LAKSASIKE 13:52 - Ala Ane Wene Ket Mene Warogo Wo'ninapike Wene

⁵² Ki lagaukwama, apùnì o Atiokia atoma mene Yesùt ane wanhukwa mene hùgì Ala Areagùn ina'la peserogo kisikomo ina'la hai apik hakasukwa.

LAKSASIKE 13:52 ပူးပေါင်းရင်းမြစ်များ

1 TESALONIKA 1:6

Hit yì aik tì aik hagathinapo kolegat he, hina'la hai hakìkì logouagalùk Ala Areagùn nen hina'la kagalhìkomo, hai hakìkì logolìk, hano wene wanhìsigip he, nit ninoabùt wanhìk, ninoe Etagepogot oabùt wanhìk, isigip atì.

ÙRÙM 15:13

“Hobuk hano asigin,” ìlùk nina'la hai hakogorek atì, ero at Ala nenat haga'ninaperek. Hit atì'nogo hina'la hai hùkorogo hakìkì logouagalùk Ala Areagùn omame ba hagathinabuak. Atì'nogo hagathinabuak en he, hinetaùken at oba hìpìrethesigip atì ba hakothìlìk were'ma, at en hina'la hai apik hakìkì logouagalùk hagathinapìk, hinetaùken hapuguthinapìk, uak o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

LAKSASIKE 4:31

Atì'nogo Ala ayoko hìkì lagaukwama re, o it atogorek welagaukwa ba atì abolok isike. Abolok ìkì logolìk he, Ala Areagùn inebe obogat ina'la peserogo kisikomo, wene Ala nen isike mene apùnì inayù'legat yogoisìkì lagaukwa.

2 KORÌTÙT 8:2

It apùnì aike nen yì aik tì aik apigat weagarinapo kolegat he, it ina'la hai hùkorogo hakìlì'lùgì atì ba inoabùt enagat aga. It inagarok motok lek inelageik logolìgat he, it mene apigat, lebek hogo it apùnì aike wogisìlì'lùgì atì.

ÙRÙM 5:3

Atì hesik enek nina'la hai hakìkì lago hùk. Yì aik tì aik hogorek atì ba, ninetaùken wurik agarek atì nen he, atì'nogo weaga'ninapo kolek, nina'la hai hakìkì lagoat o.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

1 PETERÙT 4:13

At Ala nen Karìsùt ebe weinam hogo lakhei waganem, hogorasugun atì like, waganem hina'la hai apik hakùogolùk, hina'la nen be, “At Karìsùt oba yì aik tì aik hìlìk hìlìk wa'lagaike hak, nit at ninom hutik logolìk atì'nogoat hìkì lago,” ìlùk hina'la hai hakìkì logoino.

YAKOBÙT 1:2

Nerùgì nagaiya'lak. At Ibilit en hina'la kagalìgìlùk yì ùkùm tì ùkùm hinoba hikenem hina'la hai hakìkì logoino o.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

LAKSASIKE 2:46

Atì'nogo hagatì logolìk he, ineki aike kamo ìgì'lek hutik-hutigat Ala awì wùrì'mo atogotìk, ina'la hai hakìkì logolìk, inoabùt isong hogoat inauakwe sùpùrùik inom kùrogo nìkìk, ìkì lagaukwa.

LAKSASIKE 11:29

Atì sùpùrùk no ebe oan haga'lagì'lek werek kolek he, it apùnì Yesùt ane wanhukwa mene amanogo nen he, “Halok he, nit ninebe lopok uang ninekimo aga mene higit hogo ninerùgì ninagaiya'lak o propinsi Yurea atoma atogotarek mene leberisùok en atogorogo lakhouok o,” ìlùk wene palhukwasik uang atogosukwa.