìkì logoino o.

MATÌÙT 5:44

Atì'nogo meneat he, an nen wene aike yì yogohisak. At ninopase Ala pogot oba mene mo esewerek logolìk kweangma lìarogo apùnì inoabùt weak mene lek, hano mene lek, obogat hesigat yarisìgìk, nen, moso pelakhei wagarek atì re, it higit hagarì'lùgì mene lek, kolo hagarì'lùgì mene lek, obogat hesik pelaksa wagìk, ikerek atì hak, hit hinopase Ala pogot oba mene againapùrìat asuageip ìlùk, apùnì hinom weak mene atì hinetawìrinapì logolìk he, it weagathinabì'lùgì mene atì, Ala nen hanorinabuagalùk, it hesik sapan ìkì logoino.

LAKSASIKE 13:45

Atogosukwama, it ap Yahuri mane amanogo apùnì logolegat ineileken isasukwasik ua palogo re, “Wene Paùlùt en ìlì'logo atì hinasuk holusak lek o,” ìlùk wene palhìk, Paùlùt lak wenagisìgìk, isukwa.

LAKSASIKE 13:50

Atì'nogo ukalarìk wùlùpenem he, it apùnì Yahuri mene nen he, hìmì ap etakwe mene inagagwì kaintek Ala ane wanhukwa mene mel, it ap o kota atoma inetagewerek kaintek welagaukwa mene mel, inom en Paùlùt Parenapat eperak mùgisoagalùk ina'la kagalhukwa. Atì'nogo ina'la kagalhukwama re, it en he, “Hit nit ninaua yoma logousak lek o,” ìlùk mùk hogo wulaksasukwa.

LAKSASIKE 14:2

Wanhukwama, it apùnì Yahuri mene he'na nen, wene atì inasuk holìk, eberogoat ìlùk ina'la akìgì'lek mene nen he, it apùnì etakwe mene Ala againapùrì inabìt asuagalùk ina'la kagalhì lagaukwa.

LAKSASIKE 14:4

Atì'nogo hagatì lagaukwa meneat he, it apùnì o kota atoma mene inebe logolegat mìkìlogo re, it o'moko apùnì Yahuri mene werekwe agìk, it o'moko it ap Yesùt en inebe weteberogo inayoko hìlìk laksasike mene amanogo werekwe agìk, isukwa.

2 KORÌTÙT 11:26

Ninhùp-nanhùbat youkkwe laga lagagisik, atì re, i hu nen sebelnapenem noasusak agìk, apùnì inoabùt weak ineki abusak wanharek mene nen noasuogolùk ikenem youk hìgìk, apùnì an nùkùl mene nen noasuogolùk ikenem youk hìgìk, it etakwe mene nen noasuogolùk ikenem, youk hìgìk, o sili hùko wùrì'mo nen noasuogolùk ikenem youk hìgìk, legeta'ma nen noasuogolùk ikenem youk hìgìk, i laut yekele'ma nen noasuogolùk ikenem youk hìgìk, apùnì hunigat meneat he, Ala againapùrì nagaiya'lak mene salek logolìk noasuogolùk ikenem youk hìgìk, ìkì lagagisigat.

1 TESALONIKA 2:2

Hit hinoba oan wagì'lek, o Pilipi atoma were'ma, apùnì atoma mene nen ina'la mea'nisìlìk yì aik tì aik haga'ninapì lagaukwa. Ati'nogo meneat he, ninopase Ala nen ane hano wane a'nogo ninayù'lek hogo yogohisa wesuagalùk haga'ninapikomo wagagusik yogohisiko were'ma apùnì apigat en, “Wene atì ninabìt,” ìlùk, iko kolegat, ninomamerogo yogohisìkì lagagu a'nogo, hineluat o.

1 TESALONIKA 2:14

Nerùgì nagaiya'lak. It Ala againapùrì aike Karìsùt Yesùt inom hutik logolìk, o Yurea atoma atogorì'lùgì mene, inokawerek inagaiya'lak Yahuri mene nenat yì aik tì aik hagarinapì lagaukwa hagat, hit hinagaiya'lak mene nenat yì aik tì aik hagathinabì'lùgì o.

1 TESALONIKA 2:16

Ala nen it apùnì eta'ma mene telinabuagalùk nit en hano wene yogoisìlìk laganem, apùnì inakwe palharek hak, it apùnì Yahuri mene nen he, “Wene hano wene atì yogoisasak lek,” ìlùk wene palì'lùgì atì. Atì'nogo hagatì logolìk, ninhùp-nanhùp weak hagatarek meneat oba louk hogo hagarì'lugì atì nen, Ala a'mage lagalìk, ùkùm huko mene inoba hike atì.