LAKSASIKE 14:2 - Ala Ane Wene Ket Mene Warogo Wo'ninapike Wene

² Wanhukwama, it apùnì Yahuri mene he'na nen, wene atì inasuk holìk, eberogoat ìlùk ina'la akìgì'lek mene nen he, it apùnì etakwe mene Ala againapùrì inabìt asuagalùk ina'la kagalhì lagaukwa.

LAKSASIKE 14:2 ပူးပေါင်းရင်းမြစ်များ

LAKSASIKE 13:50

Atì'nogo ukalarìk wùlùpenem he, it apùnì Yahuri mene nen he, hìmì ap etakwe mene inagagwì kaintek Ala ane wanhukwa mene mel, it ap o kota atoma inetagewerek kaintek welagaukwa mene mel, inom en Paùlùt Parenapat eperak mùgisoagalùk ina'la kagalhukwa. Atì'nogo ina'la kagalhukwama re, it en he, “Hit nit ninaua yoma logousak lek o,” ìlùk mùk hogo wulaksasukwa.

LAKSASIKE 17:5

Inebe logolegat it Paùlùt Silat eperak werekwe atì'nogo asi laganem, it apùnì Yahuri mene ua palogo, it ap inoabùt weak mene o silimo welegat were'ma inebe woginabìk he, esa hologo apùnì o kota Tesalonika atoma mene ina'la menerìk lagaukwama, wene hùkoat wo'lagaike. Atì'nogo haga'lagaikomo, at Paùlùt Silat eperak ineki lisogo apùnì logolegat inoba wogisek lùogolùk, heraginabìk, esa hologo o ap Yason were'ma o lasi lagaukwa.

LAKSASIKE 14:19

Atì'nogo agaikomo were'ma, it apùnì Yahuri mene o Atiokia nen, Ikonìùm en, lìlìk he, apùnì logolek amanogo wene atì heraksìlìk it werekwe asuagalùk ina'la kagalhukwa. Ina'la kagalhukwama, it werekwe agaukwasik, Paùlùt a'nogo ebe helep en wasukwasik en, ebe motogat wato salek, lisogo o kota leget abel etakwe wulaksasukwa.

LAKSASIKE 13:45

Atogosukwama, it ap Yahuri mane amanogo apùnì logolegat ineileken isasukwasik ua palogo re, “Wene Paùlùt en ìlì'logo atì hinasuk holusak lek o,” ìlùk wene palhìk, Paùlùt lak wenagisìgìk, isukwa.

LAKSASIKE 17:13

Atì'nogo hìpìrethesukwama re, apùnì nen inabok ìkì logolìk, “Paùlùt en he, Ala ane o Perea yogoisìlì'logo,” ìlùk ikenem he, it apùnì Yahuri mene o Tesalonika welagaukwa mene amanogo inasuk holhukwasik he, wagaukwa. Wagaukwasik he, apùnì logolegat amanogo kolo hagasuagalùk ina'la lo'logoratìk, menetìk isukwa.

LAKSASIKE 18:12

O propinsi Akaya atoma ap kain Kalìo gubemur logouagalùk menhesukwama were'ma, it apùnì Yahuri mene inebe atogothìlìk, Paùlùt ebe wasuogolùk hakhesukwasik he, anema wanuagalùk ap ùkùm inoba hìgìk, kotìk, egarek mene inoba wolok lagaukwa.

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

LAKSASIKE 14:4

Atì'nogo hagatì lagaukwa meneat he, it apùnì o kota atoma mene inebe logolegat mìkìlogo re, it o'moko apùnì Yahuri mene werekwe agìk, it o'moko it ap Yesùt en inebe weteberogo inayoko hìlìk laksasike mene amanogo werekwe agìk, isukwa.

LAKSASIKE 14:5

Atì'nogo mìkìlhìlìk he, it apùnì etakwe mene lek, Yahuri inogogì kaintek inom lek, inom arìk he, “Paùlùt lak yì aik tì aik hagarinabìk, inebe helep en motok inoasuok,” ìlùk inabok palhukwa.

1 TESALONIKA 2:14

Nerùgì nagaiya'lak. It Ala againapùrì aike Karìsùt Yesùt inom hutik logolìk, o Yurea atoma atogorì'lùgì mene, inokawerek inagaiya'lak Yahuri mene nenat yì aik tì aik hagarinapì lagaukwa hagat, hit hinagaiya'lak mene nenat yì aik tì aik hagathinabì'lùgì o.