LAKSASIKE 13:31 - Ala Ane Wene Ket Mene Warogo Wo'ninapike Wene

³¹ Eluguthesikomo re, it Yesùt inom a Kalilea tokwe nen o Yerusalem pisukwa mene amanogo ineileken hoagalùk inelokoma eki apik oba melaga lagaike. Atì'nogo inelokoma melaga lagaikomo, ineileken hasukwasik, it en he, Ebe eberogoat nineileken tì'nogo hogo, ìlùk yogotak apùnì Isirael mane yogoisìlì'lùgì atì.

LAKSASIKE 13:31 ပူးပေါင်းရင်းမြစ်များ

LAKSASIKE 1:3

Yesùt ebe wa'lagaikesik en eluk a'lùk, eki 40 hari inom logolik he, at ebe sekek hogo hùthoagalùk yì mene tì mene elalin logolegat hagatì lagaike. Atì'nogo hagatì logolìk, at en he, “An nebe yì. Ineileken tùkùm hogo neoak o,” ìlùk hobugalep inelokoma melarìk ìnùgisìgìk, Ala awe a'ma welagaikarek wene yogoisìgìk, ìkì lagaike.

LUKAT 24:48

Wene helal waganek werek atì hak, ebe haga'laga mene hit hineileken hegep mene nenat, it apùnì yogoisìlìk laga logoino.

LAKSASIKE 1:11

Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

MATÌÙT 28:16

At Yesùt en agoromì ane wanhì lagaukwa mene inebe 11 en amanogo yogoisìkì logolìk, “O Kalilea lìlìk tom atì ba lagalìk logoino,” ìlùk, wene warìsasike higit hogoat lagaukwasik lagasukwa.

LAKSASIKE 10:41

Atì'nogo weinamethesike meneat he, apùnì obogat ineileken hìgì'lek. We, alebat at Ala nen, It inebe atemat ineileken hoak o, ìlùk wena'ninapike mene nek, at Yesùt ebe warek were'ma Ala nen eluguthesikomo, nit at ninom logolìk sùpùrùk mel, i mel, ninomat nasugu.

LAKSASIKE 10:39

Apùnì Yahuri mene inaua o ya ta atoma mel, o kota Yerusalem wùrì'mo atoma mel, nìkì logolìk, obogat hagatì lagaike mene atì, nit nineileken hasugu. Atì'nogo meneat he, at ebe e ba menhìlìk wasukwa atì.

LAKSASIKE 5:32

Atì'nogo hagate ìlùk nit nineileken tùkùm hogo hogosik en, Eberogoat, ìlùk yogohisìkì lago. Apùnì Ala ane hologo hagatorek mene hùgì, at Areagùn wo'nisikerek atì ninom enat wene atì yogohisìkì lago,” ìlùk yogoisasike.

LAKSASIKE 3:15

Ninelugu'ninaperek mene ero ebe at meneat he, hit en watepma Ala nen he, ebe eluguthikomo, nit nineileken eberogoat hogosik en yogohisìkì lago o.

LAKSASIKE 2:32

Atì'nogo isike higit hogoat, at Yesùt Ala nenat eluguthikomo, nit ya obogat nineileken hogosik nineluat welago atì.

YOHANET 15:27

At en an nabok atì'nogo iko kolek, hit hogo re, an hit ninom alebat en welagorek atì nen he, hit en an nabok pak hogo yogoisìkì logogunat o,” ìlùk yogoisasike.