LAKSASIKE 13:4 - Ala Ane Wene Ket Mene Warogo Wo'ninapike Wene

⁴ It Parenapat Saùlùt eperak Ala Areagùn nen laksa wagaikomo re, o Seleukia pi wagaukwa. Pi wìrìk he, o Seleukia atoma nen he, imakwe so ba o Siperùt i ekenma wagaukwa.

LAKSASIKE 13:4 ပူးပေါင်းရင်းမြစ်များ

LAKSASIKE 4:36

Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

LAKSASIKE 13:2

Logolìk he, ineki aike ba Ala againapùrì inom ninoe Etagepogot awe a'ma kìlìk, sùpùrùk nìkì'lek, at hogorato were'ma, Ala Areagùn nen yogoisìkì logolìk, “Parenapat Saùlùt eperak en an hesik hagatì logouagalùk, inayoko hìgìma atì nen he, it inebe weteberogo an hesik hanino o,” ìlùk yogoisasike.

LAKSASIKE 11:19

At Sitepanùt a'nogo ebe wasukwasik he, Ala againapùrì yì aik tì aik hagarinapì logolìk, sigisek-mugusek hagatì lagaukwama, pùgùlogo o propinsi Penisia mel, Siperùt mel, kota Atiokia mel, wagaukwasik, wene it apùnì Yahuri mene nek yogoisìkì lagaukwa.

LAKSASIKE 27:4

Lagaikesik wagaikesik he, o atoma nen, imakwe so ba waga logolìk, sogoi ninelokokwe nen laga lagaikomo re, i ekenma etage Siperùt atì abel he'nakwe re, sogoi kwe pale'ma hano ìlùk atìkwe wagagu.

LAKSASIKE 20:23

Atì'nogo nokot meneat he, an o kota aike nen aike lagìk ìgìrek atoma obogat at Ala Areagùn nen he, Heki hele watìk, yì aik tì aik hoba hìgìk, ugun o, ìlùk yogoneterek atì nek nelu o.

LAKSASIKE 13:3

Yogoisasikomo re, sùpùrùk nìkì'lek sapan ìkì lagaukwasik en, ineki it Parenapat Saùlùt eperak inùkùloak sebelogo laksa wagaukwa.

LAKSASIKE 15:36

O atom ineki aike inom welagaukwasik en he, Paùlùt en Parenapat yogotì logolìk he, “O ya ta ninoe Etagepogot ane yogoisìlìk lago ba amanogo hobuk lùok. Laga logolìk he, Ala againapùrì ninerùgì ninagaiya'lak amanogo nìkì'nogo werek ìlùk, o sili lopok nineileken isìlìk lùok,” ìlùk yogosike.