LAKSASIKE 13:5 - Ala Ane Wene Ket Mene Warogo Wo'ninapike Wene

⁵ Wagaukwasik, o Salamit wìrìk he, apùnì Yahuri mene o sapan ìkì lagaukwa bakwe kìlìk, Ala ane yogoisìlìk nìkì lagaukwa. Yogoisìlìk niko kolek, at etage Yohanet ìgìk, Marekùt ìgìk ìkì lagaukwa mene a'nogo nen leberisìkì lagaike.

LAKSASIKE 13:5 ပူးပေါင်းရင်းမြစ်များ

LAKSASIKE 13:14

Lagaikomo nen, it amanogo o Perega atoma nen he, o Pìsìrìa tokwe kota Atiokia atoma lagai wagaukwa. Lagai wìrìk he, ineki Ala hesik welegat logolìk, o apùnì Yahuri mene sapan ìkì lagaukwa ba kìlìk, hù'lagaukwa.

LAKSASIKE 13:46

Atì'nogo isukwa meneat he, it Paùlùt Parenapat aperagat inayù'lek hogoat logolìk he, mel isukwa: “Ala ane atì hit tak yogohisasak obaat yogohisa wago meneat he, hit hinabìt en heraksegesip, hinokawerek en he, Nit nabùlal-habùlal haga'ninabusak he, mea o, ìlùk u hagat ìkì lagep atì nen, nit ninoe Etagepogot en ninayoko hìkì logolìk yogonisasike hagat hagasugun. At en: An nen he, apùnì etakwe mene lìarinapìk, o wùrep oba werek mene telinapìk, igìlùk he, esage kìalek hake, hit hinebe hikìgì o, ìlùk yogonisasike higit hogo, hebek hogoat it apùnì etakwe mene yogoisa logoin o,” ìlùk yogoisasukwa.

LAKSASIKE 19:8

Atì'nogo isukwama re, at Paùlùt o apùnì Yahuri mene sapan ìkì lagaukwa ba kìlìk ayù'lek hogo logolìk he, wene Ala nen awe a'ma hisikerek wene a'nogo hùthìlìk wanuagalùk, ina'la kagalogo, wene at en yogoisìgìk, it en oko at yogotìk, ìkì logolìk he, tùgì hinagan welagaike.

LAKSASIKE 18:4

Atì'nogo kato inom logolìk, ninhùp-nanhùp Ala hesik ineki welegat logolìk sapan uogolùk ikenem, o apùnì Yahuri mene sapan ìkì lagaukwa ba kìlìk he, it apùnì Yahuri mene lek, Yunani mene lek, Yesùt ane wanuagalùk ina'la kagalhì lagaike.

LAKSASIKE 17:17

A'la weak arìk he, ninhùp-nanhùp o apùnì Yahuri mene sapan ìkì lagaukwa ba kìlìk, it Yahuri mene mel, welek mene Ala ane wanhukwasik Yahuri mene negen welagaukwa mene mel, at en wene ina'la kagalogo yogoisikenem, it en at oko yogotì lagaukwa. Atì'nogo ìkì logolìk he, apùnì pasar oko wanhare'ma lìlìk, apùnì inom apì arìk, at en wene ina'la kagalhenem, it en oko yogotìk ìkì lagaukwaat.

LAKSASIKE 14:1

It Paùlùt Parenapat eperak o Ikonìùm atoma logolìk, o apùnì Yahuri mene sapan ìkì lagaukwa ba kìlìk he, wene atì'nogoat yogoisasukwama, inebe logolegat, Yahuri mene lek, Yunani mene lek, wene atì eberogoat ìlùk wanhukwa.

LAKSASIKE 12:12

Atì'nogo hùthalùk he, he Maria ap etage Yohanet ìgìk, Marekùt ìgìk, egarek mene atì agosa aua atoma apùnì inebe logolegat atogosukwasik he, sapan ikenem lagaike.

LAKSASIKE 9:20

Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

KOLOSE 4:10

Arisitarekùt an neperak nineki hele warek welago mene nen hai wathinapìk, Parenapat agaiyak Marekùt a'nogo nen hai wathinapìk, ega o. At Marekùt hesik wene alep yogohisasigi a'nogo hagat, at ebe hinoba waga halok, hanorogo wanino.

LAKSASIKE 15:37

Atì'nogo yogosikomo re, at Parenapat an he, at Yohanet etage aike Marekùt a'nogo wolok lagalùk isike.

LAKSASIKE 12:25

Ati'nogo hùko aga kolek he, it Parenapat Saùlùt eperak en, apùnì Yerusalem mene arat leberisalùk he, inapotkwe wesuogolùk, ap etage Yohanet ìgìk, Marekùt ìgìk ìkì lagaukwa mene atì wolok wagaukwa.

MATÌÙT 20:26

Mene re, hit en it hagatarek atì hak, atì'nogo hagatì logousak motok lek o. An abat ta'lasi wagagi a'nogo re, hit apùnì nen lebe'nììkì logouageip ìlùk wagagi lek o. At he, an nen hit lebethisìkì logolìk, hit hinebe hele homage negen welagep mene atì, hinebe logolegat hikalhinabigìlùk, anat noasuagalùk wagagi atì. Atì hak he, hit aike sa nen, An inoe kain asigin, akiko halok he, hinagorat asuak. Nen, hit aike sa nen, An he, netagewerek asigin, ìlùk, akiko halok he, hinatitigekeat asuak o,” ìlùk yogoisasike.

LAKSASIKE 19:22

Atì'nogo ìlìk he, at atitigeke mene inebe pìre, Timotìùt ho, Erasìtùt ho, eperak o propinsi Maketonia laksa wìrìk, at aligat enek o propinsi Asia welagaike.

LAKSASIKE 19:29

Atì'nogo ìkì logolìk, inane sagalhenem, apùnì o kota Epesùt atoma mene humusegat atogosi waga logolìk he, ap o propinsi Maketonia mene inebe pìre, Paùlùt inom nìkì lagaukwa mene, inetage Kayùt ho, Arisitarekùt ho, inebe haksìlìk heleka hùko wagane'ma wogisek kisukwa.