LAKSASIKE 13:32 - Ala Ane Wene Ket Mene Warogo Wo'ninapike Wene

^32-33 Ma re, yogotak nit en wene hano wene atì, hit yogohisa wago yì. Ala nen he, Tì'nogo wokhisegein, ìlùk ninopalak wene warisasike atì ebe re, o yogotak nit it en tagomakwe mene welago ya ba Yesùt at wo'nisasikomo wasukwama wa'lagaikomo re, Ala nen eluguthesike atì. Atì'nogo hagasigìlùk, wene Masimùt nomor 2 ba, mel isike: Hat an naput o. Hebe yogotak takhapì, ìlùk isikomo re, helal waganogo hesukwa higit hogoat haga'laga o.

LAKSASIKE 13:32 ပူးပေါင်းရင်းမြစ်များ

ÙRÙM 4:13

At Ala nen he, Aberaham mel yogosike: “Kweangma o yì awì tì awì obogat he, hat mel, hat en tagokwe mene mel, hinom esewerek asugun o,” ìlùk abok yogoisasike. Atì'nogo yogoisasike atì re, wene at en ninasuk wasike wene a'nogo hologo higit hogo hagatì lagaukwa ba yogoisasike hak. Lek o. We, at etaùken Ala oba hìpìrethesikomo, at Ala nen he, “Ùkùm hoba mene korogo wokhìgìrìk, hapotkwe neperak hùnogo hagagì,” ìlùk yogosike atì ba kweang abok yogoisasike atì.

LAKSASIKE 26:6

Yogotak ùkùm noba haga mene ero herasuogolùk melagì yì re, at Ala nen he, Tì'nogo hanothinabigin, ìlùk ninopalak wene warisasike wene atì, an nen, Eberogoat hano'ninabigin o, ìlùk netaùken at oba eberek welagì atì hesik, ùkùm noba haga mene ero herasuogolùk welago yì.

ÙRÙM 9:4

It apùnì Isirael mene ebe Isirael Ala nen wenaginapike mene atì nen he, at againapùrì asuagalùk woginapìk, at Ebe hogoratarek mene atì irat yakùlisìgìk, wene warogo irat woginapìk, wene ninasuk wasike wene a'nogo irat wogisìgìk, “An yì'nogo hogo'napì logoino,” ìlùk irat yakùlisìgìk, “Hobuk tì'nogo hagathinabigin,” ìlùk abok irat yogoisìgìk, isike atì.

LAKSASIKE 13:38

“Nerùgì nagaiya'lak. Wene yì hinelurogo logoino o. At Yesùt Ala nen atì'nogo eluguthesike atì ba, hit weak hagatì lagep mene atì, at en sagalogo legetsoagalùk yogohisìkì lago atì.

LAKSASIKE 5:42

Wùlùpukwasik, it a'nogo nen Ala awìi wùrì'mo kìgìk, apùnì inauakwe kìgìk, ìkì logolìk, “Ala nen he, Ap aike nen apùnì telhinabuagalùk ayoko hìlìk lakhei wesigin, isike a'nogo, ebe Yesùt atìat o,” ìlùk Yesùt en hagasike wene, hano wene a'nogo kamo ìgì'lek hutik-hutigat yakùlisìlìk nìkì lagaukwa.

LAKSASIKE 3:19

Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.

LUKAT 2:10

Inayùk agaukwama re, at malaikat a'nogo nen he, mel yogoisasike: “Hinayùk agùp o. Lakhani, hano wene apùnì obogat ina'la hai apik hakogoin mene, yogohisa wagì o.

LUKAT 1:19

at malaikat a'nogo nen he, “An Ala eilhanem metek welagìrek mene netage Kapiriel atì nebe anat o. Hano wene yì yogohesuagalùk, at Ala nen yoko lakhani wagama wagì o.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LAKSASIKE 13:23

Nen aike re, alebat at Ala nen he, Hit apùnì Isirael mene telhinabuagalùk, at Taùt en tagokwe mene aike wokhisegein, ìlùk wene warisasike atì hagat, ebe Yesùt menhìlìk wogisasike atì.

LAKSASIKE 14:15

“Ap sanì. Hit nìkì'nogo hagatì lagep. Nerùgì nagaiya'lak. Nit ninebe re, hit hake apùnì meneat. Mene re, hit en yì mene tì mene tùlemat mene hagatì lagep mene atì heraksìlìk he, hinoabùt hebelarìk, hinelokwe Ala eluk motok welagarek mene atì wogosuageip en ìlùk wene yogohisa wago mene o. At Ala atì re, pogot mel, kweang mel, i laut hùko yekelek mel, yì mene tì mene pogot oba, kweangma, ima welagarek mene mel, walhasike mene o.

ÙRÙM 1:2

Alebat Ala nen: “Wene hano wene atì, hobuk weinam asigin o,” ìlùk abok it ap at ane yogoisìkì lagaukwa mene amanogo yogoisikenem, it en Ala ane palek a'nogo ba helal waganogo hìkì lagaukwa.